علــــــــي العضيااني .. ( الفالح ) ... الليل الليل ..

[السميــــــري]

الا يالفالح اللي كل ماقلنا تعال شويّ = تعكس أول مخارج للطريق اللي يوديلي !!
تبى مني نصيحه يالعضياني نصيحه عيّ = وإذا منك صملت أقول حذرا كان تاويلي !!

[عبدالرحمن الهيلوم]

فالك طيب وصح السانك متابعين يالغالي

[السميــــــري]

الهيلووم .. هلا بك

[عبدالله الجـــذع]

متابعين بشغــف..


محاوره يبدو لي أنها قمــه مادام السميــري والفالح متواجديــن خــلاص ولاقصور فالباقيــن...

[سلطان الجـذع]

الله الله يالسميري

صح لســــــــانــكـ سر الليل والصف صفك


وفي انتظار ابو فلاح

[السميــــــري]

عبدالله الجذع ..
مرورك مشرف ورائع .. يالرائع ..

___________

سلطان الجذع ...

هلا هلا . .وجودك مكسب ..

حييت ..

[علي فلاح العضياني]

(ترى الميّت يزيدك موت ما يحييك غير الحيّ )=وصاة الشايب اللي بالسعد والخير يدعيلي
بما انّك بديت السالفه حبّيت اقولّك شيّ=من الماسنجر ادخل هالحينه وامسح ايميلي

[نواف العصيمي]

صح لسانك يالسميري وصح لسانك ياعلي

:) متابع متابع متابع ..

ولكم التقدير والإحترام

[نايف الحميدي]

ياسلااااااااااااااااام ياسلااااااااااااااام




متابعين معكم يامبدعين


على القوه

[السميــــــري]

يوصيك الوصايه يوم جاته غبنته ياخيّ = يباك أتصير من طبع الرجال أهل الفناجيلي !
وانا بعطيك معلومه ترى ماهو مضافٍ ليّ = ومع ذالك كما الجني ولا أدري كيف يضوي لي !!

[السميــــــري]

نواف العصيمي ..
هلا بك مرحبا .. صح بدنك يالغالي ..


-------------

نايف الحميدي ..
صح بدنك يالغالي

[علي فلاح العضياني]

انا وضعي تمام الحمد لله وانت وضعك سيّ=ما باقي غير تخبرني عن علوم الرياجيلي
يجيك ايميلي اللي تعرفه من غير ما تدريّ=انا شاعر واحصّلّي على مثلك مداخيلي

[علي فلاح العضياني]

اشكر الاخوان جميعاً اللي مرّوا واتحفونا

[راع العلطا]

السميري×الفاالح

الله الله كلام كلام

صحت ألسنتكم


والصف صف ابوفلاح

[السميــــــري]

ترى بعض الرجال اللي تهابه مايجيب الميّ = ترى لك رقم ( الاول ) في كثير القال والقيلي
يقولون العرب ماتمشي الابل غير معك أعصي = وابى أستاقك وابى أسريك وأزيد التحاميلي

[معجب العتيبي]

هههههههههههههههههههههههههههه
بدايه استفزازيه بدأها السميري المبدع

ولم تجد الا الابداع الرائع من علي العضياني لتكون الرد المناسب


السميري ينكر الاضافه والعضياني يستغل الوضع بهجمه مرتده


لله دركم

[السميــــــري]

راع المعطا ..

صح بدنك يالغالي ......

___________

سارح البال ..

ههههههه
حلووه هذي المداخلات .. اللي تنعنشنااا
لاهنت على هذه الطله الرائع

[محمد النخيش]

الله الله عليكم أبدااااااااااااااع


السميري والفالح ابداااااااع غير مستغرب



واصلو متاااااااااااابعين


السميري

[السميــــــري]

أبو مناسيب ..

يامرحبا يامرحباا ..

والابداع هو تواجدك بيننا

[علي فلاح العضياني]

والا يالغاوي اللي طول عمرك منغمس فالغيّ=ليا خلّيتني سلمت من كل المهابيلي
تحاميلك على ظهرك يا شقران الجمل وامشيّ=لاوالله تونس المشعاب ثمّ تقول ياويلي


اخوي السميري تشرفت باللعب معك طال عمرك واعذرنا على القصور وتصبح على خير

ولنا لقاء ان شاء الله

[السميــــــري]

علي العضياني ..
تصبح على خير واستمتعنا باللعب معك

[حمد بن جوباح]

.
..

الله يصلح قلوبكم

صحت ألسنتكم يا المشاكسين :mad:

مير

وش أقول !!

خلوني ساكت أحسن :(

< يقال له الحين زعلان عليهم :D

يا لبى هالخشوم بس

:)

.
.
.















تحياتي لكمـ ،،

[كبتن عتيبه]

بما انّك بديت السالفـه حبّيـت اقولّـك شـيّ
من الماسنجر ادخل هالحينه وامسـح ايميلـي


ههههههههههههههه






الله يحييك






السميري؟الفالح




ولقاء ممتع ممتع

[زيـاد الـسـمـيـري]

بيض الله وجهك وماقصرت يالغالي

[عمرالروقي]

بيض الله وجيهكم محاوره رائعه
لاهنتم جميعا
...........