يا سعود حنّا على يمناك

[رجَال]

يا سعود حنّا على يمناك= أبشر مدام السعد فالك
حنّا حزامك هنا وهناك=ريّح مزاجك وجوالك
حلالنا والعمر يفداك=يا بن مناور وحنّا لك


رقم التصويت
18

قسم بجلال الله لو أعرف أصمم
لأهديه أحسن تصميم، لأنه يستاهل وكفو

ربما أن هاذي الأبيات تكون دعم معنوي لرجل وشاعر كفو
أعرف انها قليله في حقه
بس الله يجمّلنا معه

[رجَال]

سعود بن مناور العتيبي
رقم التصويت 18

الاتصالات: 82995
موبايلي: 6341

[مرزوق حمدان العتيبي]

...
.

بيض الله وجهك ... يستاهل سعود ...
وقبيلته كلها معه ...
...

[طـــــــــلمس]

يا اخوان تخيل ان سعود جاك البيت وبتضيفه

انت وكرمك مع الرجال وسعود يستاهل

كم تكلفك الضيفه وصوتبها

[عبدالعزيز البرقاوي]

رجال الله لايهينك كفو يابن العم نبي فعل تكفى

[رجَال]

مرزوق

ومن يقول، تسلم على مرورك.

[أبو مرحبا]

بيض الله وجهك

الشباب مايقصرون بالتصميم

عتيبه كلها معه

[رجَال]

طلمس

الله لا يهينك على مداخلتك.

[رجَال]

الصداقه وصل بيـن الاصدقـى=والقطاعه رمز عن بعد القلـوب
الصداقه عهد عنـد اهـل النقـى=تلـزم الرجـال فالشـدّه ينـوب
فاللـوازم عـن رفيقـه ما اتـقـى=يبذل المجهود لكبـار الخطـوب
ومن يصد عن الجماعه وش لقى؟=لو تعلاّ فوق ماهـوب محسـوب
كانه المخطـي يعالـج بالرقـى=وان تردوا فهو من ضمن القروب!
الرجل في وسط ربعـه لا بقـى=يرتفع قدره بهـم بيـن الشعـوب
كان ماهو عد من جـاه استّقـى=وغاليٍ عند الجماعـه ومحبـوب
ان حضر يحضر على عز ونقى=وان تغيّب حاضرٍ وسط القلـوب
واحدٍ عدّى والاخـر مـا رقـى=واحدٍ جالس على نص الـدروب
والعمر لا راح نصه وش بقـى=مثل شمسٍ هرفت يـم الغـروب
جعل بـرقٍ لمـع حـدرا سقـى=من ورى ريده غشى كل الخبوب
والله اني لاتبعه ونسـى الشقـى=واترك الديره عساهـا لشبـوب
لين اشب النار فـي راس النقـا=وافتح لصدري ذعاذيـع الهبـوب
ديـرةٍ ماهيـب قشـرا ومحقـى=كل ما دفيتها مـع كـل صـوب
انشرح صدري وبالـي روقـى=وتصبح الدنيا لعيني ربـع كـوب
وأهني اللـي خشـع ثـم اتقـى=وأهني اللـي بعـد غيّـه يتـوب
من هقى بالخيـر يلقـا ماهقـى=عند من يغفر كبيـرات الذنـوب
يالله اغفر لـي قبـل يـوم اللقـا=وردني لك رد عن كل الـدروب

[كحيلان العتيبي]

بيض الله وجهك ويستاهــــــــل ابو منـاور






http://www.3tt3.net/up/download.php?file=1Ae39043.amr

[ابو عبد الله العتيبي]

يستاهل سعود

ان شاء الله يفوز

اما من ناحيه التصميم تلقاها بقسم الفلاش والجرافيكس

تحيااااتي

[رجَال]

الصداقه وصل بيـن الاصدقـى=والقطاعه رمز عن بعد القلـوب
الصداقه عهد عنـد اهـل النقـى=تلـزم الرجـال فالشـدّه ينـوب
فاللـوازم عـن رفيقـه ما اتـقـى=يبذل المجهود لكبـار الخطـوب
ومن يصد عن الجماعه وش لقى؟=لو تعلاّ فوق ماهـوب محسـوب
كانه المخطـي يعالـج بالرقـى=وان تردوا فهو من ضمن القروب!
الرجل في وسط ربعـه لا بقـى=يرتفع قدره بهـم بيـن الشعـوب
كان ماهو عد من جـاه استّقـى=وغاليٍ عند الجماعـه ومحبـوب
ان حضر يحضر على عز ونقى=وان تغيّب حاضرٍ وسط القلـوب
واحدٍ عدّى والاخـر مـا رقـى=واحدٍ جالس على نص الـدروب
والعمر لا راح نصه وش بقـى=مثل شمسٍ هرفت يـم الغـروب
جعل بـرقٍ لمـع حـدرا سقـى=من ورى ريده غشى كل الخبوب
والله اني لاتبعه ونسـى الشقـى=واترك الديره عساهـا لشبـوب
لين اشب النار فـي راس النقـا=وافتح لصدري ذعاذيـع الهبـوب
ديـرةٍ ماهيـب قشـرا ومحقـى=كل ما دفيتها مـع كـل صـوب
انشرح صدري وبالـي روقـى=وتصبح الدنيا لعيني ربـع كـوب
وأهني اللـي خشـع ثـم اتقـى=وأهني اللـي بعـد غيّـه يتـوب
من هقى بالخيـر يلقـا ماهقـى=عند من يغفر كبيـرات الذنـوب
يالله اغفر لـي قبـل يـوم اللقـا=وردني لك رد عن كل الـدروب

[نواف العصيمي]

بيض الله وجهك والتصاميم في فسم الفلاش .. وتوقيع ابومرحبا :)

وحنا مع ابن عمنا ..

[محب الهيلا]

كفو والله ياعتيبة هذي عوايدكم

[الجوباحي]

ابشر والله بسعدك

تم التصويت عشر مرات

شكرا لك للحميا والشهامه

[Man من العتبان]

يستاهل سعود ماراح نخليه بنصوتله وقوفنا هو وقوف واحد مع جميع شعراء عتيبه البيرق ان شاء الله ماراح يطلع منهم

[الذيابي636]

صح لسانك يابطل

[متعب المحيا]

أخوي رجال اولآ صح لسانك وثانيآ هذا الموقف ليس غريب عليك انت

والاحرار اللى مثلك . وننتظر منك المزيد.

[أسامه العتيبي]

كفو والله اخوي


والله انك رجال وحنا عيال عمه بالقصيم ما نسيناه نصوت له

وشادين الحيل فيكم بعد ..

[ابو نادر]

لاهنت اخوي وسعود معه القبيلة كلها روق وبرقا


ولله ولي التوفيق

[محمد البام]

الله لا يهينك ويستاهل إبو مناور


كلنا معه

[عتيبي وافتخربربعي511]

سعود بن مناور العتيبي
رقم التصويت 18

الاتصالات: 82995
موبايلي: 6341

بيض الله وجهك

[طـــــــــلمس]

تم التصويت ب 800 ريال