ناصر الجلاه ............ ؟

[السميــــــري]

ناصر/ مساء الخير ..
شفتك موجود .. نستفيد منك ..


سلام الله على ناصر وأزيده وأثني الرده = على اللي في بحور الشعر ماتكسر مجاديفه
أنا أنشد عنك من مده وأثر لك يافتى مده = أبى أرفع للأداره فيه محضر عن محاريفه !

[محمد النخيش]

صح لسانك يالسميري



لاترفع للادراه شيء نفقد شاعر بمثل هذا المستوى

ههههههههههههه


متااااااااااابع

[ناصر الجلاه]

..


مساك الله بالنور

حياكـ الله يالغاالي

والاستفاده لي استلــم :

هلا يامرحبا بالند لامنه ذكر نده=عدد جزر البحور ومدها من سيف لا سيفه

انا حاضر وانا حرٍ يشوق العين في هده=تبى ترفع خطاب الشكر عجل في مظاريفه

[وحي العقل]

صحت الالسن

[ناصر الجلاه]

..

ابومناسيب

..

طويــق

..

صحت ابدانكم يالغااالين مروركم كريــــم

لاهنتووووا

..

[السميــــــري]

يدوم الك البقا والبحر من يسبح على مده = هذا قولي ويبقى البحر لو تكثر مغاريفه !
تبانا نشكرك وانته تمشى في بحر جده = عساه يعود في داره ولا تكثر مصاريفه

[السميــــــري]

أبو مناسيب ..
حييت .. والخطاب هونا عنه ..
صح بدنك ..

.
-------------

طويق ..
صح بدنك ..

[ناصر الجلاه]

..


ولا ياصاحبي لورحت مالي عنكم صده=لكن الذيب أله عاده يعدي في مشاريفه

ترى ماأنته مكلف في ياراع الخبر وده=انا رجال في لازمه يحمى مواقيفه

[السميــــــري]

ترى ماأنته مكلف في ياراع الخبر وده
انا رجال في لازمه يحمـى مواقيفـه


ناصر دقق في وزنهاا ..
أتوقع أنك ناسي شي ..

[ناصر الجلاه]

..

هههههههه انا غيرت اللحن لاني معي محاوره ثانيه وبنيت على اللحن بالغلط لاهنت على لفت النتباه يالسميري

واستلم :





ولا ياصاحبي لورحت مالي عنكم صده=لكن الذيب أله عاده يعدي في مشاريفه

ترى ماأنته مكلف مير ياراع الخبر وده=انا رجال في لازمه مايترك مواقيفه

[السميــــــري]

ههههه ماعندك مشكله ..
مالك حيله ماشاء الله ..






ليا سميت نفسك ذيب أكيد أنك تجي قده = ومن لا يحتمي قوله ترى كلٍ على كيفه
نفقّد في الحلال اللي نقص كل يوم من عده = ولو أني أِشوف الذيب مايترك محاويفه

[سلمان الروقي]

السمير صح السااااااااانك

ناصر صح السااااااااانك


مبدعين,,,,,

متابعين,,,لكم.

تحيآتي

,,,

[السميــــــري]

سلمان هلا بك ياسلمان ...
صح بدنك ..
مرورك مشرف ..

[معجب العتيبي]

السميري شاعر ومبدع ماقلنا شي بس وش دخلك ياخي خل الرجال يغيب ؟


والا اقول ياناصر شلون ابداعك وروعة ابياتك تسمحلك انك تحرمنا وتغيب كثير ترا السميري معه حق؟


لابد ان تظهر نتيجة الحكم عادله لنا كجمهور ومحبين للأبداع سواءا من المحكمه او من الجلاه


متااااااااااابع

[ناصر الجلاه]

..


ولا يابن السميري لد طرف العين والده=على من هو بذل معروف ماشفتوا معاريفه

حمينا الدار يوم ألغلبيه حزت الشده=تذرى خلف اساميها الكبيره واصلها زيفه

[ناصر الجلاه]

..

سلمان الروقي

..

وسارح البال

..

صحت ابدانكم يالغاااالين .. اطرائكم جميل ومروركم كريـــــم

لاهنتووا


..