عجل ياسارح البال

[رفيع المنزل]

ياسارح البال الله يخليك ماتسرح معي=ودي نسولف ليلة الجمعة ونعرف وش معك
هذا لحن مايتعبك حذرا تحوص وتدعي=وانا ادري انك شاعر ٍ مافيه لحن يروعك

[معجب العتيبي]

دخلت طول وعرض ماسلمت جيت مقربعي=لكن نبا نسولف معك هات السوالف واسمعك
هات السوالف والجزيله ياعميلي مطمعي=واضن لحن البيت يارجال ماهو مطمعك

[مقعد الدغيلبي]

ياسارح البال الله يخليـك ماتسـرح معـي
ودي نسولف ليلة الجمعة ونعرف وش معك

؛؛؛؛؛
مبدا مجنوون
وصح لساانك

ملايين 0تحيااتي

؛؛؛

-
دخلت طول وعرض ماسلمت جيت مقربعي
لكن نبا نسولف معك هات السوالف واسمعك

؛؛
كلااااااااام كبير كبير من شاعر كبير يقتنص الفرص

لله دركما جميع ومحاروه يتضح انها قمه

ومتااااااااااااااااااااااااابع ؛؛

وازهل الصف ياسارح ولايهون رفيع المنزل

الليل اليل

؛؛

[معجب العتيبي]

مقعد
شرفتنا بمرورك
ومشكووووووووووووور ياغالي

[مقعد الدغيلبي]

مقعد
شرفتنا بمرورك
ومشكووووووووووووور ياغالي


؛؛

شرف الله مقدارك

؛؛

والعفووا



ولاسوينا شي

؛؛؛

تحيااتي
؛؛؛؛
والليل الليل

[بندر الهيلا]

الله الله

رفيع المنزل --- سارح البال

صحـــتـ.... السنتكمــــــ..... واصلـــــــــــــوا

[فهيد مقعد الرويس]

رفع المنزله\\سارح البال

صحت السنتكم

طاروق شيق

تحيتي للجميع

[رفيع المنزل]

المعذرة تاخر الرد البارح وطلعت


ان كان ينفعك السلام ابشر وخذ لاتجزعي=سلام من قلب العميل اللي مراده ينفعك
انته قبل نبدا النقاش ان كان تبغى مصرعي=ماهو بحاصل كود كان انك تدور مصرعك

[معجب العتيبي]

سلامك لنفسك يامسلم كان للأيه تعي=وان كان فهمك للحديث اللي تحفظه يقنعك
مصرعك مايحتاج لا ممشى ولا هم وسعي=لكن ليا منك سلمت اقول جدا ماروعك

[السميــــــري]

لكن ليا منك سلمت اقول جـدا ماروعـك

لكن ليا منك سلمت اقول جـدا ماروعـك

سارح .. صح لسانك ..
يامبدع ..

أبداع ليس غريب منك ..

وصح لسان رفيع المنزل ..

[رفيع المنزل]

اثريك امام ٍداعيه تفتي وقولك يسمعي=لاشك ياراع الفتاوي قول لي وش مرجعك
وانته ياراع البندق اللي جيت ضد المدفعي=استعمل البندق يالين تجيك ضربه تشلعك

[سلمان الروقي]

رفيع المنزل

سارح البال

صحت السنتكم,,,, مبدعين

تحياتي

[معجب العتيبي]

العلم يحيي القلب يارجال ويزيد الوعي=عليك بالقران والسنه ومن غيره دعك
البندقيه جاهزه وزنادها تحت اصبعي=بس انتبه من طلقة المدفع تثور وتصرعك

[رفيع المنزل]

باقي نجيبك تخطب وعينك تهل المدمعي=لكن خوف الناس وش هي غايتك من مدمعك
ياعتيبة ابغى انشر خبر ماكود ويفيد النعي= الا ياسارح لو توقع لابن وايل باصبعك

[معجب العتيبي]

اخطب وجنك يارفيع المنزلي مايطلعي=واقرا عليك الفاتحه وان طحت منها نرفعك
ماضن ابن وايل وصل للي يبي فالمجمعي=واضن حظك من رداته ياعميلي ودعك

[بندر المرشدي]

يحيي القلب يارجال ويزيـد الوعـي
عليك بالقران والسنه ومن غيـره دعـك
البندقيه جاهزه وزنادهـا تحـت اصبعـي
بس انتبه من طلقة المدفع تثور وتصرعك



الله .......الله صح لسانك ياسارح البال


ولا يهون رفيع المنزل

[رفيع المنزل]

لا والله الجني براسك عاش ماهو بتبعي=اقرا على نفسك عسى الله من جنونك يمنعك
والوايلي كم خضع اللي فالعرب مايخضعي= ولا انت ياسارح ترى نظرة عيوني تخضعك

[عبدالرحمن الهيلوم]

مشكووووووووور يالغالي يابو الابداع

[معجب العتيبي]

لاتقعد تكر وتعيد اللي قريت وتطبعي=هات الجديد من الفكر طلع نتايج مصنعك
ياربعنا ياهل القرى ياربعنا يا اهل الرعي=مايخضع الانسان غير لخالقه وش ضيعك ..؟

[رفيع المنزل]

ان كان صدرك ضاق مني يا طويل المذرعي=خلاص ابا اعفو عنك وليوم اللقا بستودعك
وانا عطيتك علم احسبك للمقاصد ترمعي=لكن بكل اكبر اسف بعدت وابعد مرمعك

[معجب العتيبي]

صح لسانك يارفيع المنزل

ومشكوووووووووووووووووووووووووووووور وجمل الله حالك

[رفيع المنزل]

صح بدنك وانت عزيز وغالي

تحيتي لك وللطيبين شرواك

[عمرالروقي]

صحت السنكم جميعا ولاهنتم
...............................................