بندرالقثامي
16-Jan-2008, 05:25 PM
الله الرحمن الرحيم
السلام عليكم ورحمة الله وبركاته
حبيت اقدم لكم ديوان احد شعراء الشيابين وهو الشاعر عبدالله بن دبسان بن دوخي الشيباني
القصيده الاولى :
وهي قصيده وطنيه
يالله الفرد الصمد وأنت المعافي
عزنـا بملوكنـا يالله تديـمـه
في ملوك المملكة بقـول قافـي
لو تروح الروح والدنيا هشيمه
شجرة آل سعود منها العز وافي
في قلوب الشعب قيمتها عظيمه
خيرها في ذا البلد ظاهر وخافي
جعلها للشعب بالدنيـا مقيمـه
نورها دستورها القرآن شافـي
ينصر المسلم بالآيات الكريمـه
بابها التوحيد والتوحيـد كافـي
للملوك برايـة التوحيـد قيمـه
رافعين اسيوفهم وابليس غافـي
يضربون المايلـه بالمستقيمـه
قبلهم يا نجد صايبـك الجفافـي
كان فيك الظلم وأصحاب الظليمه
ويالله الفرد الصمد وأنت المعافي
عزنـا بملوكنـا ربـي تديمـه
القصيده الثانيه :
قصيده موجهه للامير خالد الفيصل
هاج طاروق الطرايف وازعجنـي
واستهاض الفكر منهن يوم جنـه
ما قطعت ابهن وهـن يواصلنـي
بيننـا حـب وتوافـق يذكرنـه
مع زيارتهن يطير النـوم عنـي
ياصلن اللي بعـرف يصوغهنـه
ياصلن الشاعر المعـروف منـي
الأمير ابـن المليـك يصافحنـه
المثايـل قـدم خالـد يخضعنـي
تنحني للي كسـى العالـم بفنـه
جيت أسلّم يالامير وجيت اهنـي
للجبـال الشامـخـه لميرهـنـه
المروّه فيـك والشيمـه دعنّـي
يالذي يمنـاك الأمجـاد اعترنـه
في ربوع أبها مناظـر شوقنـي
من لقى هـاك الثـلاث يشوقنـه
من يد الرحمـن دايـم يشربنـي
كل يوم الغيـث ينـزل فوقهنـه
جيتهن مذهب وبالزيـن أذهبنـي
ما يجي فالشرق الأوسط مثلهنـه
السحاب اللـي بروقـه يبرقنـي
والجبال وخضرة الريضان جنـه
والعيـون الناعسـات يصوبنـي
فتنـة العشـاق يـوم يناظرنـه
سيـدي كـل العناصـر جمعنـي
في عسير وفي الأمير وفي مغنّـه
سيدي عفـواً بعـد مـا قابلنـي
كاملات الزيـن قلبـي صوبنـه
شوفهن فتنـة وبالفتنـة غزنـي
سيدي وأستاذنك فـي وصفهنـه
المنايـا شفتهـا منهـن نصنـي
من عشقهن في شبابـه شيبنّـه
يـوم يمـي بالعيـون يطالعنـي
لمحة البحري سـوات عيونهنـه
اندفعت بدربهنّـه غصـب عنـي
وأثر طـرّاد السـراب يضيعنـه
في تواصيف القطا يـوم شلعنـي
يا وجودي كيف حالي يرخصنـه
راسي أبيض في شبابي شيبّنـي
من سموم القيض وجهي شلهبنه
آه من شـي ٍ بقلبـي مستكنـي
أكتمه ميـر المحاجـر يفضحنـه
يوم صبري طال مدري ويش كني
كل ما شفت الوزا جريـت ونـه
وكل ما غنيت والـورق سمعنـي
الحمام الورق صوتـي جاوبنـه
في ربوع أبهـا ثـلاثٍ واجهنـي
وقلبي المسلوب من جوفي خذنه
يا عذابي يـوم يمّـي سلهمنّـي
يـم وادي ويـل قلبـي وجهنـه
بالعيون الخرس يا مـا عذبنـي
مع مظاليلٍ علـى الخـد يغطنـه
من بياض خدودهن يوم أقبلنـي
في عيوني جا سنـا لخدودهنـه
آه من حمر الشفايا يـوم جنـي
بالمتانه قيس حجـر أبصارهنـه
ومكسر العنبـر يذعـذع يمهنـي
والشمطري ريحته مـن يمهنـه
الخناصر هيـم والقـرن متثنـي
وعاتق الريمي بطـول أرقابهنـه
بالكلام بسـم الأفعـى صوبنـي
من تغنجهـن ومـن نظراتهنـه
صوبنـي صوبنـي واذبحـنـي
في خلايا القلـب موتـي وقتنـه
مـن بـلادي طرّفنـي وأيتمنّـي
وجيت أدور في تهامـه حولهنـه
وربعي اللي عندهم شاني ومنّـي
وغيبتي عن عزوتي ما هيب سنه
والهوا ما هوب عيـب يعيبنـي
كم شجيـع ٍ بالغـرام يصوبنـه
والهوا ما هوب لعب وضحك سني
الهوا مثل البحر يخلـف مظنـه
والمطالب مـا تحقـق بالتمنـي
وقفت اللي مثـل خالـد يدركنـه
سيدي بيـض العـذارى عذبنـي
مع ظروف الوقت قلبي غربلنـه
والحـرار بكـل شامـخ ينزلنـي
وماكري ما فيه ريش ويكرهنـه
والمشاعـر للمعالـي يطمحنـي
والمعالـي عنـد ربـي كلهنـه
الزمن ياميـر مـا فيـه متهنـي
غير من طاع الليـال وطاوعنـه
جاته الدنيا علـى كيفـه تغنـي
ما بقى عنـده همـومٍ يشغلنـه
واحدٍ ما هوب في وضعي وسني
شاب راسـي والثنايـا ودعنـه
طول عمري من تدني في تدنـي
من جليد البرد في لاهـوب كنـه
الليالي يا ولـد فيصـل طونـي
أيبسني ثم طونـي طـي شنـه
فزعتـك قبـل المنايـا يدركنـي
ما بقى فالعمر كثر اللـي طونـه
يالامير الشاعر الموهـوب ظنـي
ما تخيّب من تعلـق فيـك ظنـه
وقفتك تبري جـروح ٍ طاولنـي
وأستريح من الشقا مع دربهنـه
وينفتح باب السعـادة وأرجهنـي
جعل فيصل ينفتح له بـاب جنـه
القصيد الثالثه :
هذه القصيده ارسلها الشاعر عبدالله بن دبسان الى سلطان بن مجري الشيباني(ابومدين)
اليوم أنا عالي المشراف عديته
............ أبيه يبري غليلن قام يطويني
والله لولا طويل الرجم لا جيته
............ إني لجوّد بنيباني ذراعيني
مبدا المراقيب مشط الرجل لاويته
............ وإليا رجيته مَـعاد اليوم يرجيني
حبل الرجا دون بعض الناس قصيته
............ حتى لو إنه على الجنـّـه يناديني
وابن مجرّي نويت أجيه في بيته
............ وأنخا الذي ياخذ الأرواح بالدّيني
واليا وصلته بعال الصوت ناديته
............ سلطان لك موقفن بالضيق يرضيني
وأكبر دلايلك مدين يوم سميته
............ سلطان ياخوي تكفى لا تخليني
العام ذيب الخلا بالليل خاويته
............ واليوم أشوف الثعل ودّه يخاويني
سلطان يا خوي راسك يوم خصّيته
............ ما شفت غيرك يابو مدين يشكويني
الشرق الأوسط ترى شيمتك ماليته
............ سلطان غيرك وجوده ما يذريني
يابن مجرّي وصلك العلم وأوحيته
............ يا جعل والدك للجنّه ووالديني
في جوفي الهم يا سلطان ضميته
............ لا ناموا الناس هم القلب يوذيني
عيني بردها هموم القلب معميته
............ شفلي مرادي عسى شوفك يقدّيني
بيتك نصيته وعندك سرّي أفشيته
............ ياللي بجاهك يميلن الموازيني
سلطان يا عزوتي غيرك ليا جيته
............ يمكن كلامه بوسط البطن يلويني
يمكن كلامه يجي فكري بتشتيته
............ بعض السوالف على قبري توديني
راحت حياتي على صبره وحلتيته
............ بين الشراشيف نار الصبر تكويني
سلطان ثوبي دموع العين مرويته
............ تطري عليـّـه همومي لين تبكيني
من جور الأيام جيب الثوب شقـّـيته
............ يالله طلبتك من اللي فات تعفيني
القصيد الرابعه :
ياراسي اللي هناديبه مشيـّـبته
............ ماجور ماجور ياراس الحليفاني
يا ما وطيت الوعر والنوم شلهبته
............ أهذل هذيل الفهد لين الشلل جاني
رجلي قدمها على الطالات عذبته
............ الله يقصي زماني كيف يقصاني
وقتي غدرني وصدقته وكذبته
............ شره يبيني لكن الموت ما جاني
يا وجهي اللي سموم القيظ لاهبته
............ من شوف وجهي ضحك خطوا نسيواني
لي غايةٍ مايل الصرّه مصاحبته
............ كلب النمايم شبيه الذيخ ندهاني
اللي ترده عن الطاله معزبته
............ بين العجايز مثل كلب المريكاني
الله على اللي ليا منـّي تقرّبته
............ ترسل بواجيه يم البلف ضياني
لا دار سلفه بلوف النار جاوبته
............ تقول عطني وأنا بعطيك برهاني
فوق البساتم تشب النار كهربته
............ من هورشيما ورد والصنع ياباني
إليا تحرك تروس القير صالبته
............ جيب الشبح غايتي في كل ميداني
يا زين صوته ليا غنـّـا ولاعبته
............ واليا زهمني عطيته قيره الثاني
والعبد ما ياخذ ألاّ كود كاتبته
............ والفضل لله ولبن سعود سلماني
الحاكم اللي ليا جيته وخاطبته
............ منـّـي تبسم وبالمكتوب ناداني
اللي ملوك الوطن بالعدل ناصبته
............ أجيه جايع ومنه أروح شبعاني
مخبلك ياللي كلامي فيه كذبته
............ بالشرق الأوسط مثل سلمان ماكاني
راسه علينا ملوك العرش مندبته
............ بالحلم والعدل والرحمه والإحساني
أبو المساكين سمـّـيته ولقـّـبته
............ كفه عليهم تمد الصاع ملياني
أخو فهد غيثنا اللي شامخٍ نبته
............ يا رب تجزاه بالجنة على شاني
فيصل صفاته جسد سلمان قاضبته
............ الله على طاعة آل سعود يهداني
القصيده الخامسه :
وهذه القصيدة أعدها الشاعر في عام 1417هـ ، وذلك حينما وجد فتاة وهي ترعى الإبل بموقع يكون شمال ( جبله ) وحينما أعجب بهذه الفتاة ونضوج عقلها بعد التكلم معها اندفع الشاعر بقول هذه القصيدة المشرفة وحينما أنهى القصيدة قدّمها إلى والد الفتاة بطريقة سرية طالباً الزواج ولكن والد الفتاة قال (يعلم الله إني سبق أن ملكتها فاعذرني) اقتنع الشاعر بالقسمة والنصيب وأخذ يردد هذه القصيدة
يا ونتي ونّة اللي طاح مرضاني
....... عظمه تصرّم ولا ودّوه صحيّه
زين الصبا كيف أخذ قلبي وخلاني
....... أمشي مع الناس وأفكاري خلاويّه
حمام ياللي تغني فوق الأغصاني
....... ما شفت إلي في قرايا نجد حوريه
أنا بغني وأردد زين الألحاني
....... والعبد لله عليه حقوق شرعيه
واللي جرالي بقوله بين قيفاني
....... والناس بالناس والأعمال بالنيه
والناس فيهم يجي كاسب وخسراني
....... والناس للناس ماموره ومنهيه
والحب موجه مشى يمي وغطاني
....... وأنا عتيبي وموتي من عتيبيه
كنه عسيفٍ عليها زين الأرساني
.......هيمٍ شراشيفها مثل العمانيه
من وقت حوى وابونا آدم والى الآني
....... ما شيف مثله ولا شكله ولا زيه
يا ليتني رحت ما جيته ولا جاني
....... يقوله اللي بنات البدو من غيّـه
بنت الذي جالهم ماقف وبرهاني
....... من نجد ساقوا قبايلها الثلاثيه
بنت الأصايل عليها القلب ولهاني
....... ما هيب طرش البحر ولا خضيريه
والأصل حبّه بجمر النار يصلاني
....... في كبدي اللي بحب الزين مبليّه
من سبّة اللي عليها عين شيهاني
....... يا نفس منتي بلا ميته ولا حيـّـه
يا ويل قلبي عليها ويل عطشاني
....... اليا طراله براد الما وحالـيـِّـه
بنت الذي في طرفهم يامن الجاني
....... من شوفها ما يعيشون الهواويه
ريح الشمطري عليها بالخلا جاني
....... اللي على خدها لرموشها فيــَّـه
والخد كنـّـه قمر عشرين شعباني
....... والعين عين الوحش والعنق ريمـيـّـه
منها يهب الشمال بريح ريحاني
....... والعود الأزرق يهب مع الجنوبيه
في نجد جاني عذاب القلب وانهاني
....... جاني شمال (جبله) في ضو عصريه
ورعٍ جديله تثنى فوق الأمتاني
....... جود صوابي ولا لي منه ماويّه
لا جيت يمـّـه برمش العين حاكاني
....... يقول مالك ورايه حق ورعيـّـه
ومن شافني قال ابن دبسان سكراني
....... والحب اله سكرةٍ بالموت مقفيـّـه
الحب من ذاق سمـّـه جاه ماجاني
....... جوفه سواتي يقضـّه حد جاويـّـه
وان قالوا الناس ابن دبسان غلطاني
....... ابن سبيـّل شكى قبلي شكاويـّـه
تكفون يالاد روق الموت وازاني
....... الحب سمٍ ذحاح براس جنبيـّه
شيلوا خطايه ليا زليت بلساني
....... أنا ضحية وذابحني عطاويه
ربي عطاها الشرف من خمسة أركاني
....... أركان الإسلام والمذهب حنيفيـّه
وتكفون يا عزوتي يالاد شيباني
....... راحت حياتي وروحي عند روقيّه
منكم نبا الجاه لأهل الجاه والعاني
....... ولا ترى النفس يم القبر مرميـّـه
يتبع ...
السلام عليكم ورحمة الله وبركاته
حبيت اقدم لكم ديوان احد شعراء الشيابين وهو الشاعر عبدالله بن دبسان بن دوخي الشيباني
القصيده الاولى :
وهي قصيده وطنيه
يالله الفرد الصمد وأنت المعافي
عزنـا بملوكنـا يالله تديـمـه
في ملوك المملكة بقـول قافـي
لو تروح الروح والدنيا هشيمه
شجرة آل سعود منها العز وافي
في قلوب الشعب قيمتها عظيمه
خيرها في ذا البلد ظاهر وخافي
جعلها للشعب بالدنيـا مقيمـه
نورها دستورها القرآن شافـي
ينصر المسلم بالآيات الكريمـه
بابها التوحيد والتوحيـد كافـي
للملوك برايـة التوحيـد قيمـه
رافعين اسيوفهم وابليس غافـي
يضربون المايلـه بالمستقيمـه
قبلهم يا نجد صايبـك الجفافـي
كان فيك الظلم وأصحاب الظليمه
ويالله الفرد الصمد وأنت المعافي
عزنـا بملوكنـا ربـي تديمـه
القصيده الثانيه :
قصيده موجهه للامير خالد الفيصل
هاج طاروق الطرايف وازعجنـي
واستهاض الفكر منهن يوم جنـه
ما قطعت ابهن وهـن يواصلنـي
بيننـا حـب وتوافـق يذكرنـه
مع زيارتهن يطير النـوم عنـي
ياصلن اللي بعـرف يصوغهنـه
ياصلن الشاعر المعـروف منـي
الأمير ابـن المليـك يصافحنـه
المثايـل قـدم خالـد يخضعنـي
تنحني للي كسـى العالـم بفنـه
جيت أسلّم يالامير وجيت اهنـي
للجبـال الشامـخـه لميرهـنـه
المروّه فيـك والشيمـه دعنّـي
يالذي يمنـاك الأمجـاد اعترنـه
في ربوع أبها مناظـر شوقنـي
من لقى هـاك الثـلاث يشوقنـه
من يد الرحمـن دايـم يشربنـي
كل يوم الغيـث ينـزل فوقهنـه
جيتهن مذهب وبالزيـن أذهبنـي
ما يجي فالشرق الأوسط مثلهنـه
السحاب اللـي بروقـه يبرقنـي
والجبال وخضرة الريضان جنـه
والعيـون الناعسـات يصوبنـي
فتنـة العشـاق يـوم يناظرنـه
سيـدي كـل العناصـر جمعنـي
في عسير وفي الأمير وفي مغنّـه
سيدي عفـواً بعـد مـا قابلنـي
كاملات الزيـن قلبـي صوبنـه
شوفهن فتنـة وبالفتنـة غزنـي
سيدي وأستاذنك فـي وصفهنـه
المنايـا شفتهـا منهـن نصنـي
من عشقهن في شبابـه شيبنّـه
يـوم يمـي بالعيـون يطالعنـي
لمحة البحري سـوات عيونهنـه
اندفعت بدربهنّـه غصـب عنـي
وأثر طـرّاد السـراب يضيعنـه
في تواصيف القطا يـوم شلعنـي
يا وجودي كيف حالي يرخصنـه
راسي أبيض في شبابي شيبّنـي
من سموم القيض وجهي شلهبنه
آه من شـي ٍ بقلبـي مستكنـي
أكتمه ميـر المحاجـر يفضحنـه
يوم صبري طال مدري ويش كني
كل ما شفت الوزا جريـت ونـه
وكل ما غنيت والـورق سمعنـي
الحمام الورق صوتـي جاوبنـه
في ربوع أبهـا ثـلاثٍ واجهنـي
وقلبي المسلوب من جوفي خذنه
يا عذابي يـوم يمّـي سلهمنّـي
يـم وادي ويـل قلبـي وجهنـه
بالعيون الخرس يا مـا عذبنـي
مع مظاليلٍ علـى الخـد يغطنـه
من بياض خدودهن يوم أقبلنـي
في عيوني جا سنـا لخدودهنـه
آه من حمر الشفايا يـوم جنـي
بالمتانه قيس حجـر أبصارهنـه
ومكسر العنبـر يذعـذع يمهنـي
والشمطري ريحته مـن يمهنـه
الخناصر هيـم والقـرن متثنـي
وعاتق الريمي بطـول أرقابهنـه
بالكلام بسـم الأفعـى صوبنـي
من تغنجهـن ومـن نظراتهنـه
صوبنـي صوبنـي واذبحـنـي
في خلايا القلـب موتـي وقتنـه
مـن بـلادي طرّفنـي وأيتمنّـي
وجيت أدور في تهامـه حولهنـه
وربعي اللي عندهم شاني ومنّـي
وغيبتي عن عزوتي ما هيب سنه
والهوا ما هوب عيـب يعيبنـي
كم شجيـع ٍ بالغـرام يصوبنـه
والهوا ما هوب لعب وضحك سني
الهوا مثل البحر يخلـف مظنـه
والمطالب مـا تحقـق بالتمنـي
وقفت اللي مثـل خالـد يدركنـه
سيدي بيـض العـذارى عذبنـي
مع ظروف الوقت قلبي غربلنـه
والحـرار بكـل شامـخ ينزلنـي
وماكري ما فيه ريش ويكرهنـه
والمشاعـر للمعالـي يطمحنـي
والمعالـي عنـد ربـي كلهنـه
الزمن ياميـر مـا فيـه متهنـي
غير من طاع الليـال وطاوعنـه
جاته الدنيا علـى كيفـه تغنـي
ما بقى عنـده همـومٍ يشغلنـه
واحدٍ ما هوب في وضعي وسني
شاب راسـي والثنايـا ودعنـه
طول عمري من تدني في تدنـي
من جليد البرد في لاهـوب كنـه
الليالي يا ولـد فيصـل طونـي
أيبسني ثم طونـي طـي شنـه
فزعتـك قبـل المنايـا يدركنـي
ما بقى فالعمر كثر اللـي طونـه
يالامير الشاعر الموهـوب ظنـي
ما تخيّب من تعلـق فيـك ظنـه
وقفتك تبري جـروح ٍ طاولنـي
وأستريح من الشقا مع دربهنـه
وينفتح باب السعـادة وأرجهنـي
جعل فيصل ينفتح له بـاب جنـه
القصيد الثالثه :
هذه القصيده ارسلها الشاعر عبدالله بن دبسان الى سلطان بن مجري الشيباني(ابومدين)
اليوم أنا عالي المشراف عديته
............ أبيه يبري غليلن قام يطويني
والله لولا طويل الرجم لا جيته
............ إني لجوّد بنيباني ذراعيني
مبدا المراقيب مشط الرجل لاويته
............ وإليا رجيته مَـعاد اليوم يرجيني
حبل الرجا دون بعض الناس قصيته
............ حتى لو إنه على الجنـّـه يناديني
وابن مجرّي نويت أجيه في بيته
............ وأنخا الذي ياخذ الأرواح بالدّيني
واليا وصلته بعال الصوت ناديته
............ سلطان لك موقفن بالضيق يرضيني
وأكبر دلايلك مدين يوم سميته
............ سلطان ياخوي تكفى لا تخليني
العام ذيب الخلا بالليل خاويته
............ واليوم أشوف الثعل ودّه يخاويني
سلطان يا خوي راسك يوم خصّيته
............ ما شفت غيرك يابو مدين يشكويني
الشرق الأوسط ترى شيمتك ماليته
............ سلطان غيرك وجوده ما يذريني
يابن مجرّي وصلك العلم وأوحيته
............ يا جعل والدك للجنّه ووالديني
في جوفي الهم يا سلطان ضميته
............ لا ناموا الناس هم القلب يوذيني
عيني بردها هموم القلب معميته
............ شفلي مرادي عسى شوفك يقدّيني
بيتك نصيته وعندك سرّي أفشيته
............ ياللي بجاهك يميلن الموازيني
سلطان يا عزوتي غيرك ليا جيته
............ يمكن كلامه بوسط البطن يلويني
يمكن كلامه يجي فكري بتشتيته
............ بعض السوالف على قبري توديني
راحت حياتي على صبره وحلتيته
............ بين الشراشيف نار الصبر تكويني
سلطان ثوبي دموع العين مرويته
............ تطري عليـّـه همومي لين تبكيني
من جور الأيام جيب الثوب شقـّـيته
............ يالله طلبتك من اللي فات تعفيني
القصيد الرابعه :
ياراسي اللي هناديبه مشيـّـبته
............ ماجور ماجور ياراس الحليفاني
يا ما وطيت الوعر والنوم شلهبته
............ أهذل هذيل الفهد لين الشلل جاني
رجلي قدمها على الطالات عذبته
............ الله يقصي زماني كيف يقصاني
وقتي غدرني وصدقته وكذبته
............ شره يبيني لكن الموت ما جاني
يا وجهي اللي سموم القيظ لاهبته
............ من شوف وجهي ضحك خطوا نسيواني
لي غايةٍ مايل الصرّه مصاحبته
............ كلب النمايم شبيه الذيخ ندهاني
اللي ترده عن الطاله معزبته
............ بين العجايز مثل كلب المريكاني
الله على اللي ليا منـّي تقرّبته
............ ترسل بواجيه يم البلف ضياني
لا دار سلفه بلوف النار جاوبته
............ تقول عطني وأنا بعطيك برهاني
فوق البساتم تشب النار كهربته
............ من هورشيما ورد والصنع ياباني
إليا تحرك تروس القير صالبته
............ جيب الشبح غايتي في كل ميداني
يا زين صوته ليا غنـّـا ولاعبته
............ واليا زهمني عطيته قيره الثاني
والعبد ما ياخذ ألاّ كود كاتبته
............ والفضل لله ولبن سعود سلماني
الحاكم اللي ليا جيته وخاطبته
............ منـّـي تبسم وبالمكتوب ناداني
اللي ملوك الوطن بالعدل ناصبته
............ أجيه جايع ومنه أروح شبعاني
مخبلك ياللي كلامي فيه كذبته
............ بالشرق الأوسط مثل سلمان ماكاني
راسه علينا ملوك العرش مندبته
............ بالحلم والعدل والرحمه والإحساني
أبو المساكين سمـّـيته ولقـّـبته
............ كفه عليهم تمد الصاع ملياني
أخو فهد غيثنا اللي شامخٍ نبته
............ يا رب تجزاه بالجنة على شاني
فيصل صفاته جسد سلمان قاضبته
............ الله على طاعة آل سعود يهداني
القصيده الخامسه :
وهذه القصيدة أعدها الشاعر في عام 1417هـ ، وذلك حينما وجد فتاة وهي ترعى الإبل بموقع يكون شمال ( جبله ) وحينما أعجب بهذه الفتاة ونضوج عقلها بعد التكلم معها اندفع الشاعر بقول هذه القصيدة المشرفة وحينما أنهى القصيدة قدّمها إلى والد الفتاة بطريقة سرية طالباً الزواج ولكن والد الفتاة قال (يعلم الله إني سبق أن ملكتها فاعذرني) اقتنع الشاعر بالقسمة والنصيب وأخذ يردد هذه القصيدة
يا ونتي ونّة اللي طاح مرضاني
....... عظمه تصرّم ولا ودّوه صحيّه
زين الصبا كيف أخذ قلبي وخلاني
....... أمشي مع الناس وأفكاري خلاويّه
حمام ياللي تغني فوق الأغصاني
....... ما شفت إلي في قرايا نجد حوريه
أنا بغني وأردد زين الألحاني
....... والعبد لله عليه حقوق شرعيه
واللي جرالي بقوله بين قيفاني
....... والناس بالناس والأعمال بالنيه
والناس فيهم يجي كاسب وخسراني
....... والناس للناس ماموره ومنهيه
والحب موجه مشى يمي وغطاني
....... وأنا عتيبي وموتي من عتيبيه
كنه عسيفٍ عليها زين الأرساني
.......هيمٍ شراشيفها مثل العمانيه
من وقت حوى وابونا آدم والى الآني
....... ما شيف مثله ولا شكله ولا زيه
يا ليتني رحت ما جيته ولا جاني
....... يقوله اللي بنات البدو من غيّـه
بنت الذي جالهم ماقف وبرهاني
....... من نجد ساقوا قبايلها الثلاثيه
بنت الأصايل عليها القلب ولهاني
....... ما هيب طرش البحر ولا خضيريه
والأصل حبّه بجمر النار يصلاني
....... في كبدي اللي بحب الزين مبليّه
من سبّة اللي عليها عين شيهاني
....... يا نفس منتي بلا ميته ولا حيـّـه
يا ويل قلبي عليها ويل عطشاني
....... اليا طراله براد الما وحالـيـِّـه
بنت الذي في طرفهم يامن الجاني
....... من شوفها ما يعيشون الهواويه
ريح الشمطري عليها بالخلا جاني
....... اللي على خدها لرموشها فيــَّـه
والخد كنـّـه قمر عشرين شعباني
....... والعين عين الوحش والعنق ريمـيـّـه
منها يهب الشمال بريح ريحاني
....... والعود الأزرق يهب مع الجنوبيه
في نجد جاني عذاب القلب وانهاني
....... جاني شمال (جبله) في ضو عصريه
ورعٍ جديله تثنى فوق الأمتاني
....... جود صوابي ولا لي منه ماويّه
لا جيت يمـّـه برمش العين حاكاني
....... يقول مالك ورايه حق ورعيـّـه
ومن شافني قال ابن دبسان سكراني
....... والحب اله سكرةٍ بالموت مقفيـّـه
الحب من ذاق سمـّـه جاه ماجاني
....... جوفه سواتي يقضـّه حد جاويـّـه
وان قالوا الناس ابن دبسان غلطاني
....... ابن سبيـّل شكى قبلي شكاويـّـه
تكفون يالاد روق الموت وازاني
....... الحب سمٍ ذحاح براس جنبيـّه
شيلوا خطايه ليا زليت بلساني
....... أنا ضحية وذابحني عطاويه
ربي عطاها الشرف من خمسة أركاني
....... أركان الإسلام والمذهب حنيفيـّه
وتكفون يا عزوتي يالاد شيباني
....... راحت حياتي وروحي عند روقيّه
منكم نبا الجاه لأهل الجاه والعاني
....... ولا ترى النفس يم القبر مرميـّـه
يتبع ...