يالربع (سلطان الجذع ) موجود

[مقعد الدغيلبي]

السلام عليكم واعذرونا ع الغياب الخارج عن الاراده واقرب ياسلطان
--



سلام رديه بعد غيبه و لو غبنا نعود=أعود لوّ ظروف وقتي ياعتابه قاسيه
تعال ياسلطان اباسوقك مثل سوق القعود=وليا نتصف ليل العرب قلنالكم لاباسيه

[سلطان الجـذع]

يامرحبا واللي سواتك يالعله فالوجود =لكن لاتبعد عن جبال السراه الراسيه
عز الله اني قد نصحتك لاتعديها الحدود =وانته تدوس الجمر لو الجمر ماينداسيه

[مقعد الدغيلبي]

يامرحبا واللي سواتك يالعله فالوجود =لكن لاتبعد عن جبال السراه الراسيه
عز الله اني قد نصحتك لاتعديها الحدود =وانته تدوس الجمر لو الجمر ماينداسيه

--
ههههه ارحب

-

ياللي تواعد ليه تخّلف في مضامين الوعود=لاتحسبن اوعودها حبرً على قرطاسيه
وفر نصايحها لنفسك وارق والمرقى سنود=تراك منت اللي يبل الراس للامواسيه

[مشاري]

الله الله

شعراء مبدعين

واصلو لاهنتو


<<-- متابع وبشغف

[مقعد الدغيلبي]

هلا

وغلا

يامشاري


ومتابعتك شرف

تحيااتي

[معجب العتيبي]

مقعد الدغيلبي هلا وغلا
حظور بعد غيبه بأسلوب وطاروق يليق بالعوده

ولكن الجذع موجود ومتجدد ويستطيع ان يسمعك مايجعلك تتمنى تواجدك الدائم
فأنت مع شاعريتك تملك تذوق جميل للأبيات من نفسك ومن غيرك

واصلوا وانا متابع

[سلطان الجـذع]

خطاوي الظابط ثقيله يوم ينصا له جنود =لكن بعد ايام شب النار فالمقباسيه
ياحيسفي ياشعيل حالك راح ينقص مايزود =وعلم الحياء يادغيلبي ماجابه العساسيه

[سلطان الجـذع]

مشاري شكرا لتواجدك
...
..
.
الصاحب الغالي /سارح البال
لك كل الشكر علة تواجدك المهم
وابشر نبي نسمعه مايرضيه

[عيد العازمي]

ياحيسفي ياشعيل حالك راح ينقص مايزود
وعلم الحياء يادغيلبي ماجابه العساسيـه


مقعد صح لسااانك ومبدع


الجذع اراهن على قوة شعرك ما حييت

[سلطان الجـذع]

ياحيسفي ياشعيل حالك راح ينقص مايزود
وعلم الحياء يادغيلبي ماجابه العساسيـه


مقعد صح لسااانك ومبدع


الجذع اراهن على قوة شعرك ما حييت


العازمي هذا من ذوقك وطيبك ...

صح بدنك يالغالي وشرفت

كنت على بالي بس جاني هالسارفه ههههههه

[تركي البرّاق]

خطاوي الظابط ثقيله يوم ينصا له جنـود
لكن بعد ايـام شـب النـار فالمقباسيـه

ماشاءءلله يابو عبدالله ههههههههههههه

صح لسااانك وصح لسان ابو فيصل وضضضدك ومع ابو فيصل لين تنضبط .. :)

[سلطان الجـذع]

مروي الشطير هلا ومرحبا

شرفت يالغالي ...وابا اعلمه ان المشاكل منك هههههه

[مقعد الدغيلبي]

خطاوي الظابط ثقيله يوم ينصا له جنود =لكن بعد ايام شب النار فالمقباسيه
ياحيسفي ياشعيل حالك راح ينقص مايزود =وعلم الحياء يادغيلبي ماجابه العساسيه

--

لاوالله الا قمت تخلط بين بيض وبين سود=تتبع لك آمال وحلوم ووضعكم محتاسيه
اشعيل مانته جاهله لاحك عودً راس عود=وانته تلبّس يالجذع في كل ليل لباسيه

[مقعد الدغيلبي]

المعذره يابو عبدالله انقطع الاتصال وبالعفرته اشتغل

[تركي البرّاق]

اشعيل مانته جاهله لاحك عودً راس عود
وانته تلبّس يالجذع في كل ليـل لباسيـه

ههههههههه لافض فووك ياشيخ صح لسسسانك وعلالاك فيه

[مقعد الدغيلبي]

سارح البال

هلا وغلا

والله يسلمك وشهاده اعتز فيها

--
العاااازمي

يامرحبا وياهلا

وحضورك يكفي

--
مروي الشطير

ارحب يالذيب وازهله
ههههههههه

تحيااتي وشكري للجمييع

[مقعد الدغيلبي]

اشعيل مانته جاهله لاحك عودً راس عود
وانته تلبّس يالجذع في كل ليـل لباسيـه

ههههههههه لافض فووك ياشيخ صح لسسسانك وعلالاك فيه

00

صح بدنك يامروي الشطير

ودامك بجنبي ازهله

ههههههههههههه

لك كل شكري وتقديري

[معلا إبراهيم الأسعدي]

نعم نعم

الله يسعدكم

واصلو نتمنا لكم التوفيق

[سلطان الجـذع]

يجذبك نور البرق ..مير يروعك صوت الرعود =انته علومك ياابو فيصل وضعها حساسيه
شعيل ماني جاهله لاكبرت الدعوى شرود =ياما حمسته مثل حمس البن فالمحماسيه

[معجب العتيبي]

يجذبك نور البرق ..مير يروعك صوت الرعود =انته علومك ياابو فيصل وضعها حساسيه



الليل الليل
بدون كشف اوراق حنما سيكون هناك حساسيه هههه

لازال الابداع ولا زالت المتابعه

[عبدالله الجـــذع]

الله عليكم محاوره رائعه وقاف جميــل..


روحوا وانا في صف سلطان ولايهون مقعــد..

[تركي البرّاق]

شعيل ماني جاهله لاكبـرت الدعـوى شـرود
ياما حمسته مثـل حمـس البـن فالمحماسيـه

فالك البيرق يابو عبدالله هههههههههه الله يكفينا شرك ياشيخ

[مقعد الدغيلبي]

يجذبك نور البرق ..مير يروعك صوت الرعود =انته علومك ياابو فيصل وضعها حساسيه
شعيل ماني جاهله لاكبرت الدعوى شرود =ياما حمسته مثل حمس البن فالمحماسيه

--

حنا عرب والنا عهود ولانقضنا فالعهود=ابسط يدينك بعد بنكك ماعلن الافلاسيه
من كلمةً وحده علامك يالجذع بحت السدود=انا نقلت السيف والا انته نقلت الفاسيه

[مقعد الدغيلبي]

مروي الشطير

ياجعلني ماخلا من هالرااس
--

عبدالله الــجــــذع

يامرحبا والصف واحد

واهم شي وجودك ع متصفحنا

--

تحياتي للجميع

[سلطان الجـذع]

الاوله والثانيه عندي على علمي شهود =مار انتبه للكلمه اللي جات بين اقواسيه
والله مااخبر الك سيف ساعه الضيق محدود =واكثر عتيبه لاسمك وفعلك تراها ناسيه

[سلطان الجـذع]

الله عليكم محاوره رائعه وقاف جميــل..


روحوا وانا في صف سلطان ولايهون مقعــد..

:)

يكفينا تواجدك ....الله يبيض وجهك

[سلطان الجـذع]

مروي الشطير

تواجدك مهم لاعدمتك

[الليث المبتسم]

من كلمةً وحده علامك يالجذع بحت السدود
انا نقلت السيف والا انته نقلـت الفاسيـه
:eek::eek::eek:
حضور للمتابعه والملاحظه ورصد الدرجات
صحت السنكم

[مقعد الدغيلبي]

الاوله والثانيه عندي على علمي شهود =مار انتبه للكلمه اللي جات بين اقواسيه
والله مااخبر الك سيف ساعه الضيق محدود =واكثر عتيبه لاسمك وفعلك تراها ناسيه
-

الاوله والثانيه يشهد على قولي حمود=انا ترى مقعد مانيب خليف ابن دواسيه
مافيه داعي ياعميلي نحرث عظام اللحود=وأذكرك فعلك ورى سد الجبال الراسيه

[مقعد الدغيلبي]

الليت المبتسم



هلابك والله يكفينا شر رصدك

ههههههههههههه
-
سعدنا بوجودك معنا

تحيااتي

[الليث المبتسم]

خخخخخخخ
رصد عكسي واكيد الكلمه فيها لبسي
ويمكن لو اقولها يودوني للحبسي
لذلك احبسها في نفسي هههههه

[سلطان الجـذع]

انا اعرفك مقعد من الماجود للطرقي تجود =وليا عطيناك الذهب ماجبت غير نحاسيه
ماجابك الا حزه فالوقت ماعنها صدود =ياكليب موتك جاي لك من صاحبك جساسيه

[السميــــــري]

الاوله والثانيه عندي على علمـي شهـود
مار انتبه للكلمه اللي جات بيـن اقواسيـه

صح لسانك .. ياسلطان ..

متابع ..

[سلطان الجـذع]

..
السميري

شكرا للمتابعه ,,

[مقعد الدغيلبي]

انا اعرفك مقعد من الماجود للطرقي تجود =وليا عطيناك الذهب ماجبت غير نحاسيه
ماجابك الا حزه فالوقت ماعنها صدود =ياكليب موتك جاي لك من صاحبك جساسيه

-

طوفتها بالغصب ماعندك على العله ردود=الله واكبر بعد راسك راح مثل الطاسيه
اليا احتما الميقاف ياسلطان يدخلك البرود=طبعٍ لكم من ماظي الازمان ياهالناسيه

[غازي غالب]

الله الله


ياسلام ياسلام


محاوره غير وشعراء غير ,,


صح لسانك يامقعد ومبدع منذو مبطي والصف صفك يابو فيصل مافيها كلام ,,



صح لسانك ياسلطان والابداع ليس بغريب عليك ,,



واصلوا واصلوا متابع لكم وبشده ,,

[السميــــــري]

اليا احتما الميقاف ياسلطان يدخلك البرود
طبعٍ لكم من ماظي الازمـان ياهالناسيـه


ياهالناسيه !!

الله الله .. صح لسانك يامقعد ..

[مقعد الدغيلبي]

قبلااااااااااان

ارحب

ارحب

يالذيب

لاخلا وعدم


ووجوك كافي

--

السميري

--
ياهلا والله

شرفتنا بطلتك الغاااليه

-
لكم جزيل الود والتقدير

[سلطان الجـذع]

شر المجاهد فوق راسه لو تعزوى بالجدود =ياساري فالليل الاظلم ولع الاكباسيه
اليا احتمى الميقاف نرسي مثل ماترس الحيود =والعود من خفه يميل ان ذعذع النسناسيه

[سلطان الجـذع]

قبلان هلا ومرحبا بعد طول الغياب

شرفت يالغالي

[مقعد الدغيلبي]

شر المجاهد فوق راسه لو تعزوى بالجدود =ياساري فالليل الاظلم ولع الاكباسيه
اليا احتمى الميقاف نرسي مثل ماترس الحيود =والعود من خفه يميل ان ذعذع النسناسيه

-

اثرك جذع باقي جذع لانتب رموح ولاهبود=والليل ساري والخطر فوقك يدق اجراسيه
جريت صوتك يابن عمي لين صحيت الرقود=واللين ياسلطان مازعزع جبالً راسيه


--
وصح لساانك يابو عبدالله

ووالله ان السلامه منك مكسب

وتصبح ع خير انت وجميع من كان متابع

--

[سلطان الجـذع]

وانت مخبور تقرب خشوم الفتايل للزنود=بعض السوالف فيك يذكر عرقها دساسيه
اعلمك وانت تقول انك على الشين محدود =تبا تقيس البحر لو البحر ماينقاسيه


ابدعت وامتعت ياابو فيصل

وانا ماني مجرم حرب مثلك السلامه مني غنيمه



لك كل الشكر والتقدير ولجميع من سجلوا مداخلاتهم

معنا

[علي فلاح العضياني]

الله الله

صح لسانك يا مقعد الدغيلبي

وصح لسانك يا سلطان الجذع

محاوره من الوزن الثقيل شعراء كبار يعطيكم الف عافيه

اخوكم الفالح

[معجب العتيبي]

السلامه منكم يالثنين مكسب ههههههههه
لكن متابعتكم والاستماع لكم وقراءة ما خطت ايمانكم هي المكسب الاكبر

شكرا على هذا الابداع

[سلطان الجـذع]

الفالح ...سارح البال

لاهنتوا على المرور

وبيض الله وجيهكم