خلووووووووهااا.

[ابو بندر]

بعد حضرو الشعار يطري لنا الطاري=يبا يركب الخيال وينفر الطاري
لو الجو فيه غيوم والمزن مطاري=عسى الله يديم الأمن في ارض السعوديه



ياشعار استعدوا جاكم الموال=مافيها عن هذا المحراف مجنابي
سلامي ياعتيبه طيبين الفال=ياربعي يادروع الجنب وأحبابي

[سلمان الروقي]

عساء خير ويش العلم يالشاعر الحاظر=ترى فالعلوم أقسام من محتوى الحاظر
في ماض الزمن ولا زمنا هذا الحاظر=عسى الله يديم الامن بارض السعوديه

0 0 0


هلابك يالمرحب ثم كيف الحال=عسى الاحوال زينه عند الاصحابي

توكلنا على الله عاالم الاحوال=وحنا من قبيله وحده مابيننا إغرابي

[عيد العازمي]

ابو بندر - سلمان


صحت السنتكم وطارووق يحتاااج صفوووووف من جد

[ابو بندر]

مع العازمي يالليل نمشي برى برى=لو الجرح توه باقي (ن)ما برى برى
وعلم الوفى والطيب دايم برى برى=عسى الله يديم لامن بارض السعوديه




يدوم الك البقى ياراعي الامثال=عدد وبل المطر لنصب صبابي
نبا المكسب يجينا قبل راس المال=وقاف البارحه موجود ما شابي

[الله كريم]

الا ياهل الموال جريت موالي -- ونا فلخلا الخالي لا صاحب ولا والي ---الا يالله المعبود يارب ياوالي---عسى الله يديم الامن بلارض الخليجيه


اهلا هلا ونته كريم اسبال--يالي بديت بقاف جذابي

لا قلت ياالهيلا يجيك اعيال--مار انتبه لا تطلع ارهابي

[سلمان الروقي]

ترى المسلم الموحد مايشرك معادينه=ولو قلو احبابه وكثرو معادينه

وابو دين مفاده تسلف معادينه=عسى الله يديم الامن بأرض السعوديه




ياراع الدلو قدمك عد ماءه ازلال=يبا يقطع ظما من جاءه شرابي

ترى بعض الدعاوي حلها فالحال=بلاشرهه وحرقة دم وعصابي

[بندر الهيلا]

ابو بنــدر --- سلمان الروقي

صحت ابدانكم
وقافكم حماسي
والصف حامي

[ابو بندر]

كريم السجايا والمعادن سما سما=سوات النجوم العاليه في سما سما
وراع الردى في الكبد دايم سما سما=عسى الله يديم الامن با رض السعوديه



انا مسمع طبول يدقها الطبال=وشب النار وحطبها يا حطابي
البيع
ترى بعض الحكي والله ما ينقال=وسوق البيع جاله كل جلابي

[سلمان الروقي]

نخايل خيال ٍ فالسحابه نشاءنشاء=من المزن كله خير حنا نشاءنشاء

لعل النفل بكره نشوفه نشاء نشاء=عسى الله يديم الامن بأرض السعوديه



دعاويكم تراها كلبوها جدال=ولاتحتاج سيف يقص الارقابي

يابوبندر ترى العقده لها حلال=وراجع في مكاتيبك ياكتابي

[عبدالرحمن الهيلوم]

ابداع من مبدعين الله يقويكم

وااااصلوا متاااااابعين

[ابو بندر]

لربي رجانا كل يوم لحاء لحاء=قبل ما يموت العود فوقه لحاء لحاء
يا قوم شواربهم تغطي لحاء لحاء=عسى الله يديم الامن لرض السعوديه




سنتنا كل شهر يهل فيه اهلال=ونا ما همني لو هب هبابي

نوفي يا العميل الوزن والمكيال=ولا يصعب علينا بعض الاصعابي

[سلمان الروقي]

ليا هبت العلياء وهبت صباء صباء=وشفت الولد عن سلم ربعه صباءصباء

ماتجدي دموع العين لوهي صباء صباء=عسى الله يديم الامن بأرض السعوديه




ترى ماكل واحد قيل له خيال=ولونه يفتل روس الاشنابي

جمالنا ماتشيل الحمل والاثقال=عليها ما يحسب كل حسابي

[ابو بندر]

سيوف العداله كم تطير جماجما = لون الضروس مثبته في جماجما
لكن اشرب الماء من عدود جماجما = عسى الله يديم الامن بارض السعوديه


انامحب اقلد وقفة التمثال = ولاني للعرب مادح وسبابي
عريب الجد والعم وعريب الخال = اله مني تحية شوق واعجابي

[سلمان الروقي]

كبود ٍ تعيش بخير وأخرى بحربحر=مايبرد حرقهٌـا لو تشرب بحربحر

وابو بندر اشوفه بعينه بحر بحر=عسى الله يديم الأمن بأرض السعوديه



كثير الناس فالدنياء عليها اظلال=هذا سلبي والاخر صاير إيجابي

ترى الدنياء عبر ودروس للعقال=على ماقيل اخذ من كل ماطابي

[سلطان بن ثعلي]

ابو بندر صح اللسانك

سلمان الروقي صح اللسانك

والليل الليل

ياشعار العبو شقر شقر

وانا في صف سلمان الروقي ولايهون ابو بندر

[محمد العتيبي]

ياسلام ياسلام
ابوبندر وسلمان الروقي
سلمتوا على الابداااع الرائع ..
واصلوا على الابداع ..
..

[ابو بندر]

يقولون سلمان العتيبي جلاجلا=وهمه بقلبه باقي(ن)ماجلاجلا
بعد جاته اسباعٍ تجلجل جلاجلا=عسى الله يديم الأمن بأرض السعوديه


ولا يالروقي اضنك خلف هذال=لاكن أقدم و مشاعبك ومشعابي
على ماقالوا اشوف الدهر ميال=نبى نطحنك بين الظرس والنابي

[ابو بندر]

الأخ سلطان بن ثعلي
صح الله بدنك وشكرا لمرورك


الأخ ابو مشعاب
الأبداع تواجدك وشكرا لمرورك

[سلمان الروقي]

يابو عقل فكر كان عندك فكر فكر=ترى الغزو فر وكر وانته ...فكر فكر

ترانا من الفكره نسوي فكر فكر=عسى الله يديم الأمن بأرض السعوديه


لاتسرع ثم تصدم لك بحيد اجبال=وتصبح فالسرير تون منصابي

علومك يالعتيبي كلبوها طوال=تطير مع الطيور أن هب هبابي

[سلمان الروقي]

العازمي لأهنت على المرور

سلطان بن ثعلي لأهنت ..لاعدمتك


ابومشعاب حياااااك على المرور



لأهنتو جميعآ

شاكر لكم المرور ..الاكثر من رائع

[ابو بندر]

لك الموت ياسلمان شكله دنا دنا=بعدماشبعت من الطرب والدنادنا
وانا ماأسمع النمام راع الدنا دنا=عسى الله يديم الأمن بأرض السعوديه


اباأغربل علوم الخصم بالغربال=على شان أعرف الظاهر من الغابي
علومي ماتطير إلا مع الأبطال=وتاصل لن نويت أديار الأجنابي

سلمان الروقي شاعر جزل ومبدع
استمتعت بالطاروق الجميل معك
تكون الخاتمه عندك وتصبح على خير.

[سلمان الروقي]

يامسرع ليا شفت المطبه فهد فهد=وإذاكنت ذيب ٍ فاعرف أني فهدفهد

عسى الله يرحمنا ويرحم فهد فهد=عسى الله يديم الامن بأرض السعوديه



نعرف الفال مايقفاه كود عقال=وهاذي دارجه في كل الاحزابي

يابوبندر نعرف انك كريم اسبال=لكن اليا كبرت .. زودت الانشابي

[سلمان الروقي]

تصبح على الف خير

صح السأأأنك

[بندر الهيلا]

ابو بندر صح لسانك ولاهنت جزل من جزل
سلمان الروقي عز الله انك فهد ولاهنت يالغالي