راعي مـــــــــــــــــــوجه .... اقرب

[غشّام]

السلام عليكم

صبحك الله بالخير ياراعي موجه ، وانا لقيتك توك راد على ابو سلطان ودريت انك قريب ، وقلت فرصة نتعلم منك

استلم لاهنت

ياسلامي على راعي الوفا ياسلام

====================== عد ماخط غايبها عناوينها

ودي آخذ معك سجة قدم بإحترام
====================== والمعاني على ماقال يازينها


اخوك غشّام

[راعي موجه]

استلم استلم

[راعي موجه]

ياهلا مرحبا حسب الوفا والنظام
................................... عد ماترجح الاولى موازينها
انتبه في طريقك من حلال وحرام
................................ والمعاني نزلنا في ميادينها



اخوووووووك راعي موووووووجه

[غشّام]

استلم لاهنت

حي راعي المراجل يوم قلت الهمام
==================== قام يشري مثايل حيل مغلينها

الليالي لها بطن كبير وسنـــــــــــام
==================== ولدت السبت والاثنين رامينها

اخوك
غشّام

[راعي موجه]

استلم لاهنت....
ماعلينــــا ملام ولاعليكم مـــلام
................................ كل كلمه يجيك الرد في حينـــــــــــها
اللـــيالي تقلب بين نور وظــــلام
............................... كل ساعه تغير في قوانينــــــــــــــها


اخوووووك راعي موجه

[أبوسلطان]

اخوي ..... غشام بيض الله وجهك

اخوي....... راعي موجه بيض الله وجهك

منكم نستفيد

اخوووووووووكم ........ ابو سلطان

[راعي موجه]

هلا اخوي ابو سلطان
شكرا على مرورك ووجهك ابيض

ولاهنت.....


اخووووك راعي موجه

[غشّام]

بحر جـــــــــــدة رفع موجه لهاك الغلام
================== قال يازين قيفـــــــــــانك وتلحينها

مادرى بالعــــرب والسبه ام اللثــــــام
================== حسبي الله على اللي جو مضوينها

أخوك غشّام

[غشّام]

ابرك الحزات تشريفك يابو سلطان وعساك ذخر

أخوك غشّام

[راعي موجه]

انت شخصن حشيمن مثل كل الحشام
......................................... الك مني هديه في كراتينهــا
العلوم الضعيفه من علوم الخمــــــام
........................................ لوتخلي الدوادي مع وراعينها



اخوك راعي موووووجه

[غشّام]

استلم لاهنت يالغالي

نحتزم بالرجال اللي تضد الزحــــــــــــام
=================== الرجال الرجال اللي غدت وينها

ياوسيع المعرفة جاك وقت الفطـــــام
=================== عقب ماكنتوا من سنين حامينها

أخوك غشّام

[راعي موجه]

استلم .....
نعتز بالرجال اللي عليها الكـــلام
................................... روس قوم تخلص فالقى دينها
ماتهيض تراني مع لحون الحمام
.................................... تحتويها النوادر في جناحينها

اخووووووك راعي موجه

[غشّام]

استلم يالغالي

خلها بيننا يافلان حسب النظام
=================== والدعاوي تثبتها براهينها


والله إنّا نميزها بنقص وتمـــــام
=================== مانحسّب لها لكن ناســـــينها


أخوك غشّام

[راعي موجه]

استلم لاهنت

كل رجال اله عندي علوم ومقام
.................................. والرحل خابرن وشهي بعارينها
والله اني موقع لك براس الأبهام
................................... وبعد جريت صوتك قلت ياشينهـا



اخوك راعي موجه

[الأميـــــر]

يازين رديتن قريتها بإهتمام
............................ في منتدى عتيبه شاهر زينها
بين ابن موجه وابن عمه غشام
.......................... زايد زينها ومدبر شينها

ان كان هناك خطأ نبهوني

[الصارم البتار]

ايه كلها مكسره وانا اخوك

ولك مني التحيه بدون مجامله

[غشّام]

بيض الله وجهك ياغالي

طاروق طيب وخل حماسنا للجايات ، يبا يجي بيننا شيل وحط ههههههههههههههههههههه

مير نبا طاروووووووق اطيب من هذا ، هذا كنا دحدرررررررنا فيه شوي ههههههههه وانت ماتنتقاشر

عموماً تعلمت واستفدت منك اشياء وااااااااجد وانت استاذ ومنك نتعلم

أخوك غشّام

[راعي موجه]

هلا اخوي غشام
الله يسعد قلبك بالايمان وان اشالله انا نتواجه على خير.
وترى ماقصرت طال عمرك في كم بيت ههههههههههه
وفرصه سعيده .


اخووووووووك راعي مووووووووووجه

[غشّام]

بيض الله وجهك

والأبيات حلووووووووووة بس يباها شئ بسيييييييييييط ، يعني شوية سمكرة فيها كم طقة فالرفارف

عموماً نشكرك ياغالي على الإطراء وتراك غلطت في اسم راعي موجه حسبي الله على ابليسك لايزعل عليك ثم وش يفكك منه تررررررررراه مصيبة

أخوك غشّام

[راعي موجه]

الامير مرحبا وشكرا على ذا المشاركه الطيبه
لا وابياتك حلوه جدا وخلك على ها الوزنه
بس ياليت تعدل ابن موجه الى راعي موجه
الله يسعد قلبك بالايمان .

اخووووووك راعي موووووووووووووووجه

[أبوسلطان]

الصراحة بيض الله وجيهكم

وما قصرتو

الله لا يهينكم

والله يخليكم لنا

اخوووووووووكم .........ابو سلطان

[غشّام]

مشكور وماقصرت يابو سلطان على مرورك

والله لايهينك

أخوك غشّام

[راعي موجه]

لا هنت اخوي ابو سلطان
وعلومك دايم كلها غانمه
والله يخليك لعينن ترجيك

اخوووووووووووك راعي مووووووووجه

[الأميـــــر]

ياليت يالأخوان تعلمونا وش الى يبله سمكره
لأنى مبتدء ومنكم نستفيد
ودي تعلمونى بدون مجامله حتى اتعلم واستفيد منكم