سارح البال شرفني يالغالي

[فارس الباديه]

مرحبا والسفاره في ذراها وفود = في بيوت الضيافه نكرم وفودها
جمعتنا الليالي و الليالي تعود = وانت خابر مزون الجو ورعودها

[عبدالرحمن الهيلوم]

صح السانك متابعين يالغالي

[فارس الباديه]

صح بدنك ...

يالغالي .. وجودك يتوج الصفحه ..

لا هنت ..

[معجب العتيبي]

البقاء يالمرحب عِد عد النقود=والسفاره تراعي كثرة نقودها
جمعتنا الليالي والصوادر ورود=هات علمك يافارس قرب ورودها

[فارس الباديه]

قد قدحنا الفتايل في عيون الحسود = والليال الجديده باين سعودها
طلقتٍ من زنادي في قديم العهود = يا نيشان البنادق شم بارودها

[عيد العازمي]

فارس الباديه صح لسانك ولاهنت



سارح البال صح لسانك



طاروق ابداعي

[معجب العتيبي]

افرح افرح ليامن صار فالعلم فود=وانتبه ياعميل الخير لاتعودها
ماسمعنا بذكرك يوم عاد وثمود=والليالي يافارس كثرة رقودها

[أبو مرحبا]

افرح افرح ليامن صار فالعلم فود=وانتبه ياعميل الخير لاتعودها
ماسمعنا بذكرك يوم عاد وثمود=والليالي يافارس كثرة رقودها

يـســـــلام عليك

لاهنتوووووو ياشعار

واصلوووووووو

متابعين

[بندر المرشدي]

ثنائي جميل



الله يبيض وجيهكم



واصلواااااااا

[فارس الباديه]

ما على الذيب خوفٍ من حصاة القرود = يوم بعض الخلايق ترقص زنودها
انت راقد ولكن لا يصيبك برود = والمزون الردايف طاحت برودها


المعذره على التاخير النت عندي تعبان بالحيل

[فارس الباديه]

العازمي .. تواجدك أضاء الصفحه لا هنت يالغالي ..

[فارس الباديه]

أبو مرحبا ياسلام على مرورك العطر .. بيض الله وجهك

[فارس الباديه]

المرشدي .. وجودك دافع معنوي كبير لا هنت

[بندر الهيلا]

فارس الباديه / صح لسانك ولاهنت يالغالي والابداع له معنى خاص معك

سارح البال / صح لسانك يالغالي وشهادتي فيك مجروحه يالغالي واشوف عيون الربع يمك الله يستر هههههههههه

[معجب العتيبي]

ما على الذيب خوفٍ من حصاة القرود = يوم بعض الخلايق ترقص زنودها
انت راقد ولكن لا يصيبك برود = والمزون الردايف طاحت برودها


المعذره على التاخير النت عندي تعبان بالحيل



انت صادق ولو انك زعيم الشهود=نكبة الناس يارجال بشهودها
مايضر البحر غرفك ياراع الزنود=والجبال الثقيله شالت قرودها

[فارس الباديه]

لو خذيتوا بعيري ما يجيكم ركود = وإن خذينا الذبايح نصلخ جلودها
أنت سارح وشايل من كلامي ردور = وانتبه للمقابر ضاقت لحودها

[فارس الباديه]

بندر الهيلا الإبداع في مرورك ...

لا هنت بيض الله وجهك ...

وشكرا على الإطراء ...

[معجب العتيبي]

وسمنا فالبعير يبان فوق الخدود=والذبايح رح اصلخها واكل زودها
يازمن يازمان الفعل ليتك تعود=عل بعض العرب ترحل مع جدودها

[فارس الباديه]

كيف تحلب بعيرٍ ماطلعله نهود = والحقيقه ذلولك تبذل جهودها
لا تعود القوافي وانتبه للحدود = العرب فالمواقف تعرف فهودها

[معجب العتيبي]

لاتهزهز براسك مثل راس الهنود=ارفع العلم لاتحري بمنقودها
انت اضنك يافارس ضمن ناسٍ رقود=مايصحيك غير ان دقك سكودها

[فارس الباديه]

لا ترومش عيونك مثل عين السهود = والجبال الرواسي كرس مجودها
وانت ناسي و سارح فالليالي تنود = والسيوف السليه تاخذ جرودها

[فارس الباديه]

اخي .. سارح البال

السليه = السليله

خطاء مطبعي

[معجب العتيبي]

خمس غلطات يافارس ويمكن تزود=تكشف ان العرب تمشي على (مودها)
خذ نصيحه وخل الفكر يرقا سنود=قبل جثتك يشبع فالثرا دودها

اخوي الغالي فارس اخر كلمتين بالبيت ماعرفتهم يمكن اللهجه او اني ماعرفت اقرا((كـرس مجودهـا))

[فارس الباديه]

العرب وش بلاها خانت احكام هود = تتجه في هواها وانغبن هودها
الفكر فالعلالي ما يلاقي قيود = (زاد) خل الركايب تعقل قيودها


أخي العزيز سارح البال .. للمعلوميه .. كلمه من اللهجه ..

زاد = مير

[فارس الباديه]

(كرس مجودها) ثبت لها المجد
وكرس من = التكريس
كلمه فصحى

[معجب العتيبي]

من ترك شرع ربه ياعسى مايفود=وش جنت شلة التحريف وش فودها
ماتزين الحياه لخبل والا شرود=للبطل يابطل يرتد مردودها

[معجب العتيبي]

سعدت باللعب معك يافارس الباديه

واستفدت كثيرا

واستمتعت بالتأمل في اخلاقك العاليه

شكرا والنوم سلطان

[مقعد الدغيلبي]

الله

الله

مبدعين ياثنيين


وطاروووووووق مبدع


متااااااااااااااابع

تحياااتي للجمييع

[فارس الباديه]

من تبع شرع ربه يا عساه الخلود =في جنان النعيم ولذة خلودها
وانت شاعر وفارس فاللقا والصمود = والخواتيم كلمه فالقبر جودها

[فارس الباديه]

.. أنا من تشرف باللعب معك .. والفائده للكل يالغالي ..

عز الله ان معرفتك غنيمه .. بيض الله وجهك وتصبح على خير

[فارس الباديه]

مقعد الدغيلبي ..

أشكرك على مرورك المبدع ..

ووجودك خافز لي يالغالي ..

مودتي ..