الفالح ..عادتــــــــــــــــــــــن .. ســـر ..

[بندر الهيلا]

ياعلي.. شفت لي.. موقف بوضع(ن)غريب=اثر راع الوسام ..يجيك بالمشكله!!
صاحب البندقيه.. بندقه ماتخيب=رامي(ن) بالرصاص.. وجاته القنبله

[محمد العتيبي]

الله .. الله

بندر الهيلا صح لسانك .. ولاهنت
..وننتظر الابداع من الفالح ..

[عبدالرحمن الهيلوم]

صح السانك يالغالي ومتابعين

[بندر الهيلا]

ابو مشعاب صح بدنك يالغالي
.......................................
الهيلوم صح بدنك يالغالي
....................................
والفالح اتصل علي وعلمني انه مسافر
عسى الله يستر عليه
ولنا لقاء بااذن الله

[علي فلاح العضياني]

اترك السالفه واضرب عليها صليب=كل رجّال ما يجزى بغير عمله
راعي البندقيّه يوم يرمي يصيب=لا رمى يطرح الشارات با الاوّله

[بندر الهيلا]

طيب طيب


الجروح المبينه مالها الا الطبيب=وانت دكتور جرح(ن) مير لاتهمله
راعي البندقيه جاب علمه بطيب=وصاحبك يالعتيبي جابها مهمله

[مشاري]

صحت السنتكم..

مشاري

[بندر الهيلا]

مشاري
صح بدنك يالغالي
مرورك شرف يالذيب

[علي فلاح العضياني]

فيه جرحٍ يطيب وجرح لا ما يطيب=انشد اللي يعرف الطبّ ما يجهله
انت وش لك ورى دعوى صحيب و صحيب=اكسب رضا رفيق الجنب لا تزعله

[بندر الهيلا]

الجروح العليله .. جرح فرقى الحبيب=مير جرح(ن)مبيّن داوه وكمله
لازم اني اقرّب من بعيد لقريب=سلمنا يالعتيبي مارضى المهزله

[علي فلاح العضياني]

انت صاحبت يا بندر بناخ الشهيب=وتحسبّ انّك مع الشعار جالك صله
اسأله بينك وبينه و خلّه يجيب=خلّني يا ولد عمّي وروح اسأله

[بندر الهيلا]

وانت طيب وخالك من حبايب حبيب=مار تال الزمان مزلزله زلزله
خاب ضني وانا احسبك الفطين اللبيب=بانت الكـ .. الحقيقه وانته المنبله

[علي فلاح العضياني]

قمت اجامل معك وانت حدرت الشعيب=من يسوّي سواتك ضاع مستقبله
خلها بيننا مثل العسل والحليب=والوعد بيننا فايّامنا المقبله

[بندر الهيلا]

من كلام الجماعه .. صايبكـ .. نقر شيب=لاتصرّف علوم(ن)جاتكـ ..مدلّـــله
والله انكـ .. سواة اللي كفاله غبيب..=قلت ثور(ن).. ورحت لبطنه .. تشمّله
الاخ الفالح لاهنت يالغالي
ومن المشرّف اللعب معك وشرواك يالغالي


تحيــــــــــــــــــــــــاتي
.................................