الفـــــــــــــــالح

[عيد العازمي]

ياسلام الله سلامن تطيب اله النفوس = من هجوس العازمي في محلات الكرم


ياعلي وان ضاع عمرك على حفظ الدروس = وش جنيت وش بقي في حياتك من حلم

[علي فلاح العضياني]

مرحبا والطيب بنفوس الاجواد مغروس=عدّ زوّار المدينه وحجاج الحرم
لا تحسب المرجله بس ... تجميع الفلوس=احمد الله همّتي من رفيعات الهمم

[عيد العازمي]

عقب جيتك ياعلي لاتفكر بالجلوس = يتعب الرجّال مع جرّتي قبل الندم


فالدراسه وش بلاك العمر كله تحوس = دامها صعبه علاك انسحب وارع الغنم

[نايف بن ملحق الثعلي]

صحت السنتكم يا شعار

[علي فلاح العضياني]

صاحبك دكتور متخصص بقلع الضروس=لا تلف يمين ويسار خلك محترم
لا تجيب العلم يا ميّت القلب معكوس=والله انّي طالبٍ فالدراسه منتظم

[عيد العازمي]

كان راع الدقن ماركيت فوقه حد موس = لين احد اللي صبغها يتوب عن الكتم


انت طالب علم والا تهوجس بالهجوس = الدراسه والشعر بينها شخطة قلم

[علي فلاح العضياني]

انت خشمك ملتوي حيد من ضرب البقوس=من كثر ما جاك تبقيس من فوق الخشم
العلوم الطيبه مع بعيدين الرموس=كلبوها يالعتيبي لنا فيها قسم

[عيد العازمي]

لاتمنى الشر وانته معك حظن نحوس = مانشب النار بالرمث وصروع السلم


مار فيها كلها قلبك اعروقه يبوس = يامعايد قريتينه ترى احفيت القدم

[علي فلاح العضياني]

خلها بيني وبينك تجي حربٍ ضروس=ساع وجّهت لك يا صاحبي راس السهم
خلّ عنك الظلم لا تحلف الدين الغموس=لو يحذف ذياب شلفاه تاقع في لحم

[عيد العازمي]

خوفي ان الحرب هاذي مثل حرب البسوس = والسبب قوة طموحك تبتشيل الهرم


الطحين اللي من الوقت يلعب فيه سوس = ماعنيناله ومن دونه الرزق انقسم

[محمد العضياني]

يا سلاااااااااااااااااااااام

العازمي والفالح

صحت السنتكم

محاورة تستحق المتابعة

[علي فلاح العضياني]

خمس ميه وحدعش قوّة مكينات الجموس=والدساتن مالها يابيض الشارب رقم
بيض الله وجه شوق الهنوف العيطموس=انت شاعر كفو لكنّ لي مانته خصم

[عيد العازمي]

من كبر رقمه ماميّز لياجينا ندوس = الدروب طوال والنار في راس العلم


المدرس قدم تلميذ واحد مايهوس = استفد لاجل الشهاده يصير الها طعم

[معجب العتيبي]

الله الله على هالطاروق الحلو


معركه ولكل شاعر فلسفته في الحياه

سلاسه في الاسلوب وجمال في الردود

اخوين وحوارهم جميل

[عيد العازمي]

البواردي نحن نقطه في بحر شعرك

شرفتنا

[عيد العازمي]

ابوسلطان هلابك مسجل غياب من بدري ههههههه


اخوين بلاشك وكلنا هنا اخوه

[علي فلاح العضياني]

العازمي صح لسانك وبيض الله وجهك طال عمرك على اسلوبك الراقي واقافك الحماسي


ولنا لقاء اخر وتصبح على خير

[فارس الباديه]

صح السان الشعار ومتابع

[عيد العازمي]

الفالح لاهنت على اتاحة الفرصه وشرفتنا باللعب معك


لعلنا نستفيد من بعض ماعندك يا استاذنا الغالي





فارس الباديه لاهنت يالغالي على التواجد الكريم




تصبحو على خير جميعاً

[قادح شرار]

ههههههههههههههههههه . علي فلاح و العازمي ... :)

طارووووق مسكّت ...

إبداع وإمتاع وإقلاع بس بدون ضياع . :)

تقبلوا بعض العسوس . :)

[مرقاب]

العازمي & الفالح


صحت السانكم مبدعين دايماً
واتمتعتونـا



..



..