العازمي يا ولد عاصي ....

[نايف بن ملحق الثعلي]

مرحبا يالاد عاصي عريبين الجدود=الرجال اللي تعد الرجال افعولها
واخر الايام صرتو تعدون الحدود=ياجماعة خير بعض العلوم اصحو لها

[عيد العازمي]

البقا ياربعنا اهل الصوادر والورود = يارجالٍ فعلها دوم يسبق قولها


يابسيطه زلّة الحد مع نقض العهود = والعهود المبرمه سارين مفعولها

[نايف بن ملحق الثعلي]

كل حجه يالعتيبي لها عندي شهود=لا تعقدها وتصعب عليك احلولها
الصحيح ايصح والعود في عين الحسود=والعرب بعقولها والدير بنزولها

[عيد العازمي]

ماش حجه غير فيها مراسيم وبنود = غيرها تفسد ولو عرضها من طولها


لو بعض الناس من عقبنا حث الجهود = ياتعب مالك خلف بعد جا مرسولها

[نايف بن ملحق الثعلي]

الزمان اللي مضى لا تحسب انه يعود=والجمال الساحليه تشيل احمولها
اثر بعض الناس يوعد ويخلف في الوعود=والعلوم اللي على البال خلك حولها

[عيد العازمي]

يازمان الطيب ماضي وحاضر فالوجود = من جهتكم ماش كايد يجيب زحولها


ماعطيناكم وعد وان حصل شخص معقود = تاخذون العلم من ناس زولك زولها

[نايف بن ملحق الثعلي]

يالعوازم كل ما زادت الدنيا نزود=والرجال اليا بغو حاجتن وصلو لها
ثابته ومثبته مار ابن عاصي جحود=مار ناسن ما تعرف السنع قولو لها

[عيد العازمي]

العوازم يابن ثعلي من الغالي تجود = مدة اصغر عازمي كم عرب يسعولها


كان يانايف وردتو لصافيت العدود = مانغثرب جمّها قدم ربعن جولها

[نايف بن ملحق الثعلي]

الحمول اثقال وازرى يقوم ابها القعود=والمخايل خيلت مار وين اسيولها
ابشر انا كلنا دايمن نرقى سنود=يوم بعض الناس كل البلا بحثولها

[عيد العازمي]

فاطر القوم الهزيله رغى من دون فود = فالمسيله والعرب قدمها بطبولها


الفتايل مالها شان من دون الزنود = كل كلمه من عوارف تجي بوصولها

[نايف بن ملحق الثعلي]

يا ولد عاصي ترا الوقت والعمر امحدود=كثرت الفرسان لكن وين اخيولها
الله انه لا يعز النصارى واليهود=كل ما شافو صنم كلهم صلولها


الختام من عندك يالغالي

[عيد العازمي]

اخوي نايف خير ختام بيوتك الاخيره وكلنا واحد


صح لسانك وشرفتنا باللعب معك طال عمرك



الله انه لا يعـز النصـارى واليهـود
كل ما شافـو صنـم كلهـم صلولهـا

[معجب العتيبي]

صحة السنتكم

محاوره راااااااائعه


تجدد دائم واداء جميل