السميري عليك الطلب...........

[نايف بن ملحق الثعلي]

يالسميري مكانك لا تروح=ثم عطنا علومك كلها
والدوى مانفع بعض الجروح=وانت بعض العلوم افطن لها

[السميــــــري]

الله الله ..

وعذرا على التأخير توي أشوف بدعك ..



من ضميرٍ يكن ولا يبووح = العرب لا تخالف دلها
يمكن اتصير من فتح الفتوح = كان شفناك جيت بحلها

[نايف بن ملحق الثعلي]

عاين البرق في المنشا يلوح=من يعقد الحبال ايحلها
السفينه مشت بصحاب نوح =مار لا تعترضها خلها

[السميــــــري]

نار ياصاحبي من دون ضوح = ودك أن المزون أتبلها !
مانزل فالبحر كود السبوح = لكن الناس وش نعملها ؟

[نايف بن ملحق الثعلي]

انت في اللازمه منته شحوح=والعرب ماتغير دلها
يالسميري عسى عندك طموح=ليت كل الدروب ادلها

[السميــــــري]

أنا أبى أخبرك يالراس النطوح = صعب كل الجبال اتهلها !!
ساعة الجد مافيه مزوح = أخذها ولاّ بصرك خلها !

[عيد العازمي]

نايف .......... السميري


مساكم الله بالخير


وصحت السنتكم

[نايف بن ملحق الثعلي]

كلمتك ما تبشر بالنجوح=مارابا احفر لها وادفن لها
شب نارك عسى قدرك يفوح=ثم حد السيوف وسلها

[نايف بن ملحق الثعلي]

العازمي مرورك يسعدنا

[السميــــــري]

.. نايف الروقي ..
صح لسانك الغالي .. ولنا لقاء اخر ..
وعذرا اني أنشغلت ..

........

العازمي صح بدنك ..

[معجب العتيبي]

الروقي نايف والسميري

تمنيت اني كنت بالصفوف البارح بس الحظ هاليومين غريب

ابدعتم ووفيتم

[السميــــــري]

سارح البال ..
هلا بك في كل وقت .. لاعدمتك يالأمير ..
أهم شي شفناك في الصفحة :)..