سارح البال للاهمية

[نايف بن ملحق الثعلي]

بسم ربعن صيتهم معروف في كل الجزيره=مرحبا باللي حضر في المنتدى ترحيب غالي
يالعطاوي سرها لن كان لك عزم وبصيره=انت رجالن تفرق بين مر وبين حالي

[معجب العتيبي]

عد ماشفنا نجومٍ فالسما دايم منيره=البقا يانايف الروقي ياحماي التوالي
هات علمك ياولد روق وتحيزم للمسيره=دامني موجود يانايف ترا مالك مجالي

[نايف بن ملحق الثعلي]

انت مدري عنك تبغا الاوله ولا الاخيره=لا تجنب عن طريقك لو يطولن الليالي
تدري انا ماوردنا العد بحبالن قصيره=والحقايق واضحه ياصاحبي والحظ عالي

[معجب العتيبي]

علمها عندك يانايف وانت حمّال الذخيره=اختر الدرب المناسب لاتكرر للسوالي
ماجحدناكم صغيره ماجحدناكم كبيره=بس ابا حذرك يانايف لاتطمع في حلالي

[نايف بن ملحق الثعلي]

العلوم اتروح يارجال من ديره لديره=مار لو انك تحدا حيلتي من دون حالي
الليالي دايره مثل الرحاه المستديره=وانت من كلفك تطمع بنت ابو زيد الهلالي

[سلمان الروقي]

الله الله

صح السااااااااانك ياناااايف الروقي لأهنت

صح السااانك ياسااارح الباااااال لأهنت

[معجب العتيبي]

لاتخفف صدمت الموضوع والحاله خطيره=ولاتعلق ياعميلي بالرموث من الحبالي
دام تاكل خبز يارجال وتشوف الفطيره=لاتفكر في البنيه يوم صارتلي لحالي

[معجب العتيبي]

هلا وغلا ياسلمان
شرفنا مرورك وياعساك دوم بخير

[نايف بن ملحق الثعلي]

كل عاقل ياوسيع المعرفه يحكم ضميره=والكلام اللي طرالك يالعتيبي ما طرا لي
دام هاذيه علومك ياعسى في الامر خيره=وانت تدري ما تباك ولا تبا واحد بدالي

[نايف بن ملحق الثعلي]

سلمان الروقي
مرورك يسعد الجميع

[معجب العتيبي]

كل عاقل ياعميل الخير يمشي مع مديره=لو يروّح للبعيد ولو يجي يم الموالي
دام شفت الدرب واضح شوف شره شوف خيره=قبل لاتمشيه يانايف وتذبحك الدوالي

[نايف بن ملحق الثعلي]

يا وسيع المعرفه قدامك ادروبن عسيره=وانت من روس الرجال اللي يعزون الرجالي
ياجماعتنا ترانا بيننا رفقه وجيره=مار بعض الناس اشوفه طامعن في راس مالي

[معجب العتيبي]

ليت نايف ياعرب يرجع يسولف مع شويره=قبل يبني بيته المذكور فوق البرج عالي
ليت ابن برمان يارجال مايفرح بطيره=جابله وش جابله ماجابله ياهملالي

[نايف بن ملحق الثعلي]

صح السانك

دمت بخير يالغالي

[معجب العتيبي]

صح بدنك ولسانك وكلك


ودمت بخير