تهنئة ســـــــــــــارح البال

[عيد العازمي]

نعم ياراسن يشوش ولايهوجس بالخطيه = الرجال اللي تشوش الها على الناس احترامي

ابوسلطان العتيبي بعد مانال الهديه = كللت ماضي جهوده بالتميّز والوسامي

[سلمان الروقي]

العاااااااااازمي صح الساااااااانك

سااارح الباااااال صح الساااااانك

[سلطان الجـذع]

العازمي تميز ملفت للنظر
صح لسانكـ واخونا ابو سلطان يستاهل كل علم طيب

ونبقى في انتظار سارح البال

[عيد العازمي]

سلمان صح بدنك ولاهنت


الجذع صح بدنك والتميز هو وجودك هنا يالغالي

[ابو بندر]

صح السانك با العازمي
وفي انتظار سارح البال.حتى يزين الطاروق

[معجب العتيبي]

نعم ياراسن يشوش ولايهوجس بالخطيه = الرجال اللي تشوش الها على الناس احترامي

ابوسلطان العتيبي بعد مانال الهديه = كللت ماضي جهوده بالتميّز والوسامي

هلا وغلا وكنت اتعشا وشكووووور واستلم لاهنت



ماعليكم زود ياهل الطيب واصحاب الحميه=قلته للي بدا ياربعنا بأحلا الكلامي
الوفا لأهل الوفا ياصحابنا مافيه زيه=وكل واحد يجتهد ماضن ينساه النظامي

[عيد العازمي]

لاتكثر بالعشا قدامك الطرقه مديه = يوم اسوقك بالعلوم الطيبه والليل حامي


حسب علمي فالتميّز ملحقينك مثنويه = والشروط اللي علاك تحط عاده للحرامي

[معجب العتيبي]

دامك انت الخصم يارجال فاللقمه هنيه=والله اني لا اتعشى واتغدا في سلامي
دام تابعت الخبر ياصاحبي لا ماعليّه=مايهاب الحر يارجال من كخ الحمامي

[عيد العازمي]

فيه رجاّلن مع الايام لو يدفن زريه = عنده اصعب من فعول السيف قصاص العظامي


انت رجّال توصط والك روحه عقب جيه = والوصايط بعضها حقق طموحك يالقطامي

[معجب العتيبي]

كان فعله جازلك ياصاحبي خلك حليه=والا انا مازمّت البندق معي لاصرت رامي
مانجيب المرجله باللفلفه والا الرديه=انت قلي وش تحقق جعل جدك للرحامي

[عيد العازمي]

البنادق عند اهلها يوم حزّات المنيه = بندقك قد ثورت داخل خبا ها فالظلامي


لو ابعطي رقم جوالي لضباط السريه = ميّزوني بالحلال وميّزوني بالحرامي

[معجب العتيبي]

ثورت ما ثورت ياصاحبي ماهي قضيه=البلا فاللي بلا بندق ولا عنده حزامي
لو تسويها تبا تاخذ معك ذنب وخطيه=لكن اخذ الدرس مني عام والا نص عامي

[عيد العازمي]

قبل لاتاخذ وسام انته من اهل الشاذليه = والوسام ابسط حقوق وانت بالصف الامامي


المزوح اللي من الاصحاب بنفوسن نقيه = ماتغيّر منزلك ياعد ميراد الظوامي

[معجب العتيبي]

الفضل لله سبحانه وهو رب البريه=يعرف اللي يرقدون الصبح واللي فالدوامي
مالحقني شك والنفس الك يالصاحب رضيه=واختم الموضوع يمكن عيني وعينك تنامي

[معجب العتيبي]

ابو طلال مافيك حيله ابد


يشهد الله اسعد الاوقات اللي تجمعنا بطاروق

استفدت منك ومن ابياتك

واكيد بأذن الله لنا لقاءات اخرى

[عيد العازمي]

ابوسلطان ههههههههه


انشد الفالح قلتله والله اني ارتاح للعب مع سارح البال


ياخوي انت مبدع وانا اللي لي الشرف العب معك



وكل عام وانت بخير وصحه


ومزيداً من الابداع لاهنت على اتاحة الفرصه

[نايف بن ملحق الثعلي]

صحت السنتكم شعار