على طبق من ذهب !!!

[علي فلاح العضياني]

سلام تسليمةٍ على طبق من ذهب=أغلى تحيّه على اللي يستحقونها
حنّا عرب ما نجنب عن سلوم العرب =لو تخلف الناس مذهبها وقانونها

[صخر]

الله الله

ايه كذا افضل

[الليث المبتسم]

يامرحبا رحب يرقى في علو الرتب=والهقوه الطيبه ماصار من دونها
انتم عرب والعرب فيها الكرم والادب=واهل الكرم والادب ماشان بانونها

[السميــــــري]

الله الله يالفالح ..
كان الرررد في طور الأنشاء ..
لكن العوض في غيرهاا ..
صح لسانك ..



وصح لسانك الليث ..


..

[زيزوم مدركه]

الفالح صح لسانك

الليث المبتسم صح لسانك

[الليث المبتسم]

ارحبوا ارحبوا جميع

[علي فلاح العضياني]

دام البقا وانته من ايّا ...يا راع اللقب=حتى قبيلتك خلق الله يعرفونها
الله يعز الرجال اللي تسد الطلب=اقولها والعرب غيري يقولونها

[سلمان الروقي]

الفااااااااااااالح صح الساااااااانك

الليث المبتسم صح السااااانك

[الليث المبتسم]

اصلي وفصلي حلاحيلٍ تفك النشب=عتيبه اللي جموع القوم يثنونها
اللي كتب وش كتب واللي قرى ماكتب=والناس يمك تلد وتنظر عيونها!

[معجب العتيبي]

الليل الليل


الفالح وابداع غير مستغرب وطاروق سلس يستحق الرد والمتابعه

والليث ورد رااااااااائع

متابع

[علي فلاح العضياني]

لا زم توضّح لي اكثر يا عريب النسب=كلمه ينومسك معناها و مضمونها
اكرب حزامك وسلّ السيف يا بو عتب=قدّامك اهل السيوف اللي يحدونها

[الليث المبتسم]

ان كان معناك ويش اسمك ياشاعر (وأجب)؟=فالله يعوض اللحون اللي تغنونها
اليا كربنا المحازم بان فيك العجب=انته وناس تغرك ضحكت سنونها

[علي فلاح العضياني]

هذي هي اهمّ حاجه يا سريع الغضب=نفسك ورى في دقيقه باح مكنونها
ضحكت من كلمتك وان ما عرفت السبب؟؟ =طرت لي اللي تدف الضلع بقرونها

[سلطان بن ثعلي]

صحت السنتكم ياشعار

ابداااع واصلواااا

والليل ياشعار

وانا في صف الفالح

[الليث المبتسم]

ازعل ليا شفت لي جاهل يغني طرب =ويقول انا شوق ليلى اللي يقولونها!!
وانته ليا زادت الشعله وزاد الحطب=تطري علي الفراشه مااختلف لونها

[علي فلاح العضياني]

نرجع لموضوعنا برضاك ولاّ غصب=ظنّو بك الناس ظنّ وخابت ظنونها
تبّت يدينك ثلاث مرار يابو لهب=ما تنظف ايديك بالليفه وصابونها

[الليث المبتسم]

والله ماتدري شهر شعبان ويش ورجب=حمامةٍ تجذب الصياد بلحونها
مليون هبوه ولاتكفي ليا قلت اهب=وش لون تنظف يدٍ لحيتك عربونها

[الليث المبتسم]

اصبحنا واصبح الملك لله وغدا نواصل اخي الفالح

[معجب العتيبي]

ههههههههههههههه اجل فيه مواصل؟

ماخليتوا شي

صحة السنكم

[علي فلاح العضياني]

من يخفي اصله نعدّه من حساب الصلب=واليوم شونك تراه اصبح مثل شونها
يدك القصيره ما تاصل لحيتي والشنب=في وسط مخباك تظهرها وتوزونها

[علي فلاح العضياني]

تصبح على خير


وتشرفت باللعب معك ولنا لقاء آخر باذن الله تعالي

تحياتي لك

[محمد النخيش]

ياسلام سلم


إبداع غير مستغرب


صح ألسنتكم جميع

[إبن ثعلي]

صح السان الشاعرين ولاهانوا المتابعين

[نايف بن ملحق الثعلي]

صحت اللسنتكم