يا كثر لوحاتً نشاهدها على خط الحجاز

[محمد العضياني]

يا مرحبا ترحيبةً تنجح بتقدير امتياز=من هاجسً يربأ بنفسه عن مواقيف الزرى
يا كثر لوحاتً نشاهدها على خط الحجاز=اللي تودي للمدن واللي تودي للقرى

[عيد العازمي]

دام البقا يالصاحب الغالي على الارض العزاز = من هاجسن يسمو بعلم الطيب قدام البرى


احص العدد ياصاحبي واعط العدد عبر الجهاز = واذهن تعد اللي تلاقيها على سكة كرى

[محمد العضياني]

بطاقة الاحوال لا يمكن تجي مثل الجـــواز=معلومة ًما يمتلكها الجاهل اللي مادرى
يالعــــــازمي لو نرمي الصخره على بيت القزاز= يبا ينـام اهله بعد يومين في وسط العرى

[احمد الملاح]

صح السنتكم واصلوا واصلوا

[بندر المرشدي]

اي والله انه بتقدير امتياز هالطارووق واضح من بدايته


ما أقول غير يادافع البلاء يالثنين

[نايف بن ملحق الثعلي]

صحت السنتكم يا شعار

البواردي واصل في الطاروق اللي بدعته معي يعطيك العافيه

[عيد العازمي]

بعض العرب ياصاحبي يمشي على عشرين فاز = لو عجّل الخطوه قدم ياسرع ماعوّد ورى


يابواردي خل الحصا بندك وافيت المراز = قدام لاتوخذ . بعدها مايذريك الذرى

[محمد العضياني]

ترى الفرص يا العازمي فالوقت تحتاج انتهاز=واللي مشرّه فالثريا ما يعاين فالثرى
انا ادري انك ضلع يابن روق عند الاهتزاز= ترسي .. لكن السوق لازم فيه بيع ومشترى

[محمد العضياني]

احمد الملاح

بندر المرشدي

نايف الروقي


حياكم الله

صحت ابدانكم

منورين

[عبدالرحمن الهيلوم]

صحت السنتكم يالغالين

[عيد العازمي]

جوف الثرى حفرت للاسرار يارجل ارتواز = والاطموحي جاوز السبّع عسى عينك ترى


بعض الكلام يجاز يارجّال والا مايجاز = لكن ماينشب بحلق العبد ياكود الغرى

[علي فلاح العضياني]

الله الله


اشهد بالله انكم شعار كبار



لله دركم

[معجب العتيبي]

ماشاء الله على هالطاروق


والله اني اتمنى وادعي ان مايرد على البواردي الا العازمي
سبحان الله وجات على مامنيت

[سلمان الروقي]

صح السنتكم يامبدعين

[عيد العازمي]

احمد الملاح

بندر المرشدي

نايف الروقي


عبد الرحمن الهيلوم

حياكم الله

صحت ابدانكم

[عيد العازمي]

ماشاء الله على هالطاروق


والله اني اتمنى وادعي ان مايرد على البواردي الا العازمي
سبحان الله وجات على مامنيت

ابو سلطان مرورك شرف وانا عند ظنك


الفالح حياك الله يالغالي

[محمد العضياني]

من طيب راسك مار صحصح واخذ وضع الاحتراز=قـبل تدق الكف فوق الكف من شيً جرى
نبا نسوق شعيـــل لكنه قعد وسط الغراز=اظنه معوّد على الراحات لان انه ضرى

[محمد العضياني]

عبد الرحمن الهيلوم

الفالح

سارح البال

سلمان الروقي

مرحبا مليون

صحت ابدانكم

[عيد العازمي]

اللي يمّيز فالطيور يعرف حتى فرخ باز = لكن عن بعض الطيور احد عيني للكرى



اتبع شعيل بجرته يمكن يدلّك لارض غاز = من بعدها تصبح غني لو كنت من ناس فقرى

[محمد العضياني]

حكومة الافغان لو يقودها حامد كراز=تشكي مذلتها ولا تقدر على رد البرى
عندي علاجك يالبعير اللي مطاولك النحاز=لكنّي احسب للقطين وللصميل اليا انفرى

[عيد العازمي]

المسلم اللي باع دينه مانبا منه اعتزاز = وراع الشداد بدارنا في مقسمه ماش خشرى


ترى البعير اليا هدر من سطوته شق الحجاز = لكن وخر عن طريقه عقب صدر ثم سرى

[ابو بندر]

بيض الله وجيهكم يا عباقره اتمنى لكم التوفيق

[محمد العضياني]

التاجر اللي جمع الثروة بكثر الابتزاز=ينهى عن المعروف ويشجع لفعل المنكرى
يهدر وهو بارك وغيره من فعول الطيب حاز=على مراتب عاليه واصبح معه ختم اومرى

[محمد العضياني]

صح لساك يالعازمي

تشرفت بك يالغالي

وتصبح على خير

[عيد العازمي]

من مدرستكم مانعود غير بعلوم اجتياز = ياسهلها للي كتب ياصعبها للي قرى

يامخبل اللي للجبل ياصاحبي بالجنب هاز = والطيب جعله في جماعتنا يزيد ويكتثرى

[عيد العازمي]

صح بدنك ومافيك حيله


وانت بخير

[بارود عازمي]

صحت الالسن


ياشعارنا الافاضل


بيض الله وجيهكم