نايف الروقي << لاهنت

[عبدالمجيد الثعلي]

سلام تسليم الوفاء من دون نقص ودون زود=على الرجال اللي يظلل من نصاها ظلها
يانايف الروقي لعلك كل ليله فالوجود=وأنته دليله مانت غاوي والدروب تدلها

[نايف بن ملحق الثعلي]

يامرحبا ترحيب غالي ياعريبين الجدود=ياربعنا الغالين ياللي دلنا من دلها
انا على وضح النقا والعود في عين الحسود=جاك الخبر واللي عقد روس الحبال ايحلها

[عيد العازمي]

مبدا جزل ياذيب المساري صح لسانك

وبانتظار نايف

[عبدالمجيد الثعلي]

عان المخايل والبروق اللي تسابقها الرعود=اللي يشوق(ن) النواظر والكبود تبلها

أخبرك ماتقصر حبالك عن عذيات العدود=لكن ياكثر الأمور اللي صعيب(ن) حلها

[نايف بن ملحق الثعلي]

الليل توه ماسرى والنار من قدح الزنود=ترى العلوم الطيبه عند النشاما كلها
ياصاحبي حنا نميز في الصوادر والورود=يومن بعض الناس يارجال ما يفطنلها

[سلمان الروقي]

الله الله

صح لساااااااااااانك ياذيب المسااااااري

صح لساااااااااانك يانايف الروووووقي


واصلوو يامبدعين



متابعين لكم..

[نايف بن ملحق الثعلي]

سلمان الروقي صح السانك حبيبي

[عبدالمجيد الثعلي]

الليل باقي والدروب لها يابن ملحق حدود=آثرك تبغا الناس ترسلّك ولاترسلّها

ترى الليالي مره وحلوه على شف الكبود=لن مارضيت بمرها وليا رضيت بحلّها

[عبدالمجيد الثعلي]

العازمـــــــــــي صح بدنك وشرفنا مرورك ولاهنت

سلمان الروقي الابداع مرورك وصح بدنك شرفتنا

[نايف بن ملحق الثعلي]

مانيب راع الحجه اللي مالها عندي شهود=الله يبارك في البيوت اللي تعيش ابضلها
المشكله ياصاحبي بين النصارى واليهود=لعلها ما تنتهي من مشكله لعلها

[نايف الحيد]

ذيب المساري
نايف الروقي

صح السنتكم وعلى القوووه

متااابع للأبداااع


تحياتي

[عبدالمجيد الثعلي]

الله يبارك فالرجال اللي يحفظون العهود=لكن يانايف ليا فاتت صلاتك صلها

ان وصلت شق النحر وان هانت لصفق الخدود=ما انته بلا عم(ن) لها ولاني بلاعم(ن) لها

[عبدالمجيد الثعلي]

نايف الحيد

صح بدنك

والأبداع مرورك ولنا الشرف

لااااااااااااااااااااااااااااااااااهنت

[نايف بن ملحق الثعلي]

الله يبارك في الرجال اللي يوفون الوعود=والطيبه ياصاحبي من خلقتي ما ملها
خل السوالف يا وسيع المعرفه ترقى سنود=وانا ليا مرت عليه دايمن صاحنلها



والختام من عندك

[ابو بندر]

بسم الله الرحمن الرحيم
صح الله السنكم ما فيكم حيله طاروق نشاما قواكم الله ما اقول
الا متعه وابداع