فزعتكم,,,,خصوصا الشعراء ..نبي تفسير قصيدة خالد العتيبي

[راعي النيسان]

يااخوان هناك مشكله ان فيه الكثير ماهو فاهم معضم ابيات خالد العتيبي في قصيدته الاخيره وانا واحد منهم يمكن نصف القصيده مافهمت وش المعنى وش المقصود فيها


فارجوكم من يقدر يفسر الابيات الله يعطيه العافيه لانها بعد التفسير راح تنشر في منتديات وراح تكون اكثر قوة عند اغلب المتلقين


دعت سمرالجدايل وانتخت بالقذلة الهلة ... تبي مني عروس للقصيد ازريت لاغويها

ويوم اني لقيت لها الخلود وجيت ابوصل له ... تنحرك الكلام اللي فهقها دون مغليها

خضع لك راس مسبوق القصايد وانحنى كله ... وانا بك شاعرالدنيا ومشغلها وماليها

يذكرني رحيلك مجلس باق على حله ... مداهيل الرجال اللي تنومسنا مواطيها

هنا سليت سيف يوفي الثارين من سله ... هنا علقت رمح يطعن الجوزا ويطفيها

هنا بينت مصحفك الكريم ودلنا دله ... معك نبدا مواعيد الكلام وننتهي فيها

هنا ساقيت غصن من غلا كنا تحت ظله ... نسولف بالغنا يا بايع الدنيا وشاريها

هنا كان الرجال جبال ما تقبل خنا الزلة ...عمايمها سحاب وابله باقي مواضيها

رجال لو تشوف الماء غدر ما شربته لله ... نبت عشب الرضا يا سيدي بأول مغازيها

هل التوحيد وكنوز العلوم ونصرة الملة ... رجال يضحك التاريخ لولها وتاليها

هنا ماضيك ورياض الخليل اللي رعى خله ... شربنا عذبها مدري لعبنا في مغانيها

هنا ..

هنا تخنقني العبرة وانا اكتب يا رسول الله ...
على قبرك نسيت الناس حاقدها وحانيها

وابو قبر يتيه من الفخر بالبيد وتجله .. على حسد تبين من سمايمها وصاليها

ويهناك الوفا قبر يضمك في ثرا تله .. ما دامه بين فردوس الجنان وبين منشيها

وانا لا من ذكرت فراقك اللي في يدي غله ... نسيت ان الليالي شيبتني من بلاويها

على بعد الزمان اللي يعقد الحبل ويحله ... ليامني ذكرتك طاحت الدمعة وراعيها

سلام الله ما هز الصبا نسرينه و فله ... على الطفل اليتيم اللي عطى الدنيا معانيها






مثلا شوفوا اخر بيت والله ماعرفت معناه وش المقصود فيه

فتكفوووووووووون لا تبخلون علينا ....

[محمد العتيبي]

راعي النيسان

اغلى تحيه لك يالغالي ... ولكن القصيده معروفه
انها قيلت للرسول صلى الله عليه وسلم..

اما اخر بيت فهو ايضا يقصد الرسول صلى الله عليه وسلم
حيث ان عاش يتيم .. وعم الفائده فالارض .

[راعي النيسان]

^
ياسلام عليك ياابو مشعاب والله توني فهمت معنى البيت الاخير ..

وانا كنت اعرف ان القصيده في الرسول صلى الله عليه وسلم ,, لكن بعض الابيات محتاجه توضيح ....

[محمد بن غازي]

نعم كما وضح شاعرنا ابو مشعاب بارك الله فيكم

[محمد العتيبي]

العفو ياراعي النيسان
واتمنى ان تقرأ سيرة الرسول
عليه الصلاة والسلاام لكي تستلذ بسيرته
العطره بمدى حياته..

ولك الشكر..

[مقاطـي]

ثعت سمر الجدايل وليس دعت

[ابن زريـع]

مشكور على الطر يا راعي النسيان


ومشكور يا بو مشعاب على التوضيح


تقبلووو مروري