خالد متأهل للمرحلة القادمة وبدون تصويت !!

[عاصم البرقاوي]

يا جماعة اخذوا العلم ( خالد متأهل للمرحلة الثانية )

حتى لو ما صوت له أحد !!!

يقولي أحد الاخوان العارف ببواطن الأمور ( يعني على قولتنا يجيب العلم )

ان لجنة التحكيم كانت بترشح خالد أول واحد ولا يدخل في مرحلة

التصويت ,,, لكن بعد قصيدة الامارتي خلفان جاهم إتصال من المزروعي

والمزروعي أكيد جايه اتصال من فوق بأنهم يرشحون خلفان ولا يدخلونه

مرحلة التصويت واستبداله بخالد ، لأن الاماراتي لو دخلوه مرحلة التصويت

ونجح الحلقة الجاية بدأت الشكوك في أمره ، لكن خالد لا حتى لو نجحناه

لن يشك أحد فيه فخلفه قبيلة كبيرة أكيد هي اللي نجحته بتصويتها .

يعني خالد متأهل متاهل وبدون أي تصويت وبنشوف الحلقة القادمة .

يعني حتى لو ما جا البرنامج الا 10 أصوات لخالد فقط مرشحينه غصب

عنهم ،،، فهم لا يستطعون خسارة شاعر كبير بحجم خالد ...


يعني احفظوا رصيدكم لمراحل قاااااااااادمة .

[قايد_السرب]

اقول ولو طلع خالد من المسابقه وش السواه

حبيبي خل عندك ياقين ان العتيبي الاصيل لن يترك ابن عمه في وسط المعمعه

ياعاصم كلامك ذا يذكرني في المرحله الاولى قالوا ان خلف بن هذال هو ومستور دخلوا على محمد بن زايد وطلبوا ان نسبة يوسف العصيمي تزاد وعلى الاقوال الي سمعناها بأن محمد بن زايد رفع نسبة يوسف وبالاخير طلع العلم ماهوب صحيح

خلنا نفرض ان كلامك صحيح ونترك خالد في المعمعه اذا طلع من المسابقه هل يفيده تصويتك او منهو المستفيد الاول من موضوعك وتحريض شباب وقروم عتيبه بأنهم لايصوتون

ملحوظه

( الرصيد مفتوح من بكره لجل عيون خالد والادمفلح)

مانيب دعجاني بس طناختٍ في هالراس

[عبدالرحمن الهيلوم]

والله يالغالي


انا صوت واحرقت رقم 10من اربعة جوالات من امس

[محب الهيلا]

التصويت ضروري لأشباع الطماعين اللي مسوين البرنامج

[أبن مزحـــــــــم]

ملحوظه

( الرصيد مفتوح من بكره لجل عيون خالد والادمفلح)

مانيب دعجاني بس طناختٍ في هالراس


:)

[ناصر الحافي]

الله يوفق خالد رجل يستاهل من يوقف له ويدعمه

[روقي511]

يا شباب ما عليكم في هالكلام
صوتوا لابن عمكم


وبعدين عندي نصيحة يمدحون تطلع 4 شرايح موبايلي فاتورة وتحرقها
بالتصويت وتنطلها

[عبدالله هادي ناشي الفليت.]

المشكـــــله في اللجنــه فيــــــــهم رخووم ونــذالـه

[عاصم البرقاوي]

بيض الله وجيهكم على التصويت وهذا ماهو مستغرب على كا عتيبي

حتى هناك من صوت من خارج القبيلة ,,,

أنا نقلت لكم ما وصلني من اخبار ليس الا ...

الاخ قايد السرب : قل خير والا اصمت !!

[سمران]

ياجماعهوياعيال العم
خالد الدعجاني اكبر من البرنامج والبرنامج تجاري وهم من اسقطوا خالد
علشان التصويت وكنت اتمنى من جميع شعراء العتبان عدم المشاركه من البدايه
العام فيصل السواط قال صلي على محمد ولاتتبع يسوع وسقطوه
والحين خالد قصيده في الرسول وسقطوه
اتركوا البرنامج ملينا من كثر الهرج
واللي يب يصوت يصوت محد راده ولكن الحقيقه يبون يسرقون مال الناس بهذه الوسيله
قالوا ايش ان البرنامج مهتم بالشعر
لاحول ولاقوة الا بالله

[سمران]

ياجماعهوياعيال العم
خالد الدعجاني اكبر من البرنامج والبرنامج تجاري وهم من اسقطوا خالد
علشان التصويت وكنت اتمنى من جميع شعراء العتبان عدم المشاركه من البدايه
العام فيصل السواط قال صلي على محمد ولاتتبع يسوع وسقطوه ومشاري النثري قال قصيده في الرسول وسقطوه
والحين خالد قصيده في الرسول وسقطوه وكل القصايد جزله في معناها
اتركوا البرنامج ملينا من كثر الهرج
واللي يب يصوت يصوت محد راده ولكن الحقيقه يبون يسرقون مال الناس بهذه الوسيله
قالوا ايش ان البرنامج مهتم بالشعر
لاحول ولاقوة الا بالله

[القرناص 999]

عاصم اسمحلي اقلك انك ماعندك سالفه ياخي اذا ماتبي تصوت

لاتصوت مااحد رادك اما تروح تجيب هرج مومؤكد وتهبط عزايم الشباب

هذي مانرضاها ياخي حنا نبي نصوت لخالد ومعاه الين اخر البرنامج فهمت

واشكر الشباب وعساكم على القوة نبي نسبته فوق شدوا حيلكم

قايد انت اعجبني كلامك اكرر شكري لك

[محمد بن غازي]

برنامج شفط فلوس بأسلوب راقي وبس

[قايد_السرب]

بيض الله وجيهكم على التصويت وهذا ماهو مستغرب على كا عتيبي

حتى هناك من صوت من خارج القبيلة ,,,

أنا نقلت لكم ما وصلني من اخبار ليس الا ...

الاخ قايد السرب : قل خير والا اصمت !!


قل خير والا اصمت== انت جايب هالموضوع وتبي الناس تصمت غريبه بس انا راح اقولك =ياصوت او ارخ راسك بين الرمك ولا ترفعه

[رمزي المقاطي]

والله إنه أفضل من غيره

بس البرنامج محبوك


الله يوووفقه هو وعيال عمه اللي معه

تقبل مروري

[الذيب المقاطي]

والله لو إني مكان خالد إذا صار نصيب وترشحت للمرحله القادمه بعد تأكدي من ذلك أعلن أمام الملأ وعلى الهواء مباشرة إنسحابي من البرنامج والسبب هو عدم حيادية لجنة التخزين وليس التحكيم ففي إنسحابي رد لهيبتي كشاعر حيث أنني إنسحبت وأنا منتصر ومتأهل
تكفون إللي يعرف خالد يوصل له هذي الرساله

[عبدالاله الشغار]

والله احرقنااا

شركه موبايلي كلها الله يعينهم هههههههههههه


راحت لخالد ويستاهل

ونبي نحرق الاتصالات وصووووووووتووووووووووا

[الروقي فواز]

مشكور اخي عاصم على هالخبريه

وبالنسبه لخالد ان شا الله متأهل متأهل

يكفيك ان جمهور ابو فهد من جميع القبايل والدول

وان شا الله ان ماحنا مقصرين مع اي عتيبي بالتصويت

[عاصم البرقاوي]

قل خير والا اصمت== انت جايب هالموضوع وتبي الناس تصمت غريبه بس انا راح اقولك =ياصوت او ارخ راسك بين الرمك ولا ترفعه

قايد السرب ::

ما شاء الله على أسلوبك الراقي في الرد !!!!!

[ابن زريـع]

لـــــــــــعــــــــــيون بوفــــهـــــــد

فــــــــــــداه الجوال وراعـــــيه