عبدالرحمن الهيلوم
04-Jan-2008, 10:23 PM
هذه القصيدة قيلت رثاء لراكان بن سويط عندما توفي وقد بكته جميع الظفير صغارها وكبارها
واليوم معنا قصيدة لشاعر قدير دائما يسمى سعد بن ظاهر الظفيري ولكن الصحيح هو سعد بن ظاهر الخالدي ولكنه طول عيشته مع الظفير حيث انه والده توفي وهو صغير وقد تكفل راكان برعايته هو واخوته صغارا
فيعد من الظفير لكنه اصله واضح وصريح وهو سعد بن ظاهر الخالدي
حسب مانقل الي ,, والشاعر سعد ظاهر الخالدي هو صاحب القصيدة الشهيرة برثاء راكان وهي( (ايه اظلمت دنياي بغياب راكان ... والكون بغيابه غشاني ظلامه))
وقد قال قصيدة اروع منها اترككم معها :
هبيـت يـا علـم لفانـا مجاليـس
هـز الكيـان وولـع القلـب نـارا
في ساعتن فيها الخلايـق نواعيـس
نومي تعـذر مـوق عينـي وطـارا
وحار القدم والعين دمعـه مراويـس
مالي جـدا يـا كـود مـز الزقـارا
قالوا توفـا قلـت ويـل المحابيـس
اللي ورا الجـدران ترجـي النهـارا
راكـان قفـا ويلكـم يالمتاعـيـس
راحـت اضعونـه مقفيـات تـبـارا
اقفـا لـدار مـا تجيهـا عواسيـس
ولا ياصله سرب الطلـب والمهـارا
مرحوم يـا حـلال عقـد اللواليـس
مفراص ماص لين(ن) بـه سطـارا
ومرحوم ياللي ما حسب نقصت الكيس
يا فرحـه المظيـوم ستـر العـذارا
مرحوم يا محرق قلـوب المحاميـس
لك دلـة(ن) منهـا يفـوح البهـارا
الحزن بين في وجيـه(ن) معابيـس
والدمـع بعـيـون الرفـاقـا أدرارا
نبكيـك حنـا واللواحـظ ميابـيـس
ويبكنـك عيـون الرجـال الغـيـارا
وتبكيك ام(ن) جت دموعه مخاميـس
تقـول هـذا ابـو اليتامـا الصغـارا
ويبكيك من بابه وقف بـه حواريـس
اللـي يتـحـرى جيـتـك بـزيـارا
بسجن(ن) وقف والورق بالدبابيـس
عقب الولي منـك يتحـرى البشـارا
غيبتك صعبـه يـا بعـد المراميـس
للضـد ربـح والجماعـه خـسـاره
غايب وعلمك له بذور(ن) مغاريـس
مع كـل خلـق الله يميـن ويسـارا
لوهي على الكيفات نبنـي متاريـس
دونه وعن عمـره نسـوق العمـارا
لكنه امر اللـي معيـش المهاليـس
كفيـل عيشـة نمـلـه بالحـجـارا
لو العمر يشـرى نصبـح مفاليـس
حلالنـا نفنـيـه لجـلـه جـهـارا
نبيـه لا ثـار الدخـن والمقابـيـس
يعجبـك بالهـدات طيـر الصـقـارا
واستغفر المعبـود ملعـون يابليـس
هـذا هـو المقسـوم مالـه غيـارا
وعسى الولي يلبسه زين الملابيـس
فـي جنـه الفـردوس دار الطهـارا
(( وقبيلة الظفير قبيله مشهوره بفرسانها وشجاعتهم وكرمهم وطات اقدامهم كل شبر بالجزيره العربيه ))
وسلامتكم
واليوم معنا قصيدة لشاعر قدير دائما يسمى سعد بن ظاهر الظفيري ولكن الصحيح هو سعد بن ظاهر الخالدي ولكنه طول عيشته مع الظفير حيث انه والده توفي وهو صغير وقد تكفل راكان برعايته هو واخوته صغارا
فيعد من الظفير لكنه اصله واضح وصريح وهو سعد بن ظاهر الخالدي
حسب مانقل الي ,, والشاعر سعد ظاهر الخالدي هو صاحب القصيدة الشهيرة برثاء راكان وهي( (ايه اظلمت دنياي بغياب راكان ... والكون بغيابه غشاني ظلامه))
وقد قال قصيدة اروع منها اترككم معها :
هبيـت يـا علـم لفانـا مجاليـس
هـز الكيـان وولـع القلـب نـارا
في ساعتن فيها الخلايـق نواعيـس
نومي تعـذر مـوق عينـي وطـارا
وحار القدم والعين دمعـه مراويـس
مالي جـدا يـا كـود مـز الزقـارا
قالوا توفـا قلـت ويـل المحابيـس
اللي ورا الجـدران ترجـي النهـارا
راكـان قفـا ويلكـم يالمتاعـيـس
راحـت اضعونـه مقفيـات تـبـارا
اقفـا لـدار مـا تجيهـا عواسيـس
ولا ياصله سرب الطلـب والمهـارا
مرحوم يـا حـلال عقـد اللواليـس
مفراص ماص لين(ن) بـه سطـارا
ومرحوم ياللي ما حسب نقصت الكيس
يا فرحـه المظيـوم ستـر العـذارا
مرحوم يا محرق قلـوب المحاميـس
لك دلـة(ن) منهـا يفـوح البهـارا
الحزن بين في وجيـه(ن) معابيـس
والدمـع بعـيـون الرفـاقـا أدرارا
نبكيـك حنـا واللواحـظ ميابـيـس
ويبكنـك عيـون الرجـال الغـيـارا
وتبكيك ام(ن) جت دموعه مخاميـس
تقـول هـذا ابـو اليتامـا الصغـارا
ويبكيك من بابه وقف بـه حواريـس
اللـي يتـحـرى جيـتـك بـزيـارا
بسجن(ن) وقف والورق بالدبابيـس
عقب الولي منـك يتحـرى البشـارا
غيبتك صعبـه يـا بعـد المراميـس
للضـد ربـح والجماعـه خـسـاره
غايب وعلمك له بذور(ن) مغاريـس
مع كـل خلـق الله يميـن ويسـارا
لوهي على الكيفات نبنـي متاريـس
دونه وعن عمـره نسـوق العمـارا
لكنه امر اللـي معيـش المهاليـس
كفيـل عيشـة نمـلـه بالحـجـارا
لو العمر يشـرى نصبـح مفاليـس
حلالنـا نفنـيـه لجـلـه جـهـارا
نبيـه لا ثـار الدخـن والمقابـيـس
يعجبـك بالهـدات طيـر الصـقـارا
واستغفر المعبـود ملعـون يابليـس
هـذا هـو المقسـوم مالـه غيـارا
وعسى الولي يلبسه زين الملابيـس
فـي جنـه الفـردوس دار الطهـارا
(( وقبيلة الظفير قبيله مشهوره بفرسانها وشجاعتهم وكرمهم وطات اقدامهم كل شبر بالجزيره العربيه ))
وسلامتكم