بيضة الديك.....

[كبتن عتيبه]

سلطان الجذع ...مسيت بالخير


تعال يا صاحبي سلطان جعل الله يحييك=نبى نسولف معك والليله الرحله طويله!!
الناس ياصاحبي قامت تدوّر بيضة الديك=لو بيضة الديك ياسلطان حاجه مستحيله!!

[بندر الهيلا]

الناس ياصاحبي قامت تدوّر بيضة الديـك
لو بيضة الديك ياسلطان حاجه مستحيله!!

الله الله
بدايه جزله وصح لسانك وصح لسان سلطان مقدما وفي انتظارهـ.....

تحيــــــــــــــــــــــــاتي
.................................

[عبدالرحمن الهيلوم]

صح السنتكم

متا بعين يالغالين 0متابعين 0 متابعين0 متابعين 0متابعين

http://www.dubaieyes.net/gallery/data/media/70/tw-1-%20(15).gif

[أبو نجر النفيعي]

الناس ياصاحبي قامت تدوّر بيضة الديـك
لو بيضة الديك ياسلطان حاجه مستحيله!!


:)


صح لسانك يالكبتن مليوووون

.
اخوك

[سلطان الجـذع]

ياكبتن عتيبه الهيلا نجيك الله يبقيك =تبا تزين السوالف من عميل أليا عميله
اضحك على اللي يباها !! قله الخير متعديك =وبل المطر في بحر ..ماشيف فوق الارض سيله

[كبتن عتيبه]

طيب طيب


عزالله أنّي من اول يالعتيبي طامعًا فيك=وأثرك مأنته سواة زريب شيّال الثقيله!!
من أول اليا مرضت انقول جعل الله يعافيك=واليوم كلاً يباك اتموت لو مافيك حيله!!

[سلطان الجـذع]

ان كانها دامت أيام السعد لابد نرضيك =ترى الولد مثل من قبله وحمله يرتكيله
انته من الخير مالي بطنك ومالي مخابيك =لكن مايقنع المشفوح ..من شئ يجيله

[عيد العازمي]

الله

هذا الابداع

الكبتن وسلطان الجذع واصلو لاهنتو

[كبتن عتيبه]

الله الله


انته ولد عم وتحبّك بني عمّك وتغليك=لكنّك اليا غزيت القوم ضوّيت الفشيله!!
وان جيت اوصفك ياسلطان واحلل معانيك=كريم فالهرج ياسلطان ويدينك بخيله!!

[سلطان الجـذع]

بندر الهيلا ...
شرفتنا بتواجدك يالغالي ..
,,,
,,,
,,,
الهيلوم
صح بدنك وشرفت بتواجدك
,,,
,,,
,,,
ابو نجر صح بدنك
,,,
,,,
,,,
العازمي يكتمل ليلنا الجميل بتواجدك

[كبتن عتيبه]

الاخوان الحاضرين

مساكم شعر!!!!



وحياكم الله

[ناصر الجلاه]

..

الكبتن

..

سلطان الجذع

..

مبدعين مبدعين مبدعين بمعنى الكلمه صحت أللسن والقلووووب

ومافيكم حيله ثنينكم .. واصلووووا وحنا متابعين

تقبلووووا مروري

..

[سلطان الجـذع]

ياسلام


لولا الحوامي كل الذيب الغنم من دون تشكيك =ياما حميتك ونار الزند في خشم الفتيله
ابوي قد قال ,,لي لاغنيت محتاجك يخليك =ترى الغنى للفسق ياكبتن عتيبه وسيله

[كبتن عتيبه]

الله الله


علّمتك الشعر ..مير اليوم تنفخ في علابيك=يامَا تجمّلت فيك ولأنت من قوم الجميله!!
اثر السبب يالجذع من واحدًا قبلك موصيّك=عساه ما اوصاك ياسلطان في ذبح الهزيله!!

[ناصر الجلاه]

الله الله


علّمتك الشعر ..مير اليوم تنفخ في علابيك=يامَا تجمّلت فيك ولأنت من قوم الجميله!!
اثر السبب يالجذع من واحدًا قبلك موصيّك=عساه ما اوصاك ياسلطان في ذبح الهزيله!!



ياسلااااااااااام

كلاااااام كلاااااااام من نوع الذهب


الله عليك يالكبتن


واصلووووا


متاااااابعيييين

[سلطان الجـذع]

الشعر ..وهبه ورب الكون معطيني ومعطيك =ويش انت ؟لولا الغصون اللي على راسك ضليله
يقول خل اهتمامك بالشيوخ عن الصعاليك =وحرام لاجاء لك الصعلوك تذبح له جزيله

[كبتن عتيبه]

الله الله


الميت يزيد غبنك غبن ..والاّ الحيّ يحييك=وانته تزيد الغبون غبون ماحييت القبيله!!
اشره على اللي يجيك.. ولا اتوقّع واحد يجيك=واحسن لك اتصاحب الحضران وتسوّي بليله!!

[سلطان الجـذع]

انا كفلتك يتيم ودايم عيوني تراعيك =واليوم كبتن عتيبه ضد إلى ,,يسرج بخيله
أليا بغيت الحقيقه ..فالسوالف من يناحيك =تحمد الله واشرب من هماليل المخيله

[سلطان الجـذع]

كبتن عتيبه ابدعت وامتعت
صح لسانك ملااااااااااااااااااايين واللعب معك بحد
ذاته شرف ومتعه لاتضاها .,,,

لك جزيل الشكر والتقدير ...والشكر موصول لجميع الاخوان
الذين سجلوا مداخلاتهم في هذا المتصفح

[ماجد الرويس]

محاروة قمة صح لسانكم ياشعراء

تحياتي.

[معجب العتيبي]

والله ابدااااااااااااااااااااااااااااااااااااااااااااع

والابيات الأخيره كأنها تقول اذا تبون زيادة ابداع الخير واااااااااااااااجد


شكرا على ماقدمتوه والله والله استفدت بدون مجامله

[السميــــــري]

انته ولد عم وتحبّك بني عمّـك وتغليـك
لكنّك اليا غزيت القوم ضوّيت الفشيلـه!!

الله يرج شياطينك ..
هههه

صح لساانك .


.....
لولا الحوامي كل الذيب الغنم من دون تشكيك
ياما حميتك ونار الزند فـي خشـم الفتيلـه

ايه ياسلطان .. صح لسانك

[بندر المرشدي]

من أول اليا مرضت انقول جعل الله يعافيك
واليوم كلاً يباك اتموت لو مافيك حيلـه





انته من الخير مالي بطنك ومالي مخابيك
لكن مايقنع المشفوح ..من شئ يجيلـه






ابوي قد قال ,,لي لاغنيت محتاجك يخليـك
ترى الغنى للفسق ياكبتـن عتيبـه وسيلـه







اثر السبب يالجذع من واحدًا قبلك موصيّك
عساه ما اوصاك ياسلطان في ذبح الهزيله














لله دركم على هذا الابداع!!!!

[شبيب شافي الملعبي]

(بيضة الديك ) واضحة ياشاعرها