يالكبتن انصحك عمرك لايعود بلاش=تغانم العمر فاللي ينفعك ياولد

[ناصر الجلاه]

..


يامرحبا ياهلا من غير صوت وفلاش=إن قلتها من ضميري بالمعاني تسد

يالكبتن انصحك عمرك لايروح بلاش=تغانم العمر فاللي ينفعك ياولد

[معجب العتيبي]

صدقت ياناصر يجب تغنم العمر

مبدع اينما تحل صح لسانك

ولسان الكبت مقدما

[ناصر الجلاه]

..

سارح البال

..

صح بدنك يالغااالي .. مرورك عطر دائمآ ياسارح البال

لاهنت

..

[كبتن عتيبه]

الله الله


دام البقاء ردةٍ ماهي هبوب ورشاش=لابالله الاّ سحابٍ فيه برق ورعد!!
الأرض ربّي بسطها والسماء ماتناش=سبحان ربٍ معلّيها بليا عمد!!

[$ الحــيــران $]

ناصر وكبتن عتيبه وإبداع غير مستغرب

[بندر الهيلا]

ناصر - كبتن
لاهنتواا وصحت السنتكم واصلوااا

تحيــــــــــــــــــــــاتي
...............................

[ناصر الجلاه]

..


احيان اقول الثبيتي مات واحيان عاش=واحيان نؤمن على من جد طبعآ وجد

انته معلق ولكن ألك مصدر معاش=وتقول تو الليالي حبلها ممسد

[ناصر الجلاه]

..

الحيران

..

وبندر الهيلا

..

صح ابدانكم يالاخواان .. مروركم كريـــــم

لاهنتوا

..

[كبتن عتيبه]

الله الله


مدام عينك تشوف ولاغطاه غطاش=تبى تشوف الجبال الراسيه فالبلد!!
انا ادري انّك تقول السوق فيه انتعاش=لكن برضه ترى فيه الطمع والحسد!!

[ناصر الجلاه]

..

الله الله

ياسلاااااااام يالكبتن :




ياصاحبي مايهمك جلها والقشاش=جبال خلقت قثن جبال صلب ووتد

اللي سواتك ترى حصل لحاف وفراش=ضمن وغره ضمانه ثم نام ورقد

[معجب العتيبي]

ولا يزال الابداااااااااااااااااااع مستمر

وسنستمر متابعين ان شاء الله حتى نهاية الابداع هنا والا هو سيستمر في كل مكان ان شاء الله

[كبتن عتيبه]

طيب طيب


الفاتنه ماتلبس غير قطعة قماش=وعيونه ناعسها ياجعلها بالرمد!!
وعشاقها دونها ياصاحبي ماتهاش=الكل منهم يقول (أحبهل للأبد)!!

[ناصر الجلاه]

..



بالوصف ياصاحبي رأسٍ بأليا عراش=يالعنبوها فتاةٍ ماتعرف العهد

حتيش لو إنهم راحوا سوات الفراش=لا يالثبيتي علامك ليش عزمك برد

[ناصر الجلاه]

..

سارح البال

..


تواجدكـ ومتابعتكـ يالغاااالي تكفينا الله لايهينك يابن العم

مودتي لكـ

..

[عيد العازمي]

ناصر وكبتن عتيبه وإبداع غير مستغرب

[سلطان الجـذع]

.....
ناصر الجلاه ...ابداع غير مستغرب ...ماشاء الله
عليك ياعمي ...انت ممن نحتوا الصخر وغرفوا البحر وقطفوا الزهر
.....
كبتن عتيبه
صح لسانك يامبدع انت كبيرنا الذي علمنا السحر قصدي الشعر
وتبقى فوق كل اشاده
.....
واصلوا متابع للفائده

[ناصر الجلاه]

..

العازمي

..

الابداع مرورك العطر يابن عاصي وتواجد يشرفنا

لاهنت

..

[ناصر الجلاه]

..

سلطان الجذع

..


مرورك كريــــم .. واطرائكـ جميييل .. صح بدنك يالاسطوره

ولاهنت

..

[أبن مزحـــــــــم]

ولا يزال الابداااااااااااااااااااع مستمر

وسنستمر متابعين ان شاء الله حتى نهاية الابداع هنا والا هو سيستمر في كل مكان ان شاء الله



وصحت ألسنتكم والله لايهينكم

[كبتن عتيبه]

الله الله


مدامت الماء متوفر للكبود العطاش=كلاً بدلوه على العد الرهاوي ورد!!
ماتبرد عزومنا في حرب ولا نقاش=اخوك تعرف فعوله ياخوي السعد!!

[ناصر الجلاه]

..

ابن مزحــــم

..


الابداع مرورك الكريــــم واطرائك جمييييل .. صح بدنك يالغااالي

ولاهنت

..

[ناصر الجلاه]

..

ياسلاااااااااام ياسلاااااااااااام



المشكله كان غاض الماء عليهم وطاش=واللي قعد ماوقف واللي وقف ماقعد

تبى الحقيقه حقيقه منت يالقرم لاش=حرٍ تنومس ليا شفناك يوم الهدد

[كبتن عتيبه]

طيب.......طيب


ياكثر ناسٍ تحط فلوسها فالخياش=مامروا البنك..والثروه بليا عدد!!
ويكون في علمك أن الرزق حظًا يحاش=ونكمّل محاورتنا معك فيما بعد!!
تحياتي لك ياناصر الجلاه

[ناصر الجلاه]

..

الكبتن

..


ههههههههههههههه

ويكون في علمك أن الرزق حظًا يحاش
ونكمّل محاورتنا معـك فيمـا بعـد!!

ويكون في علمك أن الرزق حظًا يحاش
ونكمّل محاورتنا معـك فيمـا بعـد!!


صح لسانك وعلى خير إن شاء الله

..