عايض بن زوير
03-Jan-2008, 01:33 AM
أضيع بين يديكم هذه المتواضعه
كما هي عليه
,,
الجادل اللي حبها شيد على قلبي قصور=والله لتفنى ماتقفل فالخفوق أبوابها
أحبها والقلب ماهو في هوى خلي معذور=وأحب أبوها وعمها,, وأحب كل أقرابها
وما دامني في بالها مالاحقن بالي عزور=وغيابها للروح يعني فالحياة.. غيابها
بنات فكري لا طرى تارد بي السبع البحور=وأعوم فيها وأنتقي فاللول ما يزهابها
ولا من طرت في ضيقتي تقلب لي الضيقه سرور=وأنسى نكايد دنيتي واهمومها ,, واتعابها
واهيم مع ضبي الفلا واعيش معه بلا شعور=وأسج رجلي للجبال النايفه وأرقابها
ما شي حولي غير طيفه والفيافي والزهور=الخد أرضي واللحاف اللي علي أهدابها
مشي "ن" على وضح النقا والشوق زاد النور نور=وأهل الوشايه ما نحسب فالدروب حسابها
وياللي تقول ان الجمال اليوسفي ساس الغرور=ترى الغرور اللي تمازج بالحلى ماعابها
مع زينها حط الحيا من دونها نقطة عبور=ما كل طامع فالهوى يقدر ينوش ترابها
وياعاذلي ياللي تمنى بينا هدم الجسور=خل السيوف المثلمه ياعاذلي في جرابها
ما للصقور المرقبه في جوها غير الصقور=والكايده لأصحابها ..والهينه لأصحابها
أقولها وأدقها سهمين في وسط النحور=الخيل من خيالها ,,والنار من شبابها
بنت الرجال أهل الوفا كرام اللحى طوال الشبور=اللي على عد الروى دايم تعن ركابها
من غير ناقص فالرجال ,,أهل الذراع ولا قصور=في ضنتي ماغير راسي فالرجال أولى بها
ورود دربي فالهوى ياهل الهوى ,,ولا صدور=اللي مشى في سكة قال المثل يضرابها
وأنا من اللي لو يبور الوقت راسه مايبور=أحفظ وصية شايبي والقوم من شيابها
ماني من اللي شغلته بين العرب دهن السيور=ولا نيب خبل يعرض السلعه على جلابها
صحيح من قال الحوايم كلها تسمى طيور=وصحيح من قال الحرار يميزها مخلابها
وصحيح من قال السعه, ياهل السعه وسع الصدور=وصحيح من قال الطلايب من قسم طلابها
أقولها وأطولها وأضرب بها فوق الصخور=من ضاق منها ياعسى ,,واللي رضى يرضابها
الجادل اللي حبها فأقصى المعاليق مخبور=لن طال وقتي أو قصر في خافقي مضاربها
وطبعي كذا ,,ياللي تلفلف فالسواليف وتدور=الكايده هي مطلبي,, والهينه ما أرضى بها
كما هي عليه
,,
الجادل اللي حبها شيد على قلبي قصور=والله لتفنى ماتقفل فالخفوق أبوابها
أحبها والقلب ماهو في هوى خلي معذور=وأحب أبوها وعمها,, وأحب كل أقرابها
وما دامني في بالها مالاحقن بالي عزور=وغيابها للروح يعني فالحياة.. غيابها
بنات فكري لا طرى تارد بي السبع البحور=وأعوم فيها وأنتقي فاللول ما يزهابها
ولا من طرت في ضيقتي تقلب لي الضيقه سرور=وأنسى نكايد دنيتي واهمومها ,, واتعابها
واهيم مع ضبي الفلا واعيش معه بلا شعور=وأسج رجلي للجبال النايفه وأرقابها
ما شي حولي غير طيفه والفيافي والزهور=الخد أرضي واللحاف اللي علي أهدابها
مشي "ن" على وضح النقا والشوق زاد النور نور=وأهل الوشايه ما نحسب فالدروب حسابها
وياللي تقول ان الجمال اليوسفي ساس الغرور=ترى الغرور اللي تمازج بالحلى ماعابها
مع زينها حط الحيا من دونها نقطة عبور=ما كل طامع فالهوى يقدر ينوش ترابها
وياعاذلي ياللي تمنى بينا هدم الجسور=خل السيوف المثلمه ياعاذلي في جرابها
ما للصقور المرقبه في جوها غير الصقور=والكايده لأصحابها ..والهينه لأصحابها
أقولها وأدقها سهمين في وسط النحور=الخيل من خيالها ,,والنار من شبابها
بنت الرجال أهل الوفا كرام اللحى طوال الشبور=اللي على عد الروى دايم تعن ركابها
من غير ناقص فالرجال ,,أهل الذراع ولا قصور=في ضنتي ماغير راسي فالرجال أولى بها
ورود دربي فالهوى ياهل الهوى ,,ولا صدور=اللي مشى في سكة قال المثل يضرابها
وأنا من اللي لو يبور الوقت راسه مايبور=أحفظ وصية شايبي والقوم من شيابها
ماني من اللي شغلته بين العرب دهن السيور=ولا نيب خبل يعرض السلعه على جلابها
صحيح من قال الحوايم كلها تسمى طيور=وصحيح من قال الحرار يميزها مخلابها
وصحيح من قال السعه, ياهل السعه وسع الصدور=وصحيح من قال الطلايب من قسم طلابها
أقولها وأطولها وأضرب بها فوق الصخور=من ضاق منها ياعسى ,,واللي رضى يرضابها
الجادل اللي حبها فأقصى المعاليق مخبور=لن طال وقتي أو قصر في خافقي مضاربها
وطبعي كذا ,,ياللي تلفلف فالسواليف وتدور=الكايده هي مطلبي,, والهينه ما أرضى بها