خلووووووووووها

[ابو بندر]

سلام رديه طعم العسل فيها=وريحها الورد للغالين نهديها
على طروق الشقر لازم نغنيها=ورايه العز طول الوقت مرفوعه



بدينا بالشعر يامعشر الشعار=على فنجال دله زانت شعوره
نبا نحرب جيوش الشرك والكفار=ورايتنا على الكفار منصوره

[زيزوم مدركه]

يامرحبا ردتاً من زين مبداها
من طيبها كل رجالاًتمناها
وربعك معك بالوفا متقصر خطاها
وراية العز طول الوقت مرفوعة




بدينا يبو بندر والله الغفار=على سلم العرب والناس مخبورة

حرناهم برمح وسيفنا البتار=ورايات الكفر لن جات مدحورة

[ابو بندر]

الليل فيه القمر ونجوم سهرانه=والهاجس أسهرني وسهران من شانه
بالله يا زيزوم هات ابيوت مليانه= وراية العز طول الوقت مرفوعه


ياراعي مدركه وش عندك من اخبار=نباها هاتها بالصوت والصوره
على ماقالوا الطارف يشب النار=ونفس العبد منهيه ومأموره

[زيزوم مدركه]

ايوالله اني معك مانقص الكيله
ولاهو بطبعك ولاطبعي هل الهيله
والمزن خله يشيل الطارفه سيله
ورايت العز طول الوقت مرفوعه


ابو زيد ان توفى قبل يخذ الثار=يجينا زيد صبح مكملاً دوره

اشوف الناس زعلانة من اللي صار=احد ينخى واحديمنع هل الثوره

[ابو بندر]

نعمين باللي وفى كيله وميزانه= ما تنقفل عن ضيوف الله بيبانه
والله منشي مزون الغيث سبحانه=وراية العز طول الوقت مرفوعه


ترى في الناس يازيزوم ناس احرار=لها وقفات في التاريخ مذكوره
ولا ياطير يالي تنقر بمنقار=عيونك من طيور الضلع منقوره

[زيزوم مدركه]

السالفة عودة ميقاف غصابي
والاب قلبي من اللي صار والابي
وانا اعرف ان الجكم ضالم ونصابي
وراية العز طول الوقت مرفوعه


ابنخى ابالعلا وانخ انته السغار=هذا الميقاف ماهو لعبة الكورة

الاياكبرها يالماهر البيطار=يميني شلتها لوكان مكسورة

[ابو بندر]

العلم يارعي الميقاف تدريبه=والمنتخب يعجب الجمهور تدريبه
واللي يداري علاك وجوب تدريبه=وراية العز طول الوقت مرفوعه


انا مالك معي ياصاحبي مخشار=لو ان الأرض بين الناس مخشوره
من البستان ابا أقطف طيب الأثمار=وغيري لو يبا ماياصل أثماره

[زيزوم مدركه]

يكثري صبري علاك وثارت اعصابي
لاكن عنها تراي ادرى ويدرابي
عارف معك راس مالي زود مكسابي
وراية العز طول الوقت مرفوعة




ياراع الدار دام الدار له زوار=عسى الاحوال مامونه وميسورة

مدامنك كذا ماوصلني معذار =شعيل ارخيت مشعابي على كورة

[ابو بندر]

حنا ترى سيفنا وقت اللقى صاطي=وروسن مطرفات وروس وصاطي
على طريق العرب عشرين بصاطي=وراية العز طول الوقت مرفوعه


انا مابيني وبينك خبر وأسرار=بنادم يعلم الله جملة اسراره
وبوعرام دقينا له المسمار=كما صيد البحر يشبك بسناره

[زيزوم مدركه]

ابو بندر الاوله لك والثانية لك



راجع القافية




سعدت باللعب معك



الله يسامحك وانته سامحني

[ابو بندر]

ابو بندر الاوله لك والثانية لك



راجع القافية




سعدت باللعب معك



الله يسامحك وانته سامحني


مافهمتك يابن الاجواد
ارجو التوضيح

[زيزوم مدركه]

راجع القافيه وانا خوك

اورة @ وارة




الله يوفقك

[ابو بندر]

الاخ زيزوم مدركه
.
.
معذرتا انا غلبني النوم والعتب على النظر معك حق
.
.
وشكرا لك
.
وصح لسانك

[عيد العازمي]

وش ذا القاف الرائع متى صااااااااار ؟؟؟


صحت السنتكم وابدااااااااع متواصل منكم