تسجيل الدخول

مشاهدة النسخة كاملة : ممكن إستفسار ياعتابه

عواد الشمري
25-Sep-2003, 11:27 PM
السلام عليكم
ورحمة الله وبركاته
اول شيء اهنيء كل عتيبي على هذا الأسم
ليس مجامله لأني ألان اتحدث بين عتيبه لا هذا شيء
واقعي عتيبه لها بصمه في تاريخ الجزيره
وبدون قصور في القبايل الأخرى ولكن هذه الحقيقه التــي
لايختلف عليها اثنين
اخواني انا بطرح عليكم سؤالين ليس من باب الفضوليه
بلعكس ولكن من باب المتابعه لهذه القبيله
سؤال الأول هو عن فخذ من فخوذ عتابه
وهو الثبتان:
هل هم روق ولا برقا
لأن بصراحه كم شخص سألته وتفواوتت الاجابه
ولكن فيه اجابه بصراحه هي اللي خلتني ان اسال عنهم
هذه الاجابه كانت من شخص وقال لي ان الثبتان
لا روق ولا برقا
واعطاني قصيده لأبن حميد

اللي فهمته من القصيده ان الثبتان مثل الصقر لعتابه
جناح برقا وجناح روق




السؤال الثانــــي:
ماهو الفخذ الأكثر عدد في عتابه




وانا اسف على هذه الأسأله








اخووووووووكم
عواد الشمــــــــري
النفاعي
25-Sep-2003, 11:47 PM
قبل كل شي ياعواد الشمري مرحبا فيك ويشرفنا وجود اللي مثلك وشرواك .
وشكرا على هذا المديح ومعليكم زود يالطنايا .

اما بخصوص اسئلتك فصدقني اننا فرحين بوجودك وباسئلتك .
الثبتان . ذوي ثبيت هم من روق .واكثرهم في نجد ومنهم الرباعين من شيوخ عتيبه .
اما الثبته. فهم من برقا واكثرهم في الطائف والسيل ومنهم نسابه عتيبه المعروفين مثل بن هليل نجم وغيرهم .
اما القصيده فهي لبديوي الوقداني .

اما من الاكثر عدد . في الصراحه من الصعب الجزم في هالامور لان لم يحصل تعداد واعتقد ان يوجد اكثر فخوذ عتيبه متقاربه من ناحيه العدد .

تقبل تحياتي بك
هنيدس الروقي
25-Sep-2003, 11:47 PM
الاخ عواد الشمري
مساك الله بالخير
مشكور على الاطراء لعتيبة ....ونحن نقول والنعم في شمر قبيلة تاريخها معروف ...
الثبتان ..
الثبتان (بنو ثابت) ..وهي القبيلة الام التي قال عنها بديوي الوقداني :
عتيبة جناح الصقر وثبيت هامته...ولا يستوي طير بغير جناح
يعني تخيل معي ..صقر...جناح من جنحانه ..برقا ..والجناح الثاني روق
والهامه ثبيت (ثابت) ..
ترى على فكره هذا رمز ..عتيبة ..حطوه شعرائها من 150 سنه قبل لا يسوون الدول الحديثه رموز النسر وغيره ...لان هذا الرمز ((النسر او الصقر)) عند عتيبة اسم على مسمى ..فسابقين دول وعالم بها الموضوع ...المهم...ما اطول عليك ....
ثابت المذكور في كتب النسب والذي عناه بديوي الوقداني ..يتفرع الى عدة فروع ..كبيره ..اغلبها في الحجاز ...اما فروعه في نجد ..فهم ينحدرون ..من صرير بن ثابت وهم :
المزاحمه ابناء مزاحم بن شهيب بن حجاج بن صرير بن ثابت (العضيان ، المراشده ، الغبيات ، الهراجفه ، ذوي عالي ، السياحين ..الخ)
ذوي ثبيت ابناء ثابت بن شهيب بن حجاج بن صرير ومنهم الرباعين ...الخ ..
ويا هلا فيك في منتدى عتيبة
تحياتي
هنيدس
هنيدس الروقي
25-Sep-2003, 11:56 PM
بالنسبة للاكثريه ..يا لشمري ...
فعتيبة متداخله مع بعضها ..والحميا فيها تجري مجرى الدم ...
فلو قال العتيبي ..." يا روق" ..ولا قال " يا برقا" ..جاته عتيبة كلها تعدي ...
علشان كذا سموها الهيلا ...
تحياتي
هنيدس الروقي
25-Sep-2003, 11:59 PM
الاخ النفاعي
بدون قطع لكلامك ..
بس ترى كل عتيبة عارفين ان ذوي ثبيت والمزاحمه من ثابت بن سعد..
جد وعد ...
تحياتي
النفاعي
26-Sep-2003, 12:27 AM
الاخ هنيدس الروقي .

انا لا ادعي الكمال . فالكمال لله سبحانه . قد اكون مخطئ وقد اكون مصيب .
ولكنني اجبت بما اعرف . واذا كان هناك تصحيح فالواجب اننا نصحح لبعض .
للاستفاده . ومنك ياهنيدس ومن شرواك نستفيد ونفيد .
هنيدس الروقي
26-Sep-2003, 12:35 AM
الاخ النفاعي
تسلم على الكلام الطيب
وانا اعرف انك تقول ما يعتقده اغلب كتاب عتيبة ..
لكن عند الرباعين وعند المزاحمه ..وهم اعلم بانسابهم ..شي ثاني ..وهو ما ذكرته..
وتقبل تحيات اخوك
هنيدس
هنيدس الروقي
26-Sep-2003, 12:40 AM
وحبذا لو تبي تستفسر اكثر ..عن هالكلام
تسأل ...الراويه سعدون الهرس... أو الكاتب القدير أبو حمرا... او ابن زبن المرشدي
او ابن هليل ..او ابن دخين ....كل هؤلاء لديهم المام بفروع ثابت ونسب ذوي ثبيت والمزاحمه ...
تحياتي
عين العقل
26-Sep-2003, 12:40 AM
ترى العالم تخلط بين ثبيت أبو الثبتان ... وثبيت الكبير الي تعود فيه معظم عتيبة
(( وش رايك ياهنيدس .... أنفع أصير نسابة !!!!!!!!!! ))
النفاعي
26-Sep-2003, 12:45 AM
طيب هل الثبته اللي في السيل الي منهم بن هليل روقه ؟
هنيدس الروقي
26-Sep-2003, 12:47 AM
الاخ عين العقل
تسألني ..انت تنفع نسابه ولا لا !!!!!!!!
انا ما صرت احسب للكلمه الف حساب الا بسبتك انت...!
وحد الرحمن وعطنا الوثائق اللي عندك ...ولا خلنا نشوفها شوف بس
هنيدس الروقي
26-Sep-2003, 12:50 AM
عاد اهل السيل ...تخصص عين العقل ...
اديله المعلومه ولا تبخل ..يا عين العقل !!
النفاعي
26-Sep-2003, 12:57 AM
?????
عين العقل
26-Sep-2003, 01:00 AM
هنيدس !!!!!!!!!
وثايق !!!!!!!!!!!!!!!!!!!
بتطورنا أنت !!! .... (( بتزعل على المستشار هههههههههه ))
ماعنديش حاجه ... أنا مالي أنا فحالي !!!!!!!! هههههههههههههه
هنيدس الروقي
26-Sep-2003, 01:03 AM
الاخ النفاعي
يعني قصدك ...ثابت بن سعد ...اللي يرجعون له معظم ثبيت الحجاز ..هو روقي ولا لا؟؟
النفاعي
26-Sep-2003, 01:05 AM
اللي اقصدهم الثبته ؟؟
هنيدس الروقي
26-Sep-2003, 01:11 AM
الثبته أهل السيل ...من صرير بن ثابت بن سعد ....وش فيهم؟؟؟ هم روقه ولا لا؟؟
عين العقل
26-Sep-2003, 01:14 AM
أنا مفلس ’’ .... ماعندي شي أقوله ... غير أن بعض الأسماء التي وردت أعلاه بخصوص النسب ... أسماء لها شهرتها ومكانتها ... ولكن بعضهم , وللأسف , أخطاء أخطاء جسيمة في نسب عتيبة فأرجع القبيلة ... (( عن بكرة أبيها )) .. في سعد بن بكر بن هوازن ... والوثائق التي أطلع عليها عند بعض نسابة الحجاز لم تكن كل شيء ... !!!!! ..... فحاول ... ولكن كان الأجدر به أن لاينشر ... ألا بعد ... أن يكون على ثقة مطلقة فيما يكتب ... بس يرجع القبيلة كلها عدا وجدا في بني سعد بن بكر بن هوازن ... وبعد سنة ينشر في أحدى الصحف ويقول ... (( مدري وش )) ... مايصير
هههههههههههه !!!!!!! .... لحد هنا وبس (( ملكية فكرية !!!!!!!!!! ))
عين العقل
26-Sep-2003, 01:17 AM
من الي يقول أن ثبتة السيل روقة ؟؟؟
هنيدس الروقي
26-Sep-2003, 01:20 AM
هلا !!!!!
عين العقل
26-Sep-2003, 01:38 AM
شفت فلم ... (( undispuited )) .... أستاجرته الليلة .... جديد ماله غير يومين ... يقولون مسكت ... (( بانشوف )) !!!!!!!

بعدين الثبتان الروقة يعودون ثبته ... (( يعني هم أصلا ماهم روقة )) ...لأن الروقة من غزية ... بينما الثبته (( والي من فروعهم الثبتان )) ... من بني هلال ... حتى هنيدس ماهو روقي ... أصيل ... روقي طرش بحر ... أصله من الثبته .. (( كيفني معاكم ... تمام))
(((( أحذذذذذذذذذذذذذذذف ))))))
عين العقل
26-Sep-2003, 01:43 AM
بعدين عين العقل ماهو ثبيتي ولا هنيدس روقي ... عين وهنيدس ... ((((((مطران)))))
هنيدس الروقي
26-Sep-2003, 01:51 AM
لعل السائل هداه الله ...يعني تقسيمات حديثه ...روق وبرقا
فنقول اضافة لكلام عين العقل
روق من غزية جشم ...وهم في الاساس طلحه ...لقول الشاعر القديم
ما روقي الا من يسمى طلحه ...الخ
والمزاحمه وذوي ثبيت ...من ثابت ...وهذا حلف اسسه قضاة شبابه بينهم في الماضي
والطلوح ...معهم من بني هلال اقسام تداخلت معهم ...وقد سبق وان قلنا ان ..شيوخ شبابه ...قد عركو بقية هوازن ...عرك الرحاة ...في عتيبة ...حتى لا تتفكك هوازن امام اعدائها...
ومنصور الابرق..: شيبان ، عصيم ، الدعاجين ، الدغالبه ، القثمه ...هؤلاء برقا في الاساس
بينما معهم في نجد ...المقطه ...وهم ليسو من برقا ...والنفعه وهم ليسو في برقا ...يعني مثل الرباعين والمزاحمه مع الروقه ..
اما ثبيت الحجاز ...او ثبيت الكبرى ...فلا هي برقاويه ...ولا هي روقيه ....
هذي اساس عتيبة
عين العقل
26-Sep-2003, 02:07 AM
سمعت يانفيعي ... سمعتم يالربع .... ثبيت الحجاز (( ثبيت الكبرى)) ... هم ساس عتيبة ... يعني الي يشوفني بعد كذا ... يقوم سيده يحب على خشمي ... والمفروض .. أي ثبيتي حجازي ... تحطونه مشرف ... سيده ... ويصرف له ... بندق .. وجيب VXR((برادو)) ... مكافئة ... تقديرية ‍‍‍‍‍‍....
عين العقل
26-Sep-2003, 02:12 AM
هنيدس حذف خرابيطي ...... لاتورطني مع خلق الله ......هههههههههههههه
عين العقل
26-Sep-2003, 02:15 AM
أقطع ذراعي أذا ماكان أبوغازي .. معطيها مخفي ... وقاعد يقرا ... ويسب ويسخط ..
فلاتنشبني مع المطاوعة ... ‍‍‍‍‍‍
عين العقل
26-Sep-2003, 02:18 AM
ترى أبوغازي ماعنده لعب ... وهو الي رقع أبوعتب باند ... فلاتستغرب يجي يوم تحصل نفسك ... أوت
هنيدس الروقي
26-Sep-2003, 02:23 AM
انا ما قلت شي غلط
والمسح ما نيب ماسح ...صراحه مهيب شغلتي
عطوه ((فكس آر)) وفكونا
ههههههههههههههههههههه
عين العقل
26-Sep-2003, 02:39 AM
:confused::confused::confused:
عين العقل
26-Sep-2003, 02:44 AM
والا أقلك هونت من الفكس أر ..... أبي قطعة أرض فالعليا العام ... (( واجهتين ))
هنيدس الروقي
26-Sep-2003, 02:48 AM
مهيب مشكله بس لا تنسى ان اخو ثابت ويعتبر بعد اساس من اساسات عتيبة
مطيان (البطنين) اللي منه المقطه والنفعه وطفيح ....اساس لان مطيان بن سعد هو اخو ثابت بن سعد ...
يعني فكسارين ....واحد لك وواحد لبو غازي ..ههههههههههه
تصبحون على خير
عين العقل
26-Sep-2003, 02:59 AM
صبحة بالخير ...... (( لاتنسى تحذف )) ههههههههههههه
(( لاتورطنا مع هايف وأبوغازي )) تراهم يدورون وراي أي زلة هههههههه
النفاعي
26-Sep-2003, 09:44 PM
هنيدس الروقي . بطيان بن سعد ام مطيان بن سعد .

عين العقل . مايحتاج وانا اخوك اتعبك بحبة خشم وتعتبني وبحبه خشم ثانيه . والفكسار نفس الحكايه ههههه.
كلنا عيال سعد وثابت وبطيان اخوان ....

تحياتي
هنيدس الروقي
26-Sep-2003, 10:01 PM
انا دايم اقول مطيان ....مدري ليه ؟؟؟ يمكن علشان الاعشى قال : مطين عن البطنين!!
وهو في الوثيقه وعند النسابه ...بطيان....
خلاص فزت بالكاس يا لنفاعي والميداليات الذهبيه
ههههههههههه
مبروك
بس ما فيه فكس ار
عين العقل
26-Sep-2003, 10:44 PM
طيب والأرض الواجهتين ؟؟؟ فالعليا ؟؟؟؟ والا هي بعد بحبحوه ؟؟؟...... صحيح أنكم بدو ؟؟؟ ألحين لو أزبن بقشان وأقله أني ساس (( البقاشنه )) .... و ش ينطيني ؟؟؟؟
هههههههههههههههه
عضو فضي
27-Sep-2003, 02:19 PM
عطا ابو عتب باند

ابوعتب ماهمه عطوه باند ولا لا


يمكن راح منتدي حمران النواظر (الاحرار) وارتاح

هههههههههه
عين العقل
27-Sep-2003, 02:30 PM
يمكن ...... ويمكن هزه الشوق ورجع لعيال عمه بأسم ثاني ؟؟؟
ههههههههههههههههههههههههه
هههههههههههههههههه
الوليد الاسعدي
28-Sep-2003, 01:36 PM
عين العقل اثرك راعي وثايق .:eek:. واشوف هنيدس يتلصق وانا اقول وش حببه بعين العقل اللي مرة مصري ومرة هندي ... انا من يوم قال هنيدس ان عين العقل معه وثايق .. سحبت ملفه كله وسهرت عليه ..|244| . بس والله انه جامع الغث والسمين واتعبنا .. لكن الحق ان علمه واحد مايتناقض وان كان يقطر بالقطارة .
ياهنيدس : والله اني استفدت كثير من المناضرات بينك وبين المخالفين وكانت عندي الغاز قامت تفكك .. وكنت الاول اخذ بالعموم وبالمشهور واللي ساكتين عنه الكبار والشيوخ . وكل هذا لأن بكل بساطه مايكتب في الانساب واحد مؤهل صاحب حجة .. تلقاه مجمع له كم قصيده ثم باديها بنسب عتيبه وبعض التعاريف واللي اغلب الكتب عالة على كتاب او كتابين .. هذا في العصر الحاضر . اما كتب التركمان والمماليك والموارنه فهي تسبب لي صداع مع انفصام في الاذن مع شوية احلام خياليه حيث اني ابدا من الحجاز شوي القى نفسي بسومطره ثم يطلع حاتم الطائي ولدي والقى حفيده مطلوب بدم لانه ذبح امي قبل انا انولد ثم يجي بدر الدين السعلواني ( هذا نسابه خطير ) ويهدي بيننا وياخذني على جنب ويقول ترا حاتم الطائي مايطلع امك .. انا عاد انصدم واصرخ وش تطلع يقول يطلع جدتك لان امك انذبحت قبل انت تنولد .

الا اخونا الشمري وين غدا .
عين العقل
28-Sep-2003, 02:26 PM
:confused:
ابو فراس
02-Oct-2003, 02:02 PM
ترا عين العقل هو اللي حط نظرية الملكيه الفكريه ..

علشان كذا مايصرح بشي ... وتشوفه تقول هذا وده يتعلم ويناقش ولكن لادققت لقيته يختبر معلوماتك وانت ماتدري
متعب العضياني
06-Oct-2003, 01:19 PM
الثبتان روقه
اما اكثر عدد فالعتبان
اصبر لين يخلص التعداد السكاني الي مسويته الحكومه الله يعزها
الروقي 511
27-Mar-2007, 01:20 AM
انا ثبيتي من روق وثبتان روق اكثر من ثبتان برقا بكثير
عسعس
27-Mar-2007, 03:37 AM
استفدنا من سوال عواد الشمري الكثير


وخصوصا مداخله المشرف هنيديس الروقي

وكذلك عين العقل

المفروض ان جميع الاعضاء وكذالك الزوار يعرفون هنيديس وعين العقل

لذلك المفترض
يكتب الاخ هنيديس اسمه رباعي والموهلات والمؤ لفات اذا وجدت

عيبن العقل يكتب اسمه رباعي المؤهلات المؤلفات 00000

وعتقد 00 هذا من باب الشهره ووفا لهم والمفرون يكونون معروفين للجميع


------------- والسلام عليكم ورحمه الله وبركاته ===========