الـــــــجـــــــذع يـــجـــي و يـــــروح

[علي فلاح العضياني]

انا اشوف الجذع في تالي ايامه يجي ويروح=واخاف انّه يروّح روحةٍ من غير معوادي
وانا اخيل الخيال اللي بروقه كل ليل تلوح=ولا سالت سيوله بس له بارق و رعّادي

[ناصر الجلاه]

..

الفالح

..

الله الله لاوصيلك فيه الجذع هذااااه يباله حكم قوي وانت اللي يقدره ههههه

صح لسانك وننتظره الاسطوره .

وانا في صفك علاااااك لبه لين ماعاد يروح ويجي هههه

تقبل مروري

..

[سلطان الجـذع]

ليا غاب الرفيق اللي توده قول له مسموح =انا ماامشي عبث في مملكه عاد بن شدادي
مزون الصيف مافيها لتباع الحياء مصلوح =رعود وبرق !! والا السيل ماعدوه الاجوادي

[عيد العازمي]

الفالح ---- والجذع


وليل التميز


صحت السنتكم ومتااااااااااااابع

[سلطان الجـذع]

..

ناصر الجلاه . . هين حسابك بعدين أوريك:)
<<يمزح ..خاف


شكرا على على المرور والحضور الجميل

كل الود والتقدير

[سلطان الجـذع]

العازمي ..ليل متميز بوجودك
لاعدمتك

[علي الثبيتي]

انا اشوف الجذع في تالي ايامه يجي ويروح=واخاف انّه يروّح روحةٍ من غير معـوادي

الله وكبر علاك اقول السالم منك يضلع هههههههههه
مبدع يابو فلاح وصح لسانك
----------------------------------------------------------------------
ليا غاب الرفيق اللي توده قول له مسموح=انا ماامشي عبث في مملكه عاد بن شدادي
منت بصاحي ياسلطان
مبدع وصح لسانك

[علي فلاح العضياني]

لو انّ السالفه سهله نقول انّ الخطا مدموح=عليك مسبّقاتٍ في شهر شعبان وجمادي
ترى بعض الاطبّا طبّهم زاد الجروح جروح=عسى الله يهدي اللي عن طريق الحقّ متحادي

[علي فلاح العضياني]

ناصر الجلاه ازهل يالغالي مالك غير من يرضيك



العازمي لاهنت يابو طلال




النشمي انت يبغالك تصفاة حساب فالعلوم اللي انت خابرها هههههه



اخوكم الفالح

[سلطان الجـذع]

ذيابه نجد في طرد اللوازم كل يوم سروح =ياذيب لو تطلع فالجبل مرقدك فالوادي
كثير جروح منها ياعلي خطره تروح الروح =لكنك ياطويل العمر روح وعلم الغادي

[علي فلاح العضياني]

من يسوّي سواتك ذمّ بافعاله ما هو ممدوح=و لكنّك تكابر من جهل وكياد وعنادي
ثنينه ما لقوا مركب على رحلة سفينة نوح= و راحو بالذلول اللي بليّا خرج و شدادي

[ابو لمار]

ليا غاب الرفيق اللي توده قول له مسموح =انا ماامشي عبث في مملكه عاد بن شدادي
مزون الصيف مافيها لتباع الحياء مصلوح =رعود وبرق !! والا السيل ماعدوه الاجوادي


الله الله الله
صح لسانك ياسلطان

مبدع كالعاده ولاهان الفالح


واااااااصلوااااااااا متااااااابع

[معجب العتيبي]

ابداع كان يستحق المتابعه
لكن الأشغال عطلتنا عنكم


ابيات ونقض وفتل في غاية الروعه

سجلوني من المعجبين

[ناصر الجلاه]

..

الفااالح



..

الله الله


ثنينه ما لقوا مركب على رحلة سفينة نوح
و راحو بالذلول اللي بليّا خرج و شـدادي



هههههههه اكيد سلطان واحد منهم ايييييه علااااك ابه على شان لبغى يروح يستأااااذن

واصلوووووا

متابعيييييين

..

[سلطان الجـذع]

انا ماني بطرقي في بيوت بابها مفتوح =حشاي عن الذنوب أو أني ..اترك منهج اجدادي
حسافه يوم اخذناهم ليوم الذابح المذبوح =قليل الفود مابه زود ..طول الوقت مافادي

[سلطان الجـذع]

سارح البال

كل الود والتقدير لشخصك الكريم

[سلطان الجـذع]

ناصر الجلاه ...تراك يارجال غلطان ههههههه


لاهنت على المتابعه ..


شرفت يالغالي

[سلطان الجـذع]

الله الله الله
صح لسانك ياسلطان

مبدع كالعاده ولاهان الفالح


واااااااصلوااااااااا متااااااابع

صح بدنك ياابولمار

وابرك الساعات اللي نشوف لك تواجد فيها