الشاعر الكبير : مرشد سعد البذال

[شبيب شافي الملعبي]

الشاعر الكبير مرشد البذال ... رحمة اللة
صاحب الرصيد الاكبر في كوكبة شيخات القصيد النبطي
وذلك بما كان يحمل قصيدة من الحكمة والحنكة الشعرية التي لاتوجد
الا عند الكبار أمثالة .

حصل الشاعر مرشد البذال على الكثير من الالقاب السامية وهي كالاتي :
(شاعر الجيلين-شاعر الشعراء-شيخ الشعار-راحلة الشعر).....الخ
ومن الذين لفبوه بهذة الالقاب :
1- الملك فيصل بن عبدالعزيز رحمة اللة (ملك المملكة العربية السعودية)
2- الامير عبداللة السالم الصباح رحمة اللة (أمير دولة الكويت)
3- الشاعر الكبير والامير محمد الاحمد السديري رحمة اللة
4- الشاعر الكبير عبداللة بن عون العتيبي أطال اللة بعمرة

حاصر الكثير من الامراء والشعراء بالقصيد ومنهم من تم ذكرة في السابق
ومنهم (عبدالرحمن العطاوي-سليمان بن شريم-سالم بن تويم-صقر النصافي-والامير صباح السالم-والامير جابر الاحمد الصباح-سعود الصباح-محمد خلف الخس-عبداللة بن سبيل-مسلم البحيري-عبداللة اللويحاني) والكثير

أشتهر البذال بالرديات الصعبة والملحمات الشعرية الكبيرة
ولة أصدارات مقروءة في الاسواق الخليجية أكثر من أربعة دواوين شعرية
وكذلك أصدارات ودواوين صوتية بصوتة في الاسواق ؟
يقول الشاعر عبداللة بن عون بأن مرشد شيخ الشعار ومن لم يستفيد منة ويعاصرة فقد فاتتة الحكمة هذا الزمن .
كتبوا عنة الكبار والكثير من الشعراء قصائد مرثية بعد وفاتة في عام 1989 م .
من قصائدة التي جمعت الحكمة وتعتبر من درر القصيد :


قال الذي زين المعاني قطفها = أمثال مبداهن عن الشك مفرود
أمثال عنهن قاصر العرف يفها = من حيث درب العرف طلعات و صعود
لو كل من قال المثايل عسفها = ما صار نقص ٍ بالمعاني و لا زود
و البندق العوجا تجنّب هدفها = لي صار منظرها عن القطر مصدود
و غاية جميع الخلق محد ٍ عرفها = رضا جميع الخلق ما هو بموجود
لا شك تدّيكل نفس نصفها = ترى كلام العدل يظهر له شهود
من رابع العاقل لنفسه صرفها = عن تيهة يشقى بها ما بها فود
اسمح عن اللي تيهته ما عرفها = يمكن يرد اليا لقى الدرب مسدود
لومى على اللي تيهته قبل شفها =و من العيا كنه عن الرشد مطرود
نفسه على شين المماشي حذفها = أصبح ذميم لوهو من نسل محمود
لا يفتخر بأفعال ناس وصفها =له الفخر كانه وقف ماقف العود
ما كل أجاويد تبعها خلفها = لابد ما يخلف حمد سيرة حمود
كم واحد يمة جدوده نسفها = على الشمال ورد مع دربه ورود
ضرب دروب ما نشد عت كلفها = و كدّر سماه و صار بالجهل مزيود
نفسه خطا غيره لعب في شرفها = أصبح بخيت لابس ثوب مقرود
كم واحد ربعه يعدّل عجفها =من نشوته صاروا مشاكيل و فهود
عنهم مهمات الأفاعي كتفها = محد يجيهم بطش و الحق مريود
لومى على راع مماش حرفها = عن درب أبوه و درب جدّه هل الجود
أقول له دنيا بلا مدح عفها = ترى تلايا الجسم للقاع و الدود
أنتم بثر ناس تقدم سلفها = مرحانها تسفي خلايا من الرود
هذي مبانيها و هذي غرفها = بقى العمار و باني القصر مفقود
و غيره بيوت للفداوى رففها = مثل الجبال السمر و الوانها السود
محلى حلاها عقب سيرة صلفها = في خايع نبته لها ارقاب عاصود
كم فيضة ٍ زين المباني كنفها = بيوتها للخيل عن مرتع الذود
قبٍّ مطاليب المقفّي نحفها = ياما نضح منها العرق نضحة الجود
لي من كسّاب الزعيمة خطفها = صاح الصياح و جاوبه حسّ بارود
كلٍّ ركبها ما نشد عن كلفها = كنك على الداعي مع الحزم جعلود
كم أبلجٍ عنه الجبانة كشفها = خلى بجيش القوم حاوي و مردود
و كم أبلج نفسه حياها قصفها = أصبح فواد أمه من الحزن ملهود
هذي سلوم اللي تقافت صففها = يوم الهوا عدل لركّابه القود
و اليوم ترحم حالها من ضعفها = ما كنهم شيفوا بمرباع و عدود
مضما البكار اللي تنفض شعفها = لو تاصله عيّنت به ربق و هنود
قل لي علام الوقت هذا صدفها = و اقول لك هذا اخر الوقت مشهود
محد ٍ تصاريف الزمان اكتشفها = تغيرت سلم على الخلق مقدود
دنياك بالقفلات يضرب صلفها = لمحة بصر ما لها سنا برق و رعود
غدّارة لو أضحكتك بطرفها =تراك عقب الضحك ،، ببكاك ماعود
إن أقبلت قامت تمشط زلفها = هنوف عرس ِ طيبها المسك و العود
و إن أدبرت شفت الكدر من حرفها = تمسي تسيد ، و تصبح الصبح مسيود


ردية الشاعرين الكبار عبداللة بن عون ورد الشاعر الكبير مرشد البذال
وقصيدة مرشد البذال لاتحضرني بالكامل :

يقول أبن عون

هات القلم يامال زينات الأوفاق=ياصاح ونسني ترى خاطري ضيق
خل القلم من بين اصابعك دفاق=يرعف على صفحات بيض لواهيق
يرسم عليهن ماتحلا للأذواق=طرائف تشرح صدور مغاليق
تصرف هجس ماتسلف ولا باق=لو القواف قد رموها التفافيق
حطوا لهم قبلي على الطرق طوراق=والسبك غير السبك صوره وتطبيق
لا سالب معنى ولاني بسراق=لاخير في قول يجي فيه تبريق
اقبل طلوع الفجر وانباج الأشراق=وانا اتقلب ماتريح ولا ليق
بلشان مع قلب مغربل ومشتاق=ادخل على الله من ترد التوافيق
قلب هواجيسه وهمه له ارفاق=لحقا عليه مغربلات العشاشيق
مالي علي الفايت اليا فات ملحاق=فات الفوات وقربت يبست الريق
عليك ياللي حط بالقلب دقاق=اونس رجيفه مرقل بالمعاليق
سمح المحيا شيخ زينات الاخلاق=اللي عليه اعلام قلبي مدانيق
مجمول اجمل ماتحمل ومالاق=ورد تغريف ماعبث به ولاذيق
لليض من دونه فلاني بعشاق=من غير ذم في رقاب الغرانيق
خلا غلاه بداخل الجوف لصاق=امخرق رمانة القلب تخريق
ليا اعترض طاريه للذهن مراق=تجاوباً جناح قلبي بتصفيق
خلاني اخلج مثل ماتخلج الناق=اللي ولدها ضيعوه الملاحيق
عليه اجاوب لايع الورق بلعاق=واهرف هريف الذيب نصبه وتطريق
اويق في متن الحجا ضيق وشياق=اخذ برأس الرجم غفله وترويق
رجم براسه لاشهب اللون مشراق=للريح في شامخ اركونه تصافيق
كنه يوسع خاطري عقب الاغلاق=يوم اعتلى في متن بعض الشواهيق
من عبرتن في داخل الحلق بخناق=ما غير اذودها على قدر ماطيق
اكتم اشهاق ويظهر الصوت بشهاق=مالي نديم الا زفير التشاهيق
زفير عبراتن مطرهن لياراق=غرق هميله مقدم الجيب تغريق
تاخذ من الضيقه على قدر الانفاق=من ماب صندوق النحر عقب مافيق
واصيح للبذال في متن شوهاق=حيثه من اشخاص الرجال الموافيق
كوده يشاكيني على ج ور الاضياق=اللي هجوسه في بحرها غواريق
يامرشد اشكي لك غرابيل الاشواق=اللي لحقني من وراها ملاحيق
مشرقني الهاجوس يامرشد اشراق=كني عليه موكلا بالتحاقيق
يابو سعد حيثك مجرب وفراق=وتحط بين الكذاب والصدق تفريق
انا نخيتك من عميقات الأعماق=ماهو مجرد مزح والا لماصيق
اشكي عليك من الهواء ولف وافراق=وهم وباس مطوق القلب تطويق
لحيتبك لحة طريح بمطراق=خلوه ربعه طايحاً عقب ماعيق
عقب الشجاعة والفخر طاح ونعاق=صارة حياته من عدوه تشافيق
يابو سعد من غير تلزيم ورهاق=انا شفاوي في نصيحتك ومشيق
ماشوف للشكوى نفوذاً وممراق=الا على عنوان شكوى المطاليق
ولاني بحط لمخرث العود معلاق=الا عموداً يحتمي للمعاليق
وجهت لك شكواي في بيض الأوراق=شكوا بعنوانك توجه بتشريق
اسوقها يمك جريه وتنساق=عليك يامدل جميل الطواريق
وسلم ودم مالاح في المزن براق=ما ناح ورق فوق لوح مواريق
تحيه فيها شذا المسك زعاق=وازكى سلام بين الأصحاب قد سيق

* فما كان من الشاعر الكبير مرشد البذالي الا الجواب على قصيدة ابن عون برائعة جميلة وأبدع في كل تصوير وترابط وتركيب وهذا ليس غريباً على مثل هؤلاء الذين هم عمالقة الشعر فعلا وكان رده شافياً نأخذ منه قوله:

يالله ياللي للمخاليق رزاق=يامنبت بالقاع خضر الزماليق
تعين من قلبه جزوع ومحراق=وجنه عظيمات الشكاوي تلاحيق
جاني علي زين التماثيل مدناق=من هاجس له بالضماير تخافيق
توارد قلبي هواجيس اضياق=وخلا غرامي له بالأفكار تحليق
خله يسير امداد في زين الارناق=مثايلاً ماحضروها المطافيق
عبدالله النايف لزمني بمسباق=لزمت اسبوقه اللي كفخ بالمسابيق
امبارك منه السلامه والاعتاق=كثر علي مع المسير الصواعيق
عرضني الشوحه وقال الضعن ساق=وخلا خفوفي من حفاهن مراهيق
وانا معه لو علي قطع الاشناق=قول صحيح ماجمعناه تلفيق
وانا مولع في طويلات الاعناق=اللي غلاهن شلق الجوف تشليق
اللي بهن طوق الذهب شبك بحلاق=ونظم القماش اللي جنوه الفواليق
يزمي على كبدي من المر شبراق=من واحد شوفك لزوله تراميق
شف لياذير وحقق تحقاق=عاف الشعيب اللي بقشعه مداريق
خلاك تمشي جسم من غير معلاق=شال الجهاز وهيكل الجسم تعويق
وحالتك منها بش جسمي بالاعراق=وقامت تصلفقني هموم تصافيق
وخليت قلبي بين الاضلاع خفاق=بين لي الموضوع من غير توهيق
وشف ماتبي مني وبعني بالأسواق=وامضي على بيعي وتاطق تناطيق
لو كان مالي في مساعد ملياق=بيني وبينك مثل ابنات وطويق
لاشك انا بنصحك مانيب دراق=نصيحة فيها عن الياس تعتيق
ان شفت في حبل الرجاء جل ودقاق=ترى المسك بالروث مافيه توفيق
بالك تخفي عن لزومك بالارواق=الفه مثل الماء ليا نثر ماحيق
شف لك رجال لك صحيحين واصداق=ربعن ليا من الضعن للضعن شيق
كل اردحن وان قام لجاه زهاق=حبورهم فك العقول المغاليق
واخذ الحبيب ولح اعاديك بطراق=وخله يدور في المراح الخماليق

[شبيب شافي الملعبي]

وشف ماتبي مني وبعني بالأسـواق=وامضي على بيعي وتاطق تناطيـق
لو كان مالـي فـي مساعـد مليـاق=بيني وبينك مثـل ابانـات وطويـق
لاشك انـا بنصحـك مانيـب دراق=نصيحة فيهـا عـن اليـاس تعتيـق
ان شفت في حبل الرجاء جل ودقـاق=ترى المسك بالروث مافيـه توفيـق
بالك تخفي عن لزومـك بـالارواق=الفوت مثل المـاء ليـا نثـر ماحيـق
شف لك رجال لك صحيحين واصداق=ربعن ليا من الضعن للضعـن شيـق
كل

فعلا عرف بن عون لمن يشتكي قصيدتة , فالابيات السابقة حكمة القصيدة بالكامل

[شبيب شافي الملعبي]

جمع شاعرها بين الحكمة والنصيحة
اليكم القصيدة الاولى في الحمكة والاخرى في نصيبة الابناء
للشاعر الاسطورة مرشد البذال الرشيدي


قال الذي يلعب بيـوتٍ فصيحـه = من ضيقته يلعب حسينات الامثـال
يالقلب انا ابهدي عليك النصيحـه = هرج القفا بالك تحطه على البـال
ما اشوف به كود العنا والقميحـه = من بين غادين الجدا قال ما قـال
ناسٍ يحسبـون النميمـه مديحـه =وهي توصف من خبثات الاعمـال
زلة صديقك لاتجي لـك نحيحـه = لو كان عايل قل حشا اليوم ما عال
عزه عن الهكمه وزيـن سميحـه = خله على وجه البعيديـن رجـال
ماكل نفسٍ مـن عناهـا مريحـه = لابد ما يبدي لكم بعض الاحـوال
ليا بدت بعض العلوم الصحيحـه = كل ذكر مجناه من حيـث يحتـال
احدٍ تنجـا حقتـه مـن نطيحـه = واحدٍ يورى للشريعه ومـا قـال
رجلٍ بلا ربـع سـوات الذبيحـه = تطاه شمطان اللحى وطيت نعـال
الشر تحدثـه الوجيـه الوكيحـه = سبة هبيـلٍ تبتلـش فيـه عقـال



يالله يــارب الـضـعـوف المسـاكـيـن = اللـي لـك المخلـوق يحسـن صـلاتـه
تستـر علـى غـوشٍ صـغـارٍ مكفـيـن = كبـرهـم الـعـارف دلـيـلـه عـصـاتـه
لا يـــا عـيـالـي كلـبـوكـم حبـيـبـيـن = عـنـدي وعـنـد الـنـاس كــلٍ وذاتـــه
عندي غلاكـم يدفـن الزيـن والشيـن = وعنـد العـرب كـلٍ تـشـاف اخمـلاتـه
يا عبيد أنا خابرك ورعـن لهالحيـن = داوي بـغـبـات الـجـهــل وظـلـمـاتـه
لاشـك علمـي لــك محـبـه وتفطـيـن = تـسـمـع الـوالــد وثــبــت وصــاتــه
وصــاة مخـلـوقٍ يـعـرف القـوانـيـن = مـافـات عـمـره بالجـهـل والهـيـاتـه
يـا عبيـد اناأوصـيـك مـنـي بثنتـيـن = ثنتيـن هـن ســؤ البـشـر وحسنـاتـه
أوصيـك لاتبـحـث ســدود المغيبـيـن = ولاتجـهـر الـلــي غـــارقٍ بغـفـلاتـه
ترى النميمه تمحـق الـرزق والديـن = والمـنـزل العـالـي تـهــدم اطبـقـاتـه
لاتحسـبـن أهــل الظليـمـه بخيـتـيـن = كــلٍ يـوافـق مــا عـمـل فــي وفـاتـه
وانذرك من حق الضعيف المسيكين = الـلـي عـلـى حـقـه يـهــل اعـبـراتـه
ترى الضعيف الليا غدى الليل ليلين = يـدعـي وعـنـد الله تـوافـق ادعـاتــه
الظلـم فـان الظلـم يفنـى السلاطـيـن = ياويـل راعـي الظـلـم مــن مقبـلاتـه
وانذرك عن ربعة رخو من هياسيـن = الـلــي سـوالـفـهـم بــــوده وهــاتــه
ويا عبيد الأقشر لوصفا لك نهاريـن = نـهـار ثـالـث جــاك يـرفـع عصـاتـه
والله عنـدي ربعـة النـاس الأقصيـن = ولا صـديــقٍ يبـلـشـك فـــي حـيـاتـه
ترى الرجـال ابهـم فهـود وحياويـن = جــاك الـكـلام الـلـي صحـيـحٍ ثبـاتـه
ان كان ما تدري ترى الناس درايـن = الـرجـل مـدحـه بالمجـالـس طـراتـه
رجلـن تعلـق بـه رجـالـن مسلمـيـن = عـــز الـرفـيـق ولابـتــه والحـمـاتـه
ورجلن تشوفه جسم وعيون ويدين = ولولا الشعـر مـا تفرقـه مـن خواتـه
كـم واحـد بالبيـت يضـرب بسيفـيـن = وأن جـاء حـزم كـلاب قبـع عبـادتـه
والحلم عند الغيض ينجي الشياطين = يكفيـك شـر إبليـس هــو و دحـراتـه