ابشر بالذهيب يابن هداب

[زيزوم مدركه]

ياللي دور عن ذهيب ذهيبكم عانه وصل=عجل علية عطني الاخبار والمخرج ملي



انكان وصوك الجماعه ياعساك انت البطل= اللي يثاري لجل رد الثار والمخرج ملي

[عيد العازمي]

زيزوم مدركه صح لسانك


وبانتظار بن هداب

[زيزوم مدركه]

صح بدنك ولا هنت بتشريفك

[بن هداب]

ياللي تحوفون الهروج أم الدعاوي والدجل=منكم وأدورها بعد ما صار والمخرج ملي
لقيتها تسرح عصر وأوسمتها وسم الفحل=وهذا طبيعي لا شعمت النار والمخرج ملي

[زيزوم مدركه]

ارتجت السبع الاراضي مير رساها الجبل=ماقدمك الاغار ولا نار والخرج ملي

انته عينت اللي ضحى الاثنين عدوها الهمل=وعدوبها الخفجي ورى المحدار والمخرج ملي

[بن هداب]

أمير عضيانك مسوي فالمزاين ما حصل=وأللي معه ساير على ما سار والمخرج ملي
ما هي غريبه وصف ربعك بالهمل يابو جهل=وأنا أحمد الله ربعي الأحرار والمخرج ملي

[زيزوم مدركه]

اميري اللي ماتناسيه ولو كثر الجدل= مبطي وهو مركيلك المخطار والمخرج ملي



اليا عطيتك سلم انا باغيك تنقد بالمثل=لاتلعب القلطه على المزمار والمخرج ملي

[محب الهيلا]

مشكور وماقصرتوعلى القصيد

[زيزوم مدركه]

شرفتنا الله يشرف مقدارك

[بن هداب]

الله يذكر بن شري ورد شيوخك للهبل=و رفعت صوتك يوم حكم الدار والمخرج ملي
يا طيب بندقنا تصيد القوم من صيد الحجل=فزع ربوعك والعلوم كثار والمخرج ملي

[زيزوم مدركه]

لاتمتدح بفعول غارك كان في راسك عقل=اذكر فعول اصحابك الاخيار والمخرج ملي

الشعر ياهداب نقض وفتل بيتاً لانفتل=وانته معي ماتحمل المسفاروالمخرج ملي

[زيزوم مدركه]

ابن هداب

بيض الله وجهك

تشرفت باللعب معك


سامحني وانت الله يبيحك

وتصبح على خير

[صنداح الزلامي]

زيزوم مدركة


بن هداب



قواكم الله محاورة قويه قويه جدأ جدأ

استمتعت بها وبما يتخللها من بعض المعاني


أشكركم دمتم بخير