الفالح بعد العيد شد حيلك سرى ليلك

[نايف بن ملحق الثعلي]

مرحبا لو الخوي معاد ياثق في خويه=وانت يالفالح تقلب فالزمان القلباني

من بعدهاذي ترى الذمه من الذمه بريه=اخر الايام يارجال كنك ماتباني

[نايف الحيد]

الييييييييل وينك يالفالح



نايف الروقي صح لسانك



لوني ادري ان الفالح ماهو جاي كان ارد عليك على الاقل تعلم من موهبتك ياشاعرنا


تحياتي

[علي فلاح العضياني]

البقا بالصاحب اللي كل نيّاته رديّه =يالعتيبي ما يكنّ القلب يبديه اللساني
انت مالك شغله الاّ رايحٍ يمّ الحويّه= رايحٍ يمّ الحويه جاي من يمّ المحاني

[علي فلاح العضياني]

نايف الحيد لاهنت طال عمرك

[نايف بن ملحق الثعلي]

من قديم الوقت مالك لاشداد ولامطيه=واخر الدنيا طمعت الجدي وسهيل اليماني

القضيه طولت وازريت في حل القضيه=مامعك فالامر حيله خلها والعمر فاني

[علي فلاح العضياني]

انت جاني منك يا نايف ولد ملحق خطيّه=ليش تهرج في قفايه وانت واحد من خواني
احمد الله ما غدالي لا كثير ولا بليّه=كاسبين الطيب والنوماس من ماض الزماني

[عيد العازمي]

نايف الروقي صح لسانك



ابو فلاح صح لسانك

[نايف بن ملحق الثعلي]

الخطاء ماهو بمني ماتمشيها عليه=من حياتي ماتكلم بالردى فالمودماني

المعاني في نحيه وانت ساري في نحيه=وانت شاعر مار اظنك تاتغر من المعاني

[معجب العتيبي]

ايه ايه هذا الشغل واللف والدوران اكيد وراه علوم

انا بصفك يانايف

ولا يهون الفالح

[نايف بن ملحق الثعلي]

العازمي مرورك يسعدنا يالغالي

[نايف بن ملحق الثعلي]

سارح البال مرحبا

وازهل الفالح

[نايف بن ملحق الثعلي]

نايف الحيد حياك الله

الابداع وجودك

[علي فلاح العضياني]

الشهود اثنين والضيقه على نايف قويّه=لو كذبنا فلان يقول روح انشد فلاني
انت شاعر نظم وتجرّ اللحون السامريه=والمعاني خلّها عند العصيمي والسناني

[نايف بن ملحق الثعلي]

الشهود اللي معك تبطل شهادتهم شويه=وعرف ان العلم واحد لاتدور علم ثاني

المعاني حاميه ياصاحبي والنار حيه=وانت من بعض السوالف خابرينك ماتداني

[علي فلاح العضياني]

كيف تبطل وانت ما جبت العلوم الواقعيّه=اقرب الناس الك يشهد لي ويضمنها ضماني
المواقف لو توردنا على حوض المنيّه=ما نجنّب دام حنّا من طويلين اليماني

[نايف بن ملحق الثعلي]

حجتك ماهي بحجه وانت ضيعت الحميه=مار يارجال لاتبلش عريبين المجاني

الله انه لايبارك فالجمال الساحليه=ماتشيل احمولها لوسقتها بالخيزراني

[سلطـان الدلبــــــحي]

آلله آللهّ


آرحمم يآبو ملحقّ: على هوّنكّ : آلفآلح غآلي علينــآّ


هههههه ...



كفوّ يآبو ملحقّ وآلصــف صفــكّ : يآدكتورّ :


..

[نايف بن ملحق الثعلي]

حياك يالغالي

مرورك يسعدنا

[علي فلاح العضياني]

الحقيقه ما انت يا نايف على قدّ الحضيّه=من يمدّ العشر لا تجزاه يا نايف ثماني

انت ما عندك على شيل الثقيله مقدريّه=كلّ ما ثقلت حمولك قلت انا هذا مكاني

[نايف بن ملحق الثعلي]

انت راعي مار تالي الوقت ضيعت الرعيه=والكلام اللي تقوله في خويك ماخفاني

حظنا طيب وعالي وانت حظك في طميه=لوحداك الوقت يارجال مثلك ماحداني

[معجب العتيبي]

بصراحه من اجمل الحوارات والملاحم اللي مرت علي

اسلوب راقي وصريح
ومعاني تتعب قلب من يفهمها


ابدعتوا واطربتوا فلا هنتوا