سلطان الجذع كل عام وانت بخير

[نايف بن ملحق الثعلي]

مرحبا يالجذع ترحيب يجلي الهموم=والمواجيب ما ننسى رياجيلها
ياعسى ام الكباير حظها ما يقوم=وانت لاعاد ياسلطان توميلها

[عبدالرحمن الهيلوم]

http://www.otaibah.net/m/image.php?u=29866&dateline=1198867234



صح السانك يالذيب يانسل الذيابه فديتهم (( متابعين ))

[نايف بن ملحق الثعلي]

الهيلوم حياك الله ومرورك يسعدنا ويشرفنا

[عيد العازمي]

صح لسانك


ومتابع

[سلطان الجـذع]

البقا يالعله يابن ثعلي يدوم =والعرب لللوازم مسرجه خيلها
انته تصوم حوليه وتفطر بثوم =يااهل المزرعه عدوا محاصيلها

[نايف بن ملحق الثعلي]

منت صاير دفاع ولانت صاير هجوم=دلة الكيف مشروبه فناجيلها
كيف تنسى الحقوق وكيف تنسى اللزوم=واثر بعض السوالف منت صاحيلها

[سلطان الجـذع]

انت ساري ليا قرب منامه ينوم =والمخيله على راسك هماليها
لن تركنا النواقص مانلحق بلوم =ليه يمناك دايم ناقص كيلها

[نايف بن ملحق الثعلي]

نعرف الحر حر ونعرف البوم بوم=مار ناسن تغر العلم عزيلها
انت اضنك من علوم الرجال محروم=والعلوم الثمينه منت راعيلها

[سلطان الجـذع]

اثر نايف على راسه وخده وسوم =كل ماثقلت الحمله يزوزي لها
عام الاول تعنزها طوال الرجوم =واخر الوقت نفسك بارد حيلها

[نايف بن ملحق الثعلي]

يالجذع ماعلينا من كلام الرخوم=وانت بعض الهروج العوج فاضيلها
قسمنا تعرفونه من خيار القسوم=كل كلمه تعرف الناس تحليلها

[سلطان الجـذع]

انت رجال تجهل في كثير العلوم =والجهاهيل انا بالطبع ماويلها
الكرامه جمل بكره تراك معزوم =بين صفينها ثم اسهروا ليلها

[سلطان الجـذع]

نايف صح لسانك يااستاذي

والختام من عندك

[محمد العضياني]

ابداع من الطرفين

نايف الروقي وسلطان الجذع

صحت السنتكم والله لا يهينكم

[نايف بن ملحق الثعلي]

ما جهلنا العوايد كلها والسلوم=كان راضي لها ماني براضيلها
العزيمه نباها بعد فرك الخشوم=كان في يداك حيله حطها شيلها

[نايف بن ملحق الثعلي]

صح بدنك يالبواردي

[نايف بن ملحق الثعلي]

سلطان الجذع صح السانك

[راس النايف]

نايف الروقي & سلطان الجذع

صحت السنتكم

طاروق كايف