هل الوزن الثقيل !!

[سلمان الروقي]

الليله الليله نبيها مع هل الوزن الثقيل=والثقل فالفكره ومعناها من اللي يرسمه

وليا لقينا نايف الروقي..مانبغا له بديل=راع الحصان اللي عنانه في يدينه محكمه

[نايف بن ملحق الثعلي]

الليل توه ماسرى ياصاحبي ليلك طويل=هات العلوم اللي معك والعلم حنا نفهمه
انا عميل الطيبين اهل الوفا واطيب عميل=مار انت مدري عنك تبني البيت ولا تهدمه

[معجب العتيبي]

سلمان الروقي بدايه رااااااائعه
ورد وافي من نايف الروقي


ابداع روقي واضح وانا بمسك الصفين.......

الليل الليل

[عيد العازمي]

سلمان الروقي بدايه رااااااائعه
ورد وافي من نايف الروقي



متاااااااااااااابع لكم وبالتوفيق

[نايف بن ملحق الثعلي]

سارح البال والعازمي حياكم

الابداع وجودكم

[زيزوم مدركه]

بيض الله جيهكم

ياسلمان وانت يانايف

[ظلع ظلم]

صحت السنتكم يانايف وياسلمان
الشهاااده لله انتم مبدعين

[ذيب وايل]

ياسلام ..



واصلوا .. وحنا من المتابعين لكم

[سلمان الروقي]

وحده ورى وحده ترى ثنتين ..والله الوكيل=والثالثه فالغيب مانعلم بها ذي مبهمه

الناس تنظر فالبروق وسيلها عيا يسيل=ترى خيال الصيف متساوي وجوده وعدمه

[سلمان الروقي]

سارح البال..العازمي..زيزوم مدركه .ظلع ظلم ..ذيب وايل

مروركم هو الابداع بحد ذاته ..شاكر لكم المرور الطيب

تحياتي

[نايف بن ملحق الثعلي]

ترى الدليله في المساري مايدورله دليل=مار البلا اللي مع هل الطالات ما سج اقدمه
مالك ومال البارق اللي لا خيال ولاحصيل=لا تظلم اللي واقفن في واجبه لاتظلمه

[علي فلاح العضياني]

الله الله

صح لسانك ياسلمان الروقي وصح لسان نايف الروقي


والصف صفك يا سلمان واللللليل

[سلمان الروقي]

حنا ترى ياصاحبي فالمعركه فرسان خيل=واليا وقفنا فاللوازم ماتضيع اللازمه

وان راحت الدعوى على ماقيل هات وحط شيل=اللي معه حجه يقدم حجته فالمحكمه

[سلمان الروقي]

الفالح لاهنت ياخوي على المرور الاكثر من الرائع

دامك في الصف أبشر بسعدك

[نايف بن ملحق الثعلي]

ما ذمكم يا ربعنا ياللي تشيلون الثقيل=لكن بعض الناس لاينشب لسانه في فمه
ياهل السلوم الغاليه ياللي تعزون الدخيل=راع العلم لو طالت الايام ما طاح اعلمه

[سلمان الروقي]

اثرك يابوزيد تقدرفالقصير والطويل=لو تلزم الرجال قلت اكل عظامه ولحمه


ترى الحراميه ماخلت لاكثير ولا قليل=والبيرق اللي معك في يمناك خلك لازمه

[نايف بن ملحق الثعلي]

اصبر على جور الدهر واشتال حملك يا شعيل=واللي عطاه الله يارجال محدن يحرمه
ترى الهروج العوج يارجال ما تشفي الغليل=والفارس الرعديد يارجال ينسى محزمه

[سلمان الروقي]

ياويل حالك من غرابيل الزمان اللي يهيل=اشوف أبو عرام يادوب يتحرك برطمه

ياصحبي ترا سوالفنا ماغير امزوح لليل=مار انت دمك ياصحيبي صاير(ن)دم حلمه

[نايف بن ملحق الثعلي]

انا احسبنك لو يطول الوقت لايمكن تميل=والعلم واحد مار بعض الناس عيا يفهمه
احسب حسابك مانبا منك الكلام المستحيل=ياصاحبي حنا ترانا مانعرف النمنمه

[سلمان الروقي]

نايف الروقي صح لسانك يامبدع

وتصبح على الف خير