بدر ناصر المورقي
28-Dec-2007, 04:33 PM
ويل الزمن يابنت العفون ويله = ان كان علا شان نفاخة الكير
يابنت ماني من جموعٍ ذليله = صغيرنا للرفعه اسرع من الطير
وكبيرنا فوق النوايف مقيله= وشبابنا بالحرب ضرب الاعاصير
عتبان لا جا الضد يغلي غليله= نزوم زوماتٍ على الضد تدمير
نبع الشهامه تاج راس الفضيله= واهل الظفر في يوم صفق الشواطير
واهل القنا واهل السيوف الوبيله= واهل الرمك ستر العذارى الغنادير
واهل الوفا واهل الجذور النبيله= واهل الهمم نسل القروم المناعير
قوم بنينا امجاد فوق الطويله =قوم نرد الضيم منضام وصغير
جمال لحتجنا نشيل الثقيله= وفهود لحتاج الامر فر ومغير
وجبال لحتجنا ثبات وصميله =حكمه ليا احتاج الامر حسن تدبير
وبروق لاحتجنا مقابيس عيله= ورعود لاحتجنا مراسيل تحذير
مانجفل ان جتنا السيوف السليله =حتى ايش لو صكت علينا الطوابير
نبطش بهم بطش السنين المهيله= بطش الشغاميم الحرار المغاوير
هجاد فوق المسرجات الاصيله =وليا كسرنا لا تدور مجابير
كم شيخ قومٍ عايلٍ فوق خيله= وقايد له قرومٍ ولاعينوا خير
وليا نجا يرجع وفاضي شليله = لاقروم لا خيلٍ ولا سيف وبعير
عدونا يابنت منهد حيله= هدنه الحدب الحداد البواتير
ولا سادت ايام وليالي بخيله= نفيض جود ومانسوق المعاذير
نعطي السمان ومانمد الهزيله= نجزل عطانا مانحسب المخاسير
مثل كرم واحسان وبل المخيله= يقلب صحاري جرد عشب و نواوير
ودوا نفوسٍ من دهرها عليله= وحمّاية اللي مالقاله من مجير
يسعدبنا والهم عنه نزيله= ونبرد على قلبٍ شكى نار تعزير
ومهما كتبت ابيات تبقى قليله= ومهما ذكرت بيلحق القول تقصير
لكن عزاي بذكر علمٍ حصيله= حنا الزحازيح الحرار المناعير
بدر ناصر بداح المورقي العتيبي
يابنت ماني من جموعٍ ذليله = صغيرنا للرفعه اسرع من الطير
وكبيرنا فوق النوايف مقيله= وشبابنا بالحرب ضرب الاعاصير
عتبان لا جا الضد يغلي غليله= نزوم زوماتٍ على الضد تدمير
نبع الشهامه تاج راس الفضيله= واهل الظفر في يوم صفق الشواطير
واهل القنا واهل السيوف الوبيله= واهل الرمك ستر العذارى الغنادير
واهل الوفا واهل الجذور النبيله= واهل الهمم نسل القروم المناعير
قوم بنينا امجاد فوق الطويله =قوم نرد الضيم منضام وصغير
جمال لحتجنا نشيل الثقيله= وفهود لحتاج الامر فر ومغير
وجبال لحتجنا ثبات وصميله =حكمه ليا احتاج الامر حسن تدبير
وبروق لاحتجنا مقابيس عيله= ورعود لاحتجنا مراسيل تحذير
مانجفل ان جتنا السيوف السليله =حتى ايش لو صكت علينا الطوابير
نبطش بهم بطش السنين المهيله= بطش الشغاميم الحرار المغاوير
هجاد فوق المسرجات الاصيله =وليا كسرنا لا تدور مجابير
كم شيخ قومٍ عايلٍ فوق خيله= وقايد له قرومٍ ولاعينوا خير
وليا نجا يرجع وفاضي شليله = لاقروم لا خيلٍ ولا سيف وبعير
عدونا يابنت منهد حيله= هدنه الحدب الحداد البواتير
ولا سادت ايام وليالي بخيله= نفيض جود ومانسوق المعاذير
نعطي السمان ومانمد الهزيله= نجزل عطانا مانحسب المخاسير
مثل كرم واحسان وبل المخيله= يقلب صحاري جرد عشب و نواوير
ودوا نفوسٍ من دهرها عليله= وحمّاية اللي مالقاله من مجير
يسعدبنا والهم عنه نزيله= ونبرد على قلبٍ شكى نار تعزير
ومهما كتبت ابيات تبقى قليله= ومهما ذكرت بيلحق القول تقصير
لكن عزاي بذكر علمٍ حصيله= حنا الزحازيح الحرار المناعير
بدر ناصر بداح المورقي العتيبي