العتيبي الطرباااااااااااااااااااااااااااااان

[راعي موجه]

ياسلامي ياعتيبه كريمين الخصـــــال ......... من عتيبين علومه يعد اخــــــيارها

اشتري وابيع بالعرف عندي راس مال ......... من هجوسن بالوفا تستمد افكارها

[أبوسلطان]

مرحبـــــا واهلين بالرجل وســـلوم الرجال
................................بالـنـيـابه عن عتيبة بـــــولع نــارها

هات ما عندك وبشــــري من الطيب مقال
................................. خاطري في بيعة ما تطير طيورها

[راعي موجه]

اخوي ابوسلطان مسيك بالخير اولا مشكور على مشاركتك لي وتنازلك للعب معي وانت شاعر لك مكانتك في المنتدى . الشي الثاني فيه خطاء في البيت الثاني الشطر الثاني وهي كلمه طيورها لانها تغير فالطاروق وشكرا .


واستلم لا هنت ...............




البقاء ياصاحب قبل ياصلك السؤال
......................................... والحقيقه كل لحيه لها مقدارها

انتبه ياصاحبي من جنوب من شمال
......................................... لاتغير ابندقن ماتعرف اعيارها



اخوك راعي موجــــــــــــــــــــــــــــــــــــــــــــه

[أبوسلطان]

اخوي الحبيب .... راعي موجـــــــــه

الله يمسيك بالنور والسرور

شكرا على التنبيه يا استاذي العزيز

واستلم الله يعافيك



الله يحيك وابشر بمقدار الكمال
................................. والذيابة كل واحد قطع مشوارها

منتبه ياصاحبي للحرام وللحلال
.................................... منك نتعلم ونكسب معالم دارها



اخوك ابوسلطان

[راعي موجه]

اسف على التاخير لسفري ......
واستلم لا هنت ..
وعلى القوه..



الضيوف ان جوك قدملهم صفر الدلال
........................................ وانتبه ياصاحبي لاتزيد بهارها
تو جاك الفال وابشر ويقفاه العقال
......................................والرجال اعرف هناديبها بانظارها


اخــــــــــــــــــــــــــــــوك راعي موجه

[أبوسلطان]

استلم الله لا يهينك


لا تخاف من الضيوف روح من خلف الرمال
............................................... عد حب الرمل واحرص يطير غبارها

الوفاء والجــود موجــود من وقــت الزوال
................................................ وانت خذ قشك ونم في ظلال اشجارها

[راعي موجه]

استلم لاهنت.....



يالعتيبي لاتسولف بعلم مايقال
............................... هرجتك هاذي ضعيفه ودور غارها

الوفاء من طبعنا من قديمات الليال
.................................. وام عامر خلها لاتفك صرارها


اخوووووووك راعي موجه

[أبوسلطان]

لو تكرمت .... استلم لاهنت.....





ابشــــر ابشـــــر والنصيحة تراها اعتدل
............................................. ياعميلي شوف بين الجبال اغوارها


الوفاء طبعك وانا اعرف من الدنيا مجال
.............................................والمج ال اللي تعرفة يشيد اسوارها

[الوجيه]

ونعم ونعم كلبوكم ذيابه وما تقصرون
بس لو اني اعرف ارد كان رديت والله بس مشكلتي فالمعنى

[راعي موجه]

الوجيه
مافيه قصور طال عمرك وماعليك زود


اخوك راعي موجه

[راعي موجه]

استلم لاهنت.......



لاتخلينا نحدك على روس الجبـــــال
.................................. والرجال اهل المعرفه عليك بشارها

وانت حملناك بالحمل مار الحمل مال
................................. لاتبيع بديرتن ماتعرف اسعارهــــــا




اخوك راعي موجه

[صنيتان قرداحي]

عاااااشوووو

راااعي موجه.. . .. واااصل

الله عليك.. <<<< ماسك صفك

ابوسلطاان لاهنت

[أبوسلطان]

استلم لاهنت.......


انت ما تقدر تحد الصغير من الجمـــال
........................................ روح حد النــمل روّح وحد صغـــارها

البضــــاعة غــــالية مانبيعك بالريال
.......................................وانت ماعندك دولر روح وجب دولارها






اخوك ........... ابوسلطان

[أبوسلطان]

اخوي ........ الوجية



ماعليك زود يالذيب

وما يجي قصور من الجميع

[أبوسلطان]

اخوي .... صنيتان قرداحي


عاشت ايامك واضاءت لياليك

والله لا لا يهينك



ابوسلطاان

[راعي موجه]

اخوي صنيتان
عادتك العلوم الطيبه ومادامك ماسك الصف انتعشت المحاوره

وشكرا على المشاركه


اخوك راعي موجه

[راعي موجه]

ابو سلطان مسيك بالخير واستلم

يالعتيبي لاتسولف علينا بالخبال
................................. اثر فالعربان ناس تضيع ابصارها

لاتجود طيعني في ضعيفات الحبال
................................. والمعاني روضتن قاطفين ازهارها



اخوووووووووووك راعي موجه

[أبوسلطان]

استلم الله لا يهينك


الخبال الله واعلم اشوفة فالجهال
............................................مايضيع الا الطفل حين ذاق امرارها

الحبال طوال وانت توطتك الطفال
..........................................والزهور اللي قطفها ملك مليارها

اخوووك ........ ابوسلطان

[راعي موجه]

استلم لاهنت

االعوارف فالردى مايزيدون الجدال
.......................................... والجواهر من بحر جابها بحارها

دام هذي كلمتك فانت من ضمن العيال
......................................... انت تحفر حفرتك مار انا قبارها


راعي موجه

[أبوسلطان]

استلم الله لايهينك....


الكلام اللي تقولة مشــــــى يم الخيال
...........................................كان تبغى العافية رح وقيس امتارها


اسحب فراشك ونم حيث مال بك الظلال
...........................................لاتجـــ ي للمـــقبرة يلهـــمك حفـارها



اخوك ......ابوسلطان

[راعي موجه]

استلم استلم

ليت ابو سلطان ياربع مازاد الهبال
................................. اثر ابه حاجه خفيه كشفت اسرارها
وابك حنا يالعتيبي صعيبين المنال
................................... كم شيخون طايشه قد خذينا دارها




اخوووووووك راعي موووووووجه

[أبوسلطان]

خذ خذ

وشبك تصيح على الربع وعينك للهلال
.............................................والنت يجة عشرة وعندك انت اصفارها

اعرف انك بك شعاعة تكح من السعال
............................................يارفيق ي يـــارفيق الســفر واســـفارها


اخوووووووووووووووووك .... ابوسلطان

[ابن جدعــان]

الله الله.

الليل الليل.

صح لسانك يا راعي موجه.

وصح لسانك با أبو سلطان.

الله يعطيكم العافيه.

[أبوسلطان]

اخوي ....... ابن جدعــان


الله يسلمك ويبارك فيك

شكرا على الحضور

اخوووووووووك .......... ابوسلطان]

[راعي موجه]

استلم لاهنت

اثرك انت اللي غدى لاجنوب ولاشمال
......................................... قلت شوف ايمينها وانت اخذت ايسارها

ارخ عينك قبل لادق لك فيها الخـــــلال
......................................... صرت كنك نملتن ماتجاور جارهـــــــــــا



اخووووووووك راعي موجه

[راعي موجه]

صح بدنك .
ومشكور على مرورك الكريم وتواصلك

اخوك راعي موجــــــــــــــــــــــــه

[أبوسلطان]

استلم لاهنت


الزعل وش ذا الزعل خاطرك فيه اجتوال
.................................................. .امسك دروبك وسر مع طريق ابراها

لا تروح ايسار بعدين ما تكسب نوال
.................................................ل ا تســب الجار تصبح مثيل اشـرارها




اخووووووووك ...ابو سلطان

[غشّام]

بيض الله وجيهكم على هالطاروق الطيب

واصلوا واصلوا لاعدمناكم


ترى اللعب احتمى


أخوكم غشّام

[راعي موجه]

وجهك ابيض
ولا هنت على المرور



اخوووووك راعي موجه

[أبوسلطان]

اخوي ......... غشّام

وجهك ابيض ولا هنت ...

والله يعافيك

ولاتحرمنا من مرورك يالغاااااااااالي

اخووووووووك .... ابو سلطان]

[راعي موجه]

انت غصنن كل ماهبت الارياح مـــــــال
......................................... افتهم وش كلمتي وستشر شعاراهــــــا
طارت الغتره بعد ماوقع عنها العقـــــال
........................................ وانت شاعر عزوتك وانت تاخذ ثارهـــا

اخووووووووك راعي موجه

[أبوسلطان]

استلم استلم



مال عودك وانثنى والمطر ينزل همال
.................................................ا ســتشارات الرجال خابرن سبارها

عزوتي يافخرنا فيها عمي والخوال
.............................................وانت ما عندك دروع طحت خلف جدارها



اخووووووووك ..........ابو ســـلطان

[راعي موجه]

استلم .....
ياعسى ربي يخليك الي رب الجلال
.................................... اثرك اللي شرها مايباعد خارهــــا
صل فرضك وذكر الله وخل الاحتيال
..................................... وانت صاير حيتن ماتفارق غارها

اخوك راعي مووووووووووجه

[أبوسلطان]

اخوي الحبيب ..... راعي موجة

ماقصرت وبيض الله وجهك على هالطاروق الممتع

انعشتني واسعدتني بحوارك الجميل و الرائع

اتمنى لك التوفيق والنجاح في حياتك وبين احبابك

ارجوا قبول فائق تقديري واحترامي

اخووووووووك ............. ابو سلطان

[راعي موجه]

هلا وغلا اخوي ابو سلطان
ان اشالله انا امتعنا قراء واعضاء ومشرفين منتدى الهيلا(العتبان)بها الطارووق وياليت بس ماحصل قصوووووور ...
وان اشالله اني اشوفك على خير وفمان الله
واتمنى لك النجاح دائما وابدا
اخوووووووووك راعي موجه

[الوليد الاسعدي]

بيض الله وجيهكم ... قريت اول مشاركه وما قدرت الا انهي معكم .. تسلمون .
راعي موجه : سلس جزل
ابو سلطان : بديع في التشبيه .. شعره قتال .
رأيي المتواضع .

[أبوسلطان]

اخوي الحبيب ........ الوليد الاسعدي

وجهك ابيض ومشكور على المرور وابداء الرائ

ومرورك ورايك عز الله انة يسعدنا

اخوووووك ........ ابو سلطان