كبتن عتيبه

[شوباش]

سلام الله سلامٍ ماتهزه عاتيات الريح=بنيته بالرضا والغصب لين اعليت بنيانه
ولا ياكبتن عتيبه تعاااال وكثر التسبيح=عليك امن العتب كبر الحجاز وكبر ضلعانه

[محمد العتيبي]

صح لساااااااانك ياشوباش
رائع رائع ..

وبانتظار الكبتن ..

[راس النايف]

سلام ياسلام

اكثر من رائع والله

صح لسانك

[$ الحــيــران $]

صح لسانك رائع

بانتظار المبدع كبتن عتيبه

[شوباش]

يالكبتن وينك؟

[كبتن عتيبه]

الله الله

واسف على التاخير...مير استلم


هلا يامرحبا رحبً معطّر من خزام وشيح=وانا ماني براعي كلمةٍ ماهي بمليانه!!
وصلتك يالرفيق اللي تنادي من عصر وتصيح=وسبحان الله المعبود رب البيت سبحانه!!

[شوباش]

انا سلمتك الرايه ومعها الدعم والتسليح=ووصيتك (وصاة كليب بعد الغدر)لاخوانه
لكنك يالمهلهل فالمعارك تحتزم وتطيح=لعب جساس في حسبتك ياسالم بفرسانه

[كبتن عتيبه]

الله الله


توصّيني بعد شالوك فالبابور يازحزيح=وعدّّوك الحدود وكلمتك ماجالها خانه!!
وش يدخلك ياشوباش بين بخيت وشليويح=يابو مشهاب مشهابك مازايد غير دخانه

[شوباش]

سقى الله ربعنا اللي يكرهون الهمز والتجريح=رجالٍ عدلو ميلات حزب الشر واعوانه
لكٌن ياكبتن عتيبه يجيك العلم والتصريح= مادام انك تخاف الموت خل الشعر والحانه

[كبتن عتيبه]

الله الله


على ماقالوا أهل الشام (ياشوباش مانت منيح)=وعلى قول البدو( خربان والأخلاق خربانه)!!
تدوّر للكرم وأنته ليا جوك الضيوف شحيح=يابو بيتٍ على طول السنه مقفول بيبانه!!

[شوباش]

اشوف الناس ياكبتن على قرصانها تبريح=عسى قرصٍ يذل الادمي ينشب بلحيانه
تعبنا ياعتيبه بين جهر القول والتلميح= احد يفهم واحد يركب على علباه شيطانه

[شوباش]

الله اكبر الله اكبر
حان الان موعد صلاة الفجر حسب التوقيت المحلي لمدينه الطائف


كبتن عتيبه تشرفت باللعب معك
ولنا لقاء في وقت اخر

[فالح الكرنافـ]

الـلـهـ الـلـهـ علـيـكـم

افضلـ ماسـمـعتـ وشـفـت في المنتدى

صح السانكـ ياشوباشـ وبيضـ اللهـ وجهكـ

وصح السانكـ ياكبتنـ عتيبهـ وبيضـ اللهـ وجهكـ

اخوكمـ

فالح الكرنافـ

[مرزوق حمدان العتيبي]

..
.
جزاله وابداع من الاثنين
بيض الله وجيهكم وعساكم على القوّه ..
...