نخوة عتيبي

[المرقاب]

الأخوة أعضاء وزوار منتدى الهيلا

السلام عليكم ورحمة الله وبركاته

وردتني رساله من أحد أبناء العم / سعد بن غلاب المورقي
وهي عبارة عن قصيدة قام بإرسالها إليه

شاعر المليون / بندر بن محيا العتيبي
ويطلب دعمه من أفراد القبيله في كرنفال شاعر المليون والقصيدة تعبر عن نفسها

ونترككــم مع القصيــــدة


حميا بني عمي عمت عين الأنذال = وياطيب عين اللي براسه حميا
واحدهم يساوي ثمانين رجال = إليا إنخي والا على الطيب عيا
روس الرجال مذيرة كل خيال = أشاوسن مقامهم في الثريا
يلقابهم راع الولع كل الأمثال = ولا يحاليهم هذاك وهذيا
ذراي لامرت على العين الأهوال = فزعاتهم عن لاهب الوقت فيا
لاجو من أقصاهم مثل برق وخيال = يروون يباس الحلوق الظميا
وإن انكفوا في رحلة المجد الأبطال = في سرمديات المجاهيل ضيا
إن جوك هجلهم ورى الروح مدهال = ووسع لهم بين الحنايا كذيا
ثم صب من شعري لهم كل فنجال = وعطهم علوم اللي كلامه تهيا
قل يالحرار الشقر ذربين الأفعال = أنا أشهد أنكم عز بندر محيا
عتيبه الهيلا على كل الأحوال = أهل النخاوي والنقا والحميا

[عبدالرحمن الهيلوم]

بسم الله الرحمن الرحيم


ي
ب
ش
ر


ا
ب
و
ع
ت
ب

[محمد الفقيه]

ابشر وانشالله ماراح يقصرون الــهــيــلا

[محب الهيلا]

يبشر بعزه ان شاء الله

[اقول الحق]

ابشر بعزك يابن محيا

ويبشرون شعار عتيبه بالفزعه البيرق ان شاء الله عتيبي

[خيال الجريبا]

ابشر والله يا بندر بكل علم طيب

[فهد النفيعي]

يبشر بكل خير ابن العم

[عمر المغيري]

مع احترامي وحبي للاخ بندر المحيا نحن نتمنى ان يفوز الاخ بندر ولكن من هو المستفيد من هذا الدعم ........البرنامج يااخوان ناجح ومميز ولكن لايخلو من الابتزاز وهنا المشكلة يعني عندما تفزع للمحيا فمن هو المستفيد الاول بالتاكيد سوف يكون المستفيد شركة الاتصالات وهيئة ابو ظبي للاذاعة والتلفزيون الي ميزانيتها لاتحتاج الى دعمي ودعم القبيلة ولكن الطمع وحب الاستيلاء على اموال الناس هو الهاجس الاول لهذه القنوات
فارجو ان نحكم العقل ونتخلى شيئا قليلا عن العاطفة والحمية فعندما اصوت انا بعشر رسائل قيمة كل رسالة خمس ريالات فما بالك اذا صوت من عتيبة مليون رسالة من مائة الف شاب يعني المبلغ 5*1000.000=5000000
هذا من قبيلتنا والجائزة لا تتجاوز المليون ان حصلت
فا قرح عليكم عدم التصويت لاي شخص ليس دعوة للمقاطعة وانما حماية لنا ممن يحاول استبزازنا واستخفافنا لياخذ اموالنا بالباطل
ومن اراد ان يدعم الاخ بندر المحيا فاليكرمة بتحويل قيمة التصويت الى حسابة والله انها افود واحسن بذلك يفوز بشهرة البرنامج وقد فاز ويرجع ليقاء الدعم من القبيلة في حسابة بالملايين
ارجوا المعذرة على الاطالة ودمتم بخير

[متعب المحيا]

أبشر بالسعد ، والسعد فالك يابن محياء.... وعتيبه معك .


واللى مايبغى يصوت يستريح لأن فيه أسود تكفي عنه!!!!

[شيخ العصمة]

انا اشهــــد اني بخلي فاتورة تلفـــوني كلها تصويت لابن محيـــا

يستااااااااااهل ويبشر بالفزعة ..

والي مايبي يبيض وجه ولد عمه يستريح ..


يالربع عتيبة معروف عنها الفــزعة والحميا .. وهم اهل النخوة والعزوة

ابشرررررررر يابن محيا ابشررررررر

[الهيـ(صبي)ـلا]

شكرا لك على إيصال الرسالة
وصح لسان الشاعر

وإن شاء الله يسرك موقفنا يأبو محيا



أخوكم نادر العطاوي

[عبدالله هادي ناشي الفليت.]

بن محيااااا تـــأهل

ومايحتاااااج تصووووويت


شوفو الي بعده من ربعنااااا خالد الدعجاني

[مخاااااوي الغربه]

ياعمر الله يهديك ماتبي تصوت لاتصوت وفر فلوسك لك تنفعك بعدين

بس لاتكتب وتقول لاتصوتون خل ((الهيلا)) يفزعون لبني عمهم اللي

مشاركين بشاعر المليون ويستاهلون من يقف معهم هذا ((ماقف))

وانت الله يهديك تنزل هالموضوع اكثر من مره ((فشلتنا))

واذا بغيت تنزله مره ثانيه لاتكتب أسم ((مغيري)) أرجوك لان المغايره

معروف عنهم الفزعه وانت مالك شغل الابندر المحيا وعدم التصويت

والفلوس والخرابيط استح وخل بني عمك ينفعون ولد عمهم وانا اولهم



وشعّارنا يستاهلون التصويت ولايمكن نتركهم وأفهم خلاص!!

[Man من العتبان]

يستاهل ابن محيااا وباقي شعراء عتيبه نحن معهم قلبا" وقالبا"

[ابوبسام]

السلام عليكم ورحمة الله وبركاته
ياجماعه انا شفت اول قصيده اله وجازوه من غير تصويت

بس الصراحه ان قصيدته جزله وانه شاعر ويستاهل التصويت

ومانا مقصرين معه ومع الاخرين من فرسان عتيبه والله يجملهم
ودمتم بخير

وتقبلو اجمل تحيه

[راع العوجا]

والله من عقب النسخه الاولى ماني مقتنع بشاعر المليون

من هو المستفيد محمد ابن زايد وحيواناته اعزكم الله لجنة التحكيم

تقبل مروري

[منيف]

مع احترامي وحبي للاخ بندر المحيا نحن نتمنى ان يفوز الاخ بندر ولكن من هو المستفيد من هذا الدعم ........البرنامج يااخوان ناجح ومميز ولكن لايخلو من الابتزاز وهنا المشكلة يعني عندما تفزع للمحيا فمن هو المستفيد الاول بالتاكيد سوف يكون المستفيد شركة الاتصالات وهيئة ابو ظبي للاذاعة والتلفزيون الي ميزانيتها لاتحتاج الى دعمي ودعم القبيلة ولكن الطمع وحب الاستيلاء على اموال الناس هو الهاجس الاول لهذه القنوات
فارجو ان نحكم العقل ونتخلى شيئا قليلا عن العاطفة والحمية فعندما اصوت انا بعشر رسائل قيمة كل رسالة خمس ريالات فما بالك اذا صوت من عتيبة مليون رسالة من مائة الف شاب يعني المبلغ 5*1000.000=5000000
هذا من قبيلتنا والجائزة لا تتجاوز المليون ان حصلت
فا قرح عليكم عدم التصويت لاي شخص ليس دعوة للمقاطعة وانما حماية لنا ممن يحاول استبزازنا واستخفافنا لياخذ اموالنا بالباطل
ومن اراد ان يدعم الاخ بندر المحيا فاليكرمة بتحويل قيمة التصويت الى حسابة والله انها افود واحسن بذلك يفوز بشهرة البرنامج وقد فاز ويرجع ليقاء الدعم من القبيلة في حسابة بالملايين
ارجوا المعذرة على الاطالة ودمتم بخير
لاأزيد ولا انقص .. وكفيت وفيت ياصاحب العقل

[منيف]

مخاوي الغربة .. عافاك الله الرجال ماغلط بحق احد .. وبعدين الكلام اللي قالة هو عين العقل . . وهو الحقيقة المره بالنسبة لك

[مشاري بن محيا]

ياعمر الله يهديك ماتبي تصوت لاتصوت وفر فلوسك لك تنفعك بعدين

بس لاتكتب وتقول لاتصوتون خل ((الهيلا)) يفزعون لبني عمهم اللي

مشاركين بشاعر المليون ويستاهلون من يقف معهم هذا ((ماقف))

وانت الله يهديك تنزل هالموضوع اكثر من مره ((فشلتنا))

واذا بغيت تنزله مره ثانيه لاتكتب أسم ((مغيري)) أرجوك لان المغايره

معروف عنهم الفزعه وانت مالك شغل الابندر المحيا وعدم التصويت

والفلوس والخرابيط استح وخل بني عمك ينفعون ولد عمهم وانا اولهم



وشعّارنا يستاهلون التصويت ولايمكن نتركهم وأفهم خلاص!!



مشكور اخوي مخاوي الغربه على ردك على عمر المغيري .... اخونا عمر المغيري اسمه الحقيقي اعرفه والا ابغى اقوله قدام الناس افضحه .. بس ابعد بعيد ياعمر واترك الكلام عن بندر ...

الله يوفق شعراء عتيبه المشاركين

[مخاااااوي الغربه]

مخاوي الغربة .. عافاك الله الرجال ماغلط بحق احد .. وبعدين الكلام اللي قالة هو عين العقل . . وهو الحقيقة المره بالنسبة لك

منيف الله يعافيك أنا ماقلت أنه غلط على أحد

والكلام اللي قاله عين العقل بالنسبه لك

وماهي الحقيقه المره بالنسبه لي؟؟؟

أذا كان تقصد الفزعه والحميا فمرحباًبها

وأذا كنت تقصد غير ذلك فوضح !!! واذا كنت تكتب ولاتدري فوفّر العناء

على نفسك

[تركي 2006]

لا يلدغ المسلم من جحر مرتين

وضربتين فالراس توجع

أتمنى أن كلامي مفهوم ولا يحتاج له شرح

[محمد مطلق العصيمي]

تكقون يا عيال العم

رقم الشاعر والرقم اللي نصوت منه

[منيف]

مخاوي الغربة .. انت تقول للرجال ( استح ) وهالكلمة ماتنقال لابن عم لمجرد انك اختلفت معاه بالراي .. اذا بتقول هالكلمةلكل واحد يعارض التصويت بتتعب وانت تقولها
اخوي مخاوي الغربة .. اتمنى انك تقدر موقفنا من المقاطعة واترك الناس تكتب رأيها وانت اكتب رايك من غير تصادم مع الاعضاء خصوصا في موضوع المقاطعة .

[سعود المغيري]

يالربع اخزو الشيطــــــان

وهذه جايزه الامارتيين لاتقدم قبيله ولا تووخر..


لكن لابد من وقفتنا مع بني عمنا اللي مشاركين..


واتمنى ان ينزل بنرات في اعلى المنتدى بارقام التصويت..

ليكوون المصووت على بينه,,

هذه وجهه نظري..


بالتوووفيق


سعود بن عميره

[هلال الدوادمي]

مار وبس....................!!


ان الله قاله واراده انه لعتيبي البيرق ...

[مخاااااوي الغربه]

الأخ/ منيف .. مشكور على أرآئك ويصّعب النقاش معك

أنت أقرأ الموضوع وأفهمه واكتب ردك ولاتتشعب في الموضوع

لاني سألتك عن الحقيقه المره بالنسبه لي التي ذكرتها في تعقيبك الاول على الموضوع ولم تجاوبني..... أكتفي بهذا ولي عوده ان لزم الامر

تقبل مروري

[منيف]

الحقيقة المره ياخوي مخاااااوي الغربه ان تصويتك وتصويتي وتصويت 100 الف شخص من ابناء قبيلة واحدة يتحول الى حسابات اشخاص ليس لهم فضل في خدمتك ولا خدمة دينك ولا خدمة وطنك .. همهم الاول جمع كذا مليون من وراء فزعتك وليس همهم الشعر والارتقاء بالشعر وحنا همنا الاول ان القبيلة الفلانية لاتطلع علينا وان البيرق لازم يكون لنا .. مع العلم ان قبيلة عتيبة لاتحتاج اي شهادةمن البرنامج ولا من حكام ابوظبي والمعروف ان قبيلة عتيبة رائدة في الادب والشعر .. عموما انت قلت لاتتشعب وانا بحاول اكتفي باللي جاي .. لو صار التصويت على شاعرين واحد شاعر متمكن وشعره قوي والاخر شاعر عتيبي لكن شعره ضعيف .. وقالوا تعال يا مخاااااوي الغربه صوت .. تصوت لمن ؟ الحق انك تصوت للاقوى لكن الحق هنا فيه شي من المراره لاتقبله
دمت .. واسف عالاطالة

[محمد بن غازي]

يبشر بعزه ان شاء الله متأهل

[ابراهيم الزراقي]

صح لسانه وبيض الله وجهه وحنا معه من غير مايوصينا هذا ابن عمنا ونرخص المال والحال دونه

[المورقي 700]

سلام بقاف جبته من قرى الحرة بدون فلوس
على مذهب عرب والناس ماضاعت مذاهبها
...........
ســــــــــــــلام ياعيال عمي حنا مع جميع شعار عتيبه في شاعر المليون وليس مع شاعر معين فقط ونصوت للجميع بدون تحيز وكلنا مع الشاعر الاخير اللي يتاهل سوا بندر او غيرة وكلهم يرفعون الراس اهم شي يرد البيرق شاعر يحمل اسم (الـعـتـيـبـي) تكفون ياعيال عمي لا تذخرون اي شي عندكم اهم شي نرد البيرق.
مـــــــــــع تــــــــحــــــــيــــــــات
عبدالله هلال هليل المورقي العتيبي,,,,511

[معاذ الممخور]

بندرتأهل ويستاهل وشاعر فذ وكبير وإذا كان فيه عدل وتذوق للشعر الصحيح والاصيل بأذن الله ليركز البيرق على نفود السر

[العود حبيب]

عجب العتيبي هو من يستحق الدعم والمساندة..
أما شعراء عتيبة في هذا البرنامج.. فقدوا احترامهم مني.. كان الأولى بهم الا يشاركوا في هذا البرنامج الذي انكشفت مخططاته منذ العام الماضي..