خلووووها

[ابو بندر]

سلام فأول ليلنا قبل يسري=والحمدللي يسر الخير يسري
والدم بعروق المخاليق يسري=هذا الصحيح وقولوا اللي تقولون



الليل ابنشد عن رموز القوم=والعلم ينصى كل شيهاني
لناعوايد ياعرب وسلوم=موروث من تاريخ جداني

[عبدالرحمن الهيلوم]

صح الســـــــــــــــــــــــــــــــــــــانك ومتابعين يالغالي



ص ح السانك ي ا ل ذ ي ب 0000 متابعيــــــــــــــــــــــــــــــــــــــــــــ ـن بشغف

[شبل مثمله]

الله الله ,,,,,,,,,,,,,,,,,,,,,,,,,,,,, الله الله


صح لساااانك يالقرم


الليله شقر وعلووووم غانمه إن شاء الله


في إنتظار الشاااعر المقااابل


الليل الليل ,,,,,,,,,,,,,,,,,,,,,,,,,,,,, الليل الليل

[بن عبيدان]

سلام من شاعر مبداء لشاعر= صاغ المعاني من صميم المشاعر
ومن حج بيت الله زار المشاعر= هذا الصحيح وقولوا الي تقولون


يالي تنشد والعلوم اعلوم= هات الخبر ويجيك برهاني
في منتدى قوم تضد القوم= بين القبائل فعلهم باني

[ابو بندر]

ياللي تسلم مرحبا الله يحييك=والميت يميتك والحي يحييك
يالليل معنا بن عبيدان يحييك=هذا الصحيح وقولوا الي تقولون


ربعي وربعك يالعميل قروم=لهم علم في كل ميداني
وقت الشرا ولا نهار السوم=العلم يعناكم ويعناني

[ابو بندر]

الاخوان/الهيلوم1340
وشبل مثمله صح الله ابدانكم
وشاكر مروركم

[معجب العتيبي]

ابو بندر
اب عبيدان

بداية شقر رائع

وشاعريه جميله

سجلوني متااااااااااااااااااااااابع

[ابو بندر]

سارح البال اسعدنيي مرورك
وتشرفنا متابعتك.

[بن عبيدان]

دام البقاء يالي ترحب تراحيب= في منتدى الهيلا رجال التراحيب
قوم العطاوي والمعلا تراحيب= هذا الصحيح وقولوا الي تقولون


شعيل لاشال الحمل زيزوم= يمش بها مايرقب الثاني
العلم بين معزب ومعزوم= عطني علومك يالعضياني

[شبل مثمله]

الله الله ,,,,,,,,,,,,,,,,,,,,,,,,,,,,,,,,, الله الله



صح لسااااانك يابو بندر & بن عبيدان



وين الصفووووووووووووووووووف يالربع عزوووها


الليل الليل ,,,,,,,,,,,,,,,,,,,,,,,,,,,,,,, الليل الليل

[بن عبيدان]

سارح البال
شبل

شكرا على المتابعة والتفاعل

تحياتي

[ابو بندر]

يابن عبيدان إن حبكت القصايد=الي هدف معروف ولي قصايد
والي يصيد الصيد لا يلقى صايد=هذا الصحيح وقولوا الي تقولون


شعيل حمله جاهز وملموم=لابد يوضع فوق الأمتاني
مخدوم ياراع والوفا مخدوم=ماني على الأجواد شفقاني

[بن عبيدان]

يالي تشكلي على كل مبداء= انته على الشعار عندي مبداء
والحر موكارة على كل مبداء= هذا الصحيح وقولوا الي تقولون


لاشلت حملك روح للجموم= واهزع مع درب العريباني
ماني لكم ظالم ولا مظلوم= انتم رفاقة ربع وخواني

[ابو بندر]

الطيبين اللي سواتك وشرواك=لايخدعونك في بيوعك وشرواك
والذيب ماصاده شبوك وشرواك=هذا الصحيح وقولو الي تقولون


ياصقر ياللي بالجناح تحوم=على الهدف ناظر بالأعياني
انته تحلم والحلوم حلوم=اصحى معي يالذيب سرحاني

[بن عبيدان]

يالي على سبك المعاني تحداء= ناظر وخلك بين مكة وحداء
والا على حدك وانا عند حداء= هذا الصحيح وقولوا الي تقولون


الي قعد مافية حيل يقوم= والعلم ينصاكم وينصاني
ضيعتها في عجة وحزوم=وهذي عوايد طير برماني

[ابو بندر]

الأخ الكريم ابن عبيدان صح الله لسانك وبيض الله وجهك
استمتعت بهذا الطاروق الجميل معاك ونظرا لضيق الوقت تكون الخاتمه عندك .
وتصبح على خير


طعم الشعر في بعض الأحيان حالي=واسقم روحي منه وا بري حالي
يابن عبيدان أحسبني لحالي=هذا الصحيح وقولوا اللي تقولون


بيني وبينك علمنا مقسوم=علما صحيح وعلم ملياني
والموتر اللي مر ظهر اليوم=مخلوطا أمريكي وياباني

[بن عبيدان]

ابو بندر

تصبح على خير وبيض الله وجهك على المحاورة

تقبل تحياتي

[$ الحــيــران $]

بيض الله وجيهكم على هالطاروق الممتع والجزل

[شبل مثمله]

طااااروق كاااايف


بيض الله وجيهكم يالشعاااار ولاهنتوا


فمان الله

[محب الهيلا]

مشكورين على هالمحاورة وماقصرتوا