المساعد الشخصي الرقمي

مشاهدة النسخة كاملة : :::::: ارفـــــع مقام الرجــــولــــه لا تخـــــــربهـــا :::::: فتاة الوشم :::::

الشيباني 11
26-Dec-2007, 01:04 PM
السلام عليكم ورحمة الله وبركاته







:::::: ارفـــــع مقام الرجــــولــــه لا تخـــــــربهـــا ::::::



يانـاس عينـي مـن الموعـات مـذعــوره
ونفسي شباب الفلس جابوا حضايبها

وقلبـي يـزوم الزعـل والكـبـد مـمـروره
حسيـت باللـي عيـوبـه مايـحـس بـهـــا

لقيـت رجـل وفيـه مــن الـمـره صــوره
يمشــي على العيب نفسـه مايعـــاتبهـا

ليـتـه لـبـس لــه بـلـوزه فـــوق تـنــوره
يــوم المنـاقـيـد مايـخـشـى عواقـبـهـــا

يـوم يتمخـطـر يقـلـد مـشـي غـنــــدوره
عـن مشيـت الرجـل للخفـرات يقلبهــا

قلتـه وانـا مـن شبـاب اليـوم مقـهـوره
كيـف الحمايـل تجـنـب عــن مذاهبـهـا

اهــل الخنـافـس غــدو لبطالـنـا عوره
يـاكـيـف نـجــد يـتـمـشـون بمنـاكـبـهـا

شباب ياللـي عليـك السـود منشـوره
ارفـع مــقام الـرجـولــه لاتـخـربـهــا

ترى الشجاعه لجيـش صـف طـابوره
نـقـالــة البـنـدقـيـه مــــع مـقـاضـبـهـا

جـيـش بـهـم دارنــا تفـخر ومـنصوره
دونـه عمـاره عـلى الأخـطار يجلبـها

عاشوا حماة الوطن من عهد أخونوره
درع الـجـزيــره لـيـاشـبــت حـرايـبـهــا



الشاعره
فتاة الوشــــــــــــــم
الشيباني 11
26-Dec-2007, 01:10 PM
[size=5]فتـــــــاة الوشــــــــــــم

الشاعره / هيــــــــــــــاء العتيبـــــــــــــي

شاعره تتغزل بالوطن ، وتسدد سهام شعرها الجزل ضد كل ماهو دخيل على قيم مجتمعنا النبيله
عاشت فتاة الوشم في كنف والدها وتنقلت معه في أطراف نجد العذيه التي تعشقها بجنون
فتزوجت وسافرت مع زوجها الى خميس مشيط الذي احست فيه ببعدها عن نجد وغربتها
وعندما توجهت عائدة الى نجد
بعد طول غياب قالت:


راكب اللي من خميس مشيط أقلت
وأتـجـه سـواقـهـا شـــرق شـمـالـي

مـاحـلا يــوم أقلـعـت ثــم أستـقـلـت
قادهـا شبـل مـن الهوجـاس خـالـي

بشرونـي يــوم روس طـويـق أطـلـت
ريــف قلـبـي منيـتـه هــاك الجبـالـي


ولإن فتاة الوشم مسكونه بحب الأرض تمنت لأرضها أمنيه غاليه


يالله سألـنـاك غيـثـك كــان بـــه خـيــره
يـاعــالــم لـلـغـيــوب ومــالــنــا نــــــاوي

تسقـي ثـرى مملكتنـا مــن شخاتـيـره
مــن مـدلـهـم بـهـيـم دامـــس ضـــاوي

كـنــه تـثــور الـمـدافـع مـــن مـنـاحـيـره
يـسـري عـلـى ضــو بـرقـه تـايــه داوي

هـجــا غشـيـنـه وساكـنـتـن معـاصـيـره
خمسة عشر يوم شمسه ليلها ضاوي

مــن سايـلـه كــل درب واقــف سـيــره
حـت اختبـى فالمـغـاره ذيبـهـا الـعـاوي

ضـاف علـى البـيـد يعـجـز عـنـه تعبـيـره
يجـرف هميـد الشجـر وينشـط الخـاوي

لـيـن الصـحـارى تلـبـس مـــن نـواويــره
لاهــب ريـحـه يمـيـل الــورد متـسـاوي

علـى جـمـال الطبيـعـه شــادي طـيـره
ريـح النـدى مـع صباحـه يبكـي الهـاوي

بـيـنــه تــــرازم مـجـاهـيــم ومـغـاتـيــره
نجـديـتـن وسـمـهـا روقـــي وبــرقــاوي

جـنـات روضــه تسـايـر بــه مشـاهـيـره
ذباحـة الحـيـل معـهـم يـربـح الـشـاوي

يالله بـرحـمـتــك تـعـجـيـلــه وتــأخــيــره
يـامـالـك الـمـلـك يـســر مـالـنـا نــــاوي

.................................................. .................................................. ....
محمد العتيبي
27-Dec-2007, 12:24 AM
شكرا جزيلا لك
الشيباني تسلم على نقل هذه
القصائد النسائيه او قصائد شاعرات عتيبه
التي تعبر عن حبهم العميق للوطن..


تحياتي واعجابي لك...
الشيباني 11
27-Dec-2007, 01:13 PM
ابو مشعاب تشرفت بمرورك
عبدالرحمن الهيلوم
27-Dec-2007, 01:20 PM
كفو اعتابه وشعارها وشاعراتها

الله يوفقك يابنمشيب


وصح السان الجميع
الشيباني 11
27-Dec-2007, 01:26 PM
الهيلوم1340 تشرفت بمرورك
عقلا الأسعدي
28-Dec-2007, 05:11 PM
رائعه شكرا على النقل وصح لسانك
الشيباني 11
28-Dec-2007, 05:32 PM
عقلا الاسعدي

تشرفت بمرورك
جريح احساس
03-Sep-2010, 03:57 PM
بيض الله وجهك يالشيباني

القصيدة الأولى كان والدي غفر الله له ولجميع المسلمين يرددها كثيراً متعجباً من شباب هذا الجيل


أسجل اعجابي بهذه الشاعرة

ولكن ياترى لازالت عايشة أم وافاها الأجل؟




أخوكمـ/ القحطاني
أبو مرحبا
03-Sep-2010, 06:18 PM
رائعه جدا



صح لساان الشاعره .. ولا هنت على النقل




لك شكري
غـشَّـامـ
03-Sep-2010, 06:42 PM
فتاة الوشم


بحر شعر


سمعت لها الكثير فهي شاعره من الدرجه الاولى



تسلم ويعطيك الله العافيه
ناصرمرزوق الدلبحي
05-Sep-2010, 02:23 AM
اللة لايهينك يابن مشيب عللى النقل الموفق






وفتات الوشم لها عدة قصائد من اروع ماسمعت






من الشعر





لهاقصيدة في سلامة الامير سلطان بن عبد العزيز






تعتبر معلقة وباذن اللة بحاول انزلها في الموقع






تقبل مروري وتحياتي
علاي الحافي
05-Sep-2010, 02:32 AM
لاهنت على النقل

تقبل مروري
سلطان نايف العضياني
09-Sep-2010, 04:46 AM
شاعره جزله

ولكن هل مازالت عائشه وكم تبلغ من العمر ومن أي العتبان
ابو شوق الازوري
09-Sep-2010, 06:42 AM
شكرا جزيلا لك
الشيباني تسلم على نقل هذه
القصائد النسائيه او قصائد شاعرات عتيبه
التي تعبر عن حبهم العميق للوطن..


تحياتي واعجابي لك...



ابو شوق الازوري