مرحبا ياسارح ٍ باله وعينه فالنجومي

[غازي غالب]

من هجوس ٍ ماتجيب الا الثمينه والجزايل = مرحبا ياسارح ٍ باله وعينه فالنجومي

لابغيت العلم عان القوم في ظهور الأصايل = لاتجيهم كان مالك جنب فالماقف دحومي

[مرزوق حمدان العتيبي]

لابغيت العلم عان القوم في ظهور الأصايل
لاتجيهم كان مالك جنب فالماقف دحومـي



الله الله يابو غالب
صح لسانك ...
وصح لسان ابو سلطان مقدماً ...
....

[ابو عتب النخيش]

صح لسانك والله يعطك العافيه اخوك ابو عتب النخيش

[معجب العتيبي]

من هجوسٍ ماتنقدني من عيال القبايل=البقا ياصاحبي قبلان الك دايم يدومي
والله اني ماانشدك ويش انت يارجال قايل=وانت تعرفني ليامن صاح صياح اللزومي

[معجب العتيبي]

صح لسانك يابو محمد
ويكفينا حظورك طال عمرك

افتقدك المنتدى اسبوع كأنه عمر....

[غازي غالب]

ياوسيع المعرفه لابد نلقى لك دلايل = كان ماهزت الطويله لاتقرّب للرجومي

ماتبا نشدة مطوع لابرق برق المخايل = سيلها لامركم يمكن تطيح وماتقوومي

[غازي غالب]

ابو محمد يامرحبا ومسهلا ,,

والحمدلله على السلامه ,,


صح بدنك وحضوورك نوماس ,,



لاخلا ولا عدم

[غازي غالب]

ابو عتب النخيش ,,


صح بدنك والله يعافيك ,,


اسعدني حضوورك ,,



تحيااااتي لك

[مرزوق حمدان العتيبي]

والله اني ماانشدك ويش انت يارجال قايل
وانت تعرفني ليامن صاح صياح اللزومي

..
.

ياسلام ياسلام ....

عوايدك الابداع يابو سلطان
ولاهان قبلان ...
....

[غازي غالب]

الاخ سارح البال

بعد إذنك نتواصل بعد الصلاه ,,

[معجب العتيبي]

الدلايل ماتجي لاصار شك العلم زايل=وانت ماتجهل طلوع النايفه والا الحزومي
علمنا واضح يابن مفلح ولانبغا جمايل=مار سر العلم يارجال في مبدا السلومي

[غازي غالب]

هيه ياسارح طلبتك لا تضيّع فالقوايل = الحزم ماينطلع لو تختلف بعض العلومي

كان سارح شوق من كدت طويلات الجدايل = ليه حط المطرق الشاهد وماحط الوسومي

[معجب العتيبي]

انا اقول ماتجهل طلوع النايفه وماتجهل الحزوم لاتفهم غلط وتستغله هههههههه

انتظر ردي بعد الصلاة ياغالي

[معجب العتيبي]

لايعود علمك المعروف لدروب التحايل=من دخل وسط البحر ياصاحبي لازم يعومي
يوم قام الحظ يارجال حظك ليش مايل=وين ياقبلان رقمك يوم حطوها رقومي

[حمد بن جوباح]

.
..


كفو كفو كفو والله

جززززززززززززززززلين

وكر وفر بـ حرفنه :)

صح لسانك يابو غالب

وصح لسانك يا سارح البال

والصف دعجاني

الليل الليل

:)

.
.
.



















تحياتي لكمـ ،،

[شبيب شافي الملعبي]

لاهنت على النقل وتقبل تحياتي