سارح البال يقرا الحروف

[سند العتيبي]

جيت اسلم بسلم امعروف = وانشد الناس عما جرا
(سارح البال) يقرا الحروف = لازم انه يرد البرا

[معجب العتيبي]

ابتدا اللعب جات الصفوف=ياسند كان عينك ترا
مرحبا هات علمك نشوف=انتبه لا تقهقر ورا

[سند العتيبي]

مرحبا بالعرب والضيوف= يوم شفتك طرى ما طرا
كل عام ٍ وانا اذبح خروف = فالخفا او يكون اجهرا

[معجب العتيبي]

ياسند شكل عندك ظروف=بيّنه يوم كلن درا
انت للذبح دايم شغوف=لاتطيح القدر له عرا

[سند العتيبي]

مرحبا


ودي ازور معيه زروف = خص للروس والا امدرا
ما نباها تجي فالضعوف=كم ذيبٍ بصيده سرا

[معجب العتيبي]

انت ماتدخل الا بوقت الصلاة ربنا وربك الله هههههه

استلم لاهنت:


انت ناديت مالك عطوف=لاتدور منير وذرا
كان دربٍ مشيته كلوف=عوّد اطلب لذيذ الكرا

[امير البدو]

صح الله لسانكم

[مرزوق حمدان العتيبي]

....
.
ياسلا ياسلام ...

في صف ابو سلطان مافيها كلام
...
ولايهون سند

واصلوا .....

[معجب العتيبي]

....
.
ياسلا ياسلام ...

في صف ابو سلطان مافيها كلام
...
ولايهون سند

واصلوا .....

ياهلا والله وغلا
ياخوي الناس تفرح بالعيد لأنه يجمعهم وحنا جا العيد وتفرقنا هههههه

مرورك نوماس

[سند العتيبي]

ربي وربك الله

ترد وانت توضي وارد وانا اكبر هههههههههههه



دوك


كلن يروم شوف الهنوف = بنت شيخ ٍ سليل اومرا
لا تصرف ولا به صروف = صيدي اللي بغيته سرا

امير البدو , مرزوق العتيبي ,, شكرا


عميلي :)

المعذره تأخر الرد وسرا القاف ابطيت علي وانا انشغلت خيرها بغيرها

[عيد العازمي]

ابو سلطان صح لسانك ومن العايدين


سند صح لسانك لاهنت

[سند العتيبي]

العازمي صح بدنك

وصح لسان ابو سلطان مقدما

[معجب العتيبي]

لاتجي فوق حفة جروف= تبني البيت ثم يدمرا
دون صيدك حداب السيوف=كان قلبك لحرفه قرا

[معجب العتيبي]

العازمي
صح لسانك ياغالي
وكل عام انت بخير

مرورك شرف طال عمرك

[معجب العتيبي]

سند العتيبي

جيت اسلم بسلم امعـروف=
وانشد النـاس عمـا جـرا =
(سارح البال) يقرا الحروف=
لازم انـه يــرد الـبـرا=
سارح البال

ابتدا اللعب جات الصفوف=
ياسند كان عينـك تـرا =
مرحبا هات علمك نشوف=
انتبـه لا تقهـقـر ورا=
سند العتيبي

مرحبا بالعرب والضيوف=
يوم شفتك طرى ما طـرا =
كل عام ٍ وانا اذبح خروف=
فالخفا او يكـون اجهـرا=
سارح البال

ياسند شكل عندك ظروف=
بيّنـه يـوم كـلـن درا=
انت للذبح دايم شغـوف=
لاتطيح القدر لـه عـرا=
سند العتيبي

ودي ازور معيه زروف=
خص للروس والا امدرا=
ما نباها تجي فالضعوف=
كم ذيبٍ بصيـده سـرا=
سارح البال

انت ناديت مالك عطوف=
لاتـدور منـيـر وذرا=
كان دربٍ مشيته كلوف=
عوّد اطلب لذيذ الكـرا =
سند العتيبي

كلن يروم شوف الهنوف=
بنت شيخ ٍ سليل اومـرا =
لا تصرف ولا به صروف=
صيدي اللي بغيته سـرا=
سارح البال

لاتجي فوق حفة جـروف=
تبني البيـت ثـم يدمـرا=
دون صيدك حداب السيوف=
كان قلبـك لحرفـه قـرا=

[صقر نايف العتيبي]

الله الله صح اللسنتكم يالقروم

[شبيب شافي الملعبي]

لاهنت على النقل وتقبل تحياتي