يا الربع الربع ادخلو ادخلو طلب طلب

[ayedh]

كيف حالكم يالربع عني طلب بس واحد اي قصيده وقصته اذا ماعليكم


كلفه ابي القصيد الي قول فيه الشاعر والله مدري منهو بعد

لاولله اصبحو الصحابن قوم ..........أخ


نبيها كامل ومن الي قايله

لاتشرهون ياربع تراى والله انقرظو شيباناء عانهم متبطحين في الحزم ولا

علمونئ القصص والقصايد انقرظو قبل مانجي ومابقي الى الشباب ولا

عندهم هذيك المعلوومات الكاافيه


بس عندنا مدرسه اسمه منتدي الهيلا مهم مقصره في هذي الامور


تحياتي لكم جميعااا

[محمد العتيبي]

الاخ العزيز
عموما اللي انت طلبته غير واضح
وياليت تحدد بيت ولا شطر واضح على شان
نقدر نفيدك ويفيدونك الاخوان..
وانشالله مايقصرون..

[ابن عصيم]

هذي قصيدة الأميرالفارس تركي بن صنهات بن حميد فارس عتيبة وقائدها في المعارك الضارية

وجهها للأمير محمد بن هادي بن قرملة فارس قحطان

بعد مرباع عتيبة في نجد عند القحاطين قبل وكان شرط القحاطين أن بعد المرباع أي شي يفقد منهم يردون عتيبة

وكان هذا قبل يقول تركي قصيدته المشهورة نومك طرب وقبل ما ينزحون القحاطين عن قرارة نجد وهضابه

المهم أنه فقدوا القحاطين خمسة خيول وتم ردها لهم في حينها

ولكن القحاطين أخذوا قعود صغير لرجال عتيبي اسمه زبن ولم يرجعوه

فأرسله تركي لابن هادي معه قصيدة هي

يا زبن كرب فوق ما يطرد النوم= حراير يا زبن مثل الاهلة

مرباعهن ما بين ظلم والأكموم= ومن السفايف يرمحن الأظلة

ملفاك شيخ بالقسا يذبح الكوم= شيخ وشيخان القبايل تدله

تلفى محمد زبن من جاه مضيوم=زبن الدخيل اللي مخيف محله

وليا لفيت الشيخ يا زبن ملزوم=تعطيه مرسوم بوسطه سجله

جانا من الشايب مكاتيب وعلوم=((نسيت البيت))

الشايب اللي ينقل الكبر والزوم=باغي لحكمي مير أنا عاصي له

الله يغشك يوم غشيتنا اليوم=تقرا الكتاب ولا تهاب المضله

جزاك من عندي من الخيل حثلوم=مثل البرد من مزنة مستهلة

إن كان تذكر سابق لك من اليوم=فرس عتيبي ورد شاهد له

أديت أنا اربع قحص والخامس التوم= وقعود زبن اللي بغا ما حصله

(( لا والله ألا راحو أصحابنا قوم=تنافضت من بينهم بالأجله))

والحرب شب وشبشبه كل شغموم= من شبته ملح الفرنجي عصا له


أنا برمحي فأول الخيل ملحوم=وألا أنت رمحك عند سارة تشله

اعرف ترا من طاح ماهوب مليوم=ياكود من رب الملا شافعله

شافي وجرمان غدو بأول القوم=خلو مطوعهم وأنا شاهدله

خلوا مطوعهم على غوجه التوم=وعزي لمن حط الردي مسندله

أنتم كما ضلع طويل ومزموم=وحنا خلقنا الله نجومن تهله

وأنتم كما طير البحر ذاك أبا الحوم= وطير البحر ما يذبحه غير ظله

ويمكن فيها نقص لأنها من ذاكرة الحفظ

ومن رد ابن هادي لتركي

حي الكتاب اللي من الزاج مرشوم=حيه وحي اللي مشى حشمة له

ساعة قريته عفت ماشفت مرسوم=رد النقا تركي وهو منحني له

إن كان رمحك بأول الخيل ملحوم =فأنا برمحي حامي نجد كله

وهي أطول من ذلك

لكن المعذرة عن القصور لأنها من بقايا الذاكرة كما قلت

مودتي

ابن عصيم الحلحلي

[محب الهيلا]

مشكورين على التوضيح

[ayedh]

مشكوووووووووو ابن عصيم الحين هذي كامله مافيه نقص تكفون ان

كان فيه نقص قولو وش الي ناقص نبيه كامله

عزيزي ابن عصيم ماقصر بيض الله وجهه يمال العاااااااااافيه الى تخليه

السرع من البووووووورش ههههههههه


تقبلو مرووووووووري

[شبيب شافي الملعبي]

لاهنت على النقل وماقصرت

[فهد النفيعي]

تسلمون على التوضيح

[شبيب شافي الملعبي]

اللة عليك طلبك تم بالسرعة اللي بغيت
مشكور على النقل
وبن هادي غني عن التعريف