المساعد الشخصي الرقمي

مشاهدة النسخة كاملة : تحدي لكل من يعتبر نفسه شاعر محاورة

عمير الثبيتي
20-Dec-2007, 10:46 PM
سلام ردية وفا تضفي على كل الحضور


تضفي على كل الحضور الطيبين بطيبها

الشاعر اللي مايبا يبني كما مبنى القصور


سود الليالي يا وجيه الخير لا يسريبها
معجب العتيبي
20-Dec-2007, 11:27 PM
يامرحبا ترحيبةٍ منها يزيد النور نور=بالشاعر اللي لابغاله لهجةٍ يبديبها
الشاعر اللي ماقدر يطلع مطاليع النسور=يحذر مراقيب النسور العاليه يبديبها
محمد العتيبي
21-Dec-2007, 01:11 AM
بادي المراقيب ،،
بدايه موفقه ورائعه..صح لسانك
..

سارح البال
شاعر وغني عن شهادتي..
نتمنى الاستمتاع لنا ولكم..
..
تقبلوا ودي.
معجب العتيبي
21-Dec-2007, 01:54 AM
بادي المراقيب ،،
بدايه موفقه ورائعه..صح لسانك
..

سارح البال
شاعر وغني عن شهادتي..
نتمنى الاستمتاع لنا ولكم..
..
تقبلوا ودي.


ابو مشعاب مشكووور على المرور طال عمرك
وشهادتك وسام فخر تشكر عليه
مـنـصــور
21-Dec-2007, 02:05 PM
بادي المراقيب

بداية جداً رائعة

سارح البال

تجبر الجميع على متابعتك



واااااصلو
عمير الثبيتي
21-Dec-2007, 11:38 PM
دام البقا حلو النبا يا قف على سد النحور


والذيب لاشاف العشا فى الطارفه يغديبها
حنا سبرنا فى السماء مابه نسور ولاصقور

غير الطيور اللي ربت في شبكها وادريبها
معجب العتيبي
22-Dec-2007, 01:10 AM
الطيّبه وان طوّلت في كف راعيها تبور=يارب هرجه تذبح الرجال مايدريبها
ياطير ياطيرٍ سبر قلي وش انت من الطيور=اثنينك اللي قلتها ماضنتي تحريبها
عمير الثبيتي
22-Dec-2007, 01:59 PM
عان المهند س كم بنا لك من كباري من جسور


وسود الليالي ما كشفت لك ياعميلي غيبها

ياراعي المرتين لا تهفي بعد صفرك يثور


أعرف حصاني نجد ياسمحان واعرف ذيبها
معجب العتيبي
22-Dec-2007, 02:20 PM
جاوب على قد السؤال ولاتكلم فالدهور=قلي من ايّات العرب قدام لا تمشيبها
تعرف وتعرف ياغليم لايجي قلبك غرور=واعمالك اللي طيبه لاتبتدي تخريبها
معجب العتيبي
22-Dec-2007, 02:23 PM
ياراعي المرتين لا تهفي بعد صفرك يثور

والله مادريت وش تقول هههه اللهجات لها دور
عمير الثبيتي
22-Dec-2007, 08:57 PM
أن كان ما تعرف تعوم اليا تقربت البحور ...........................


خلك مع الطباخ ودّ صحون والا جيبها


أنت من عيال البطن ولا من عيال الظهور.............................


حتى على الصابر تجئ ورموشها ياشيبها
معجب العتيبي
23-Dec-2007, 02:12 AM
اسمي واسم ربعي فخر انا من طوال الشبور=يوم ان بعض الناس ربعه يستحي يطريبها
انا اشهد ان اللفلفه طبعك ولك فيها حظور=والنفس لازاد الخلل فيها يزوّد عيبها
عمير الثبيتي
23-Dec-2007, 02:49 PM
الله يستر بالستر من هو مضفى بستور .................................


والحية أم جنيب جاها الموت وسط جنيبها

أنته عمى ولا عور ولا صور ولا معقور.......................................


أظنك اللي حطته دنياه وسط اجويبها
معجب العتيبي
23-Dec-2007, 03:19 PM
انته تصوم ليا الظهر ثمٍ تقرب للفطور=اوراقك اللي لخبطت عوّد على ترتيبها
الظاهر انك عن طريق الحق منهي ومحَظور=والا معك معلومتن ماودك بتسريبها
عمير الثبيتي
23-Dec-2007, 07:40 PM
انته تشيل في الجنايز والجنايز للقبور.............................


خلك على مسراك لين الصائبه نرهيبها


ون كان ودك يا غليم بيننا غوش القدور........................................

الهينه ماني لها صاحب ولا نجز يبها
معجب العتيبي
23-Dec-2007, 07:50 PM
نيتك يارجال صارت من حدورٍ في حدور=ياطيبها لاصارت النيه سما ياطيبها
الظاهر انك ماشيٍ مثلي على نفس الشعور=غنرتك في كفك يابادي قمتلي توميبها


اخوي بادي المراقيب
سعدت باللعب معك
وحياك الله مهما كنت من العرب

ومشكور وان بغيت تختم وان بغيتها على ماهي عليه

والى لقاء اخر
مرجح الميزان
23-Dec-2007, 07:56 PM
صح لسانك يابادي المراقيب


وصح لسانك ياسارح البال


على هالطاروق الكايف
عمير الثبيتي
23-Dec-2007, 08:13 PM
ألاخ سارح البال بعد التحية والتقدير



شكراً على هذه الروح ويسعدني اللعب معك

والسموحة لن جا زله ولا هرجة مختله

مع تحيات الثبيتي بادي المراقيب
عبدالرحمن الهيلوم
23-Dec-2007, 09:48 PM
بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين




خلووووووووووووووووووووها 00 صح الاسان كل واحدمنكم يالغالين

متــــــــــــــــــــــــــــــــــابعين وفالكم التوفيق
معجب العتيبي
24-Dec-2007, 01:03 PM
لكل من مر علينا
نقوله شكرا
وصحة السنكم