ابن البجاديه
18-Dec-2007, 06:28 AM
كان لبندر دوره في الشعر عندما مدح العديد من السيارات
اليك عزيزي القارى بعضها
----------------
يااهل الونيت اللي يبا مشتل البيب مادق صدرة بالخطوط الغزيرة
يوم يتخثع في محير الاداعيب يشدي تخثع جادلاً في حريره
لاتجربونه مايبي الفرت تجريب قد جربة بالبيت الابيض خبيره
----------------
من فوق فرت يوم يرخى المتوني جول القطا اللي وارداًعقب مرواس
-----------------
راكب اللي يوم طب من النفودي كن صلفات الهبايب عج ويله
صوت سيره يوم غنى بالعمودي صوت ذيب وارداً راس الطويله
---------------
ياهل الونيت اللي على مدقمه ميم نقل الرياض الخط ماتوصلونه
صناعتة مخطين ملة ابراهيم حمران روم لونهم مثل لونه
مارهموا له بالكراجات ترهيم ولا طلعو كبريترة ينفخونه
والله لو امسك طارته يالمغانيم ماعاد اقلد دولة يصنعونه
-------------
الله على اللي يوم يفتل عموده يطلع ثرى ارض بعد القيض ماها
ليااونس ثقيل الترس يرسي عضوده شيهانة ترخي المتون لعشاها
------------
يامنير دوك الفرت واخذ الفواتير افحص عليه ودخلة بالكراجي
اللي يبي بنزين ركب مواسير واللي تبيه النار ركب بواجي
------------
الا يا نديبي فوق من ينطح التهريب ليا عدّ ميه قام يلعب دركسونه
أبى ابعد عن الشرطة وأفارق جنود الذيب لدار يبيدن الونيتات من دونه
وياحن قلبي حن فرت بعد توضيب تحت خارجي ماطفت نار غليونه
------------
مايفيد اللف لو يالع و أكنّه ماش مثل اللي قراطيسه نظيفه
راكب اللي زوّد اليابان فنّه واخترع فيه الدبل ضد الحتيفه
----------------
يا عبيد غنّن سيور الهاف لا يا بعد كل من غنّا
عرق الابيتر رماه خلاف ما طبّ له واحد منّا
------------
وجدي عليه وجد من هرّب الجمس في حمله يا عبيد سبع المثاني
يوم الطرد غدت ثلاثه كما الخمس قامت تقطّع قربته جدّ عاني
------------
عدو به على اللي كنّه النسر بالمرقاب على الجمس الأصفر كاملات شراشيره
معه فرت خمسه طن ياخذ ميّة ركّاب من المال عيّن ينقلنّه تغاييره
------------
من فوق فرت مايشيل الصقاقير من زود فنّه صافيات بلوفه
بعريبيا ما رهّموا له مسامير من دولة النجمة مبادي حروفه
-----------
راكب اللي يعجب اللي يوم حافه زين صوته بالسيور المعدنية
زيّن الصنّاع شغلة بالكيافة ناسج حوضه على ذوق الحنيّة
-----------
راكب اللي يوم واشك خط لينة مثل شقرا واشكت جول الحباري
عيدهي ما يوني من قرينه ناشب في مدقره حمض الخباري
رافعين سليتره ومطوّلينه ما نبيه بدق ولفه بالحداري
---------------
راكب اللي من حفيزه للحدودي عقب العشرين طبلون اميتينه
فرت نوع كلاسيكي ماله طرودي أبيض في البيت الأبيض فارقينه
يرفعنّه نايمات بالعمودي والهوى والنار يرخنّ المكينه
يوم مرّ خريص مع عرق النفودي قاومه صوت القيامة في المدينة
--------------
راكب اللي مخّ رجليه خنزير وهوا اشهب في مقدمه بارقين وعكس تاج
متر في مترين مستبرم كله سوا حايفه حطّاب ما سمكره راعي الكراج
إن نعشته بالثلاثة مع اللفه عوا عوي ذيب محتدينه مربّيت النعاج
ثابت ما يختلف كلما لف إنزوا وارتفع ثم إرتخى مثل طايرة المراج
كن ضرب المرو في الويل قدّام و ورا ضرب هملول البرد وإن تقفّاه العجاج
منوة اللي مشفق لهله ولهم نوا من بعد طول المسافة يبي فلّة حجاج
-------------------
يا اهل الونيت اللي يشق الدهو شقّ يصفر صفير مفجرات السراعة
أمّا اركبوني يالنشاما بلا حق والا أوصلوا مرزوق منّي وداعة
---------------------------------------------------------------------------------------
وله قصيده بعنوان يا الله ياجال الا مور المهمه
يالله يا جــال الامور المهمــه
تجلا وهج قلـبٍ برا حال راعيـه
البر دجته والبحر رحـت يمـه
يقطعك يا حظٍ على الله مساعيـــه
يوم ان ولد اللاش رزقه على أمه
رزقي على اللي ميت القشـع يحييـه
يا مـل قلـبٍ كل ما مات همـه
دارت دواليب الدهـر لين تحييــه
فراق شمـل النـاس عيـا يلمـه
وقتٍ يشيـب الراس من شايةٍ فيــه
احـدٍ ينـام وحط راسه ابكمــه
واحدٍ تخـم النـوم عينـه وتخطيـه
واحـدٍ يحـاول بالرداء بنت عمه
واحدٍ يحاول ستـر عذراء عوانيـه
ما ني وانا بنــدر ببياع دمــه
يقطعـك يا بيـاع دمـه و مهفيــه
اللـي يبيـع لابسـات الأزمـه
ثورٍ يبا بيض الرعابيــب تغنيــه
يزعل ليا جت ليلة الدور يمــه
يرضى بسوق المال فخوه وفابيــه
خطو البخيـل اللي يكبـر معمـه
يقـرا الكتـاب اواجـب الله يخليـه
اما هرج لـك في رفيقـه بنمـه
ولا عطا وأمـه اتضيــع هقاويـه
انشدك ياللـي كل فـرضٍ تتمـه
تقرا الكتاب وكل فـرضٍ تصليـه
ويش القليب اللي غميـقٍ مجمـه
ما فاد غرسه مـاه عطشٍ سوانيـه
تخالـف الانـظار شرقٍ ويمـه
وكلٍّ هدف رأيه من الناس مرضيـه
سَم السبب يا عارفٍ عنه سمـه
سَم السبب يا عارفــه قبل اسميـه
----------------------------------------------
زرع اليمن واللي مسويه عيده
يا زيـن فنجال علـى هجعـة الناس
زرع اليمـن واللي مسويـه عيده
يبر العماس اللي فضى طوبة الراس
روابـع يقفــي ويقبـل بـذيـده
يا سهيف الذرعان لـو قلت لا بـاس
ما نيب من يجري الخبيث بوريده
كم فرجـة مـن خوفها البال محتاس
علـى عيال اليـوم عسـر مديـده
وغيره ليا نامت عن النكر الأنجاس
سجـدت للـي يـدرج الملك بيـده
-------------------------------------------------------------------
من عاشر الطيب يحده على الطيب
الله على اللي عسكرت باللواليب مامونـة والا النجـايب خطيـره
ترفعـت من فـوق خــط الانـابيـب تشد الطخاة اللي بجانب نقيره
يا صاحبي خذ كلمـة مـابهـا ريب من واحد ماكنهـا فـي ضمــيره
من عاشر الطيب يحدة على الطيب ان قل زينة كف شـرة وخيـره
ومن رافق الخايـب تبيـن عذاريب مرت علية الطايـلة والقصيـره
----------------------------------
وحدك ولا خوة مغاريف الا نجاس
يـوم ان خـلان الرخـا هملـوني ركبت واركبت المغربل من الناس
من فوق فرت يوم يرخي المتوني جول القطا اللي وارد عقب مرواس
من ماردة يا منير شابن عيوني ومن مصدرة يا منير شاب اسود الراس
كان الرجال اللي مضو يصدقوني وحدك ولا خوة مغاريف الانجـاس
طوال الظهــور مخيبين الظنونـي جرارة الطرقــة سرابـيل الاكيـاس
والبوم بيت البـوم مايـــفـلـوحنـي ماطلعت سود التنك فض ونحـاس
----------------------------------------------
النفس طير والخطايا محابيل
الله من عيـن ليا عسعس الليل عــافت لذيذ النوم ماتهتنيبه
ياوين ابلقى من يحب التعاليل يبدي بزين القاف والا ابتديبه
خطو الولد يامال قصر التماهيل يشـرح عيوب الناس ماشاف عيبه
يفرح ليا شاف المجالس هراميل يكرة ليا شاف المجـالس منيبه
مـاشـوقنـه طيبـات التمـاثيل مع شايب قد بين الوقـت شيبـه
مـاهـوب شايب شيبنه غرابـيـل عيـد يقـفي بـه وعـيد يجيبـه
انا الذي شفت الوزا يااسماعيل طاوعت نـفسي لين شفت الغليبه
النفس طـير والخطايـا محابيل والناس راوي الحـديث اتحكيبه
وانصحك ياللي تاية بالدواليل ليا تاة فكرك تاة مسرى النجيبه
احذر تصلي بالهدوم المسـابيل واحذر تخاو اللاش تابع نسيـبه
-----------------------------------------------
اليك عزيزي القارى بعضها
----------------
يااهل الونيت اللي يبا مشتل البيب مادق صدرة بالخطوط الغزيرة
يوم يتخثع في محير الاداعيب يشدي تخثع جادلاً في حريره
لاتجربونه مايبي الفرت تجريب قد جربة بالبيت الابيض خبيره
----------------
من فوق فرت يوم يرخى المتوني جول القطا اللي وارداًعقب مرواس
-----------------
راكب اللي يوم طب من النفودي كن صلفات الهبايب عج ويله
صوت سيره يوم غنى بالعمودي صوت ذيب وارداً راس الطويله
---------------
ياهل الونيت اللي على مدقمه ميم نقل الرياض الخط ماتوصلونه
صناعتة مخطين ملة ابراهيم حمران روم لونهم مثل لونه
مارهموا له بالكراجات ترهيم ولا طلعو كبريترة ينفخونه
والله لو امسك طارته يالمغانيم ماعاد اقلد دولة يصنعونه
-------------
الله على اللي يوم يفتل عموده يطلع ثرى ارض بعد القيض ماها
ليااونس ثقيل الترس يرسي عضوده شيهانة ترخي المتون لعشاها
------------
يامنير دوك الفرت واخذ الفواتير افحص عليه ودخلة بالكراجي
اللي يبي بنزين ركب مواسير واللي تبيه النار ركب بواجي
------------
الا يا نديبي فوق من ينطح التهريب ليا عدّ ميه قام يلعب دركسونه
أبى ابعد عن الشرطة وأفارق جنود الذيب لدار يبيدن الونيتات من دونه
وياحن قلبي حن فرت بعد توضيب تحت خارجي ماطفت نار غليونه
------------
مايفيد اللف لو يالع و أكنّه ماش مثل اللي قراطيسه نظيفه
راكب اللي زوّد اليابان فنّه واخترع فيه الدبل ضد الحتيفه
----------------
يا عبيد غنّن سيور الهاف لا يا بعد كل من غنّا
عرق الابيتر رماه خلاف ما طبّ له واحد منّا
------------
وجدي عليه وجد من هرّب الجمس في حمله يا عبيد سبع المثاني
يوم الطرد غدت ثلاثه كما الخمس قامت تقطّع قربته جدّ عاني
------------
عدو به على اللي كنّه النسر بالمرقاب على الجمس الأصفر كاملات شراشيره
معه فرت خمسه طن ياخذ ميّة ركّاب من المال عيّن ينقلنّه تغاييره
------------
من فوق فرت مايشيل الصقاقير من زود فنّه صافيات بلوفه
بعريبيا ما رهّموا له مسامير من دولة النجمة مبادي حروفه
-----------
راكب اللي يعجب اللي يوم حافه زين صوته بالسيور المعدنية
زيّن الصنّاع شغلة بالكيافة ناسج حوضه على ذوق الحنيّة
-----------
راكب اللي يوم واشك خط لينة مثل شقرا واشكت جول الحباري
عيدهي ما يوني من قرينه ناشب في مدقره حمض الخباري
رافعين سليتره ومطوّلينه ما نبيه بدق ولفه بالحداري
---------------
راكب اللي من حفيزه للحدودي عقب العشرين طبلون اميتينه
فرت نوع كلاسيكي ماله طرودي أبيض في البيت الأبيض فارقينه
يرفعنّه نايمات بالعمودي والهوى والنار يرخنّ المكينه
يوم مرّ خريص مع عرق النفودي قاومه صوت القيامة في المدينة
--------------
راكب اللي مخّ رجليه خنزير وهوا اشهب في مقدمه بارقين وعكس تاج
متر في مترين مستبرم كله سوا حايفه حطّاب ما سمكره راعي الكراج
إن نعشته بالثلاثة مع اللفه عوا عوي ذيب محتدينه مربّيت النعاج
ثابت ما يختلف كلما لف إنزوا وارتفع ثم إرتخى مثل طايرة المراج
كن ضرب المرو في الويل قدّام و ورا ضرب هملول البرد وإن تقفّاه العجاج
منوة اللي مشفق لهله ولهم نوا من بعد طول المسافة يبي فلّة حجاج
-------------------
يا اهل الونيت اللي يشق الدهو شقّ يصفر صفير مفجرات السراعة
أمّا اركبوني يالنشاما بلا حق والا أوصلوا مرزوق منّي وداعة
---------------------------------------------------------------------------------------
وله قصيده بعنوان يا الله ياجال الا مور المهمه
يالله يا جــال الامور المهمــه
تجلا وهج قلـبٍ برا حال راعيـه
البر دجته والبحر رحـت يمـه
يقطعك يا حظٍ على الله مساعيـــه
يوم ان ولد اللاش رزقه على أمه
رزقي على اللي ميت القشـع يحييـه
يا مـل قلـبٍ كل ما مات همـه
دارت دواليب الدهـر لين تحييــه
فراق شمـل النـاس عيـا يلمـه
وقتٍ يشيـب الراس من شايةٍ فيــه
احـدٍ ينـام وحط راسه ابكمــه
واحدٍ تخـم النـوم عينـه وتخطيـه
واحـدٍ يحـاول بالرداء بنت عمه
واحدٍ يحاول ستـر عذراء عوانيـه
ما ني وانا بنــدر ببياع دمــه
يقطعـك يا بيـاع دمـه و مهفيــه
اللـي يبيـع لابسـات الأزمـه
ثورٍ يبا بيض الرعابيــب تغنيــه
يزعل ليا جت ليلة الدور يمــه
يرضى بسوق المال فخوه وفابيــه
خطو البخيـل اللي يكبـر معمـه
يقـرا الكتـاب اواجـب الله يخليـه
اما هرج لـك في رفيقـه بنمـه
ولا عطا وأمـه اتضيــع هقاويـه
انشدك ياللـي كل فـرضٍ تتمـه
تقرا الكتاب وكل فـرضٍ تصليـه
ويش القليب اللي غميـقٍ مجمـه
ما فاد غرسه مـاه عطشٍ سوانيـه
تخالـف الانـظار شرقٍ ويمـه
وكلٍّ هدف رأيه من الناس مرضيـه
سَم السبب يا عارفٍ عنه سمـه
سَم السبب يا عارفــه قبل اسميـه
----------------------------------------------
زرع اليمن واللي مسويه عيده
يا زيـن فنجال علـى هجعـة الناس
زرع اليمـن واللي مسويـه عيده
يبر العماس اللي فضى طوبة الراس
روابـع يقفــي ويقبـل بـذيـده
يا سهيف الذرعان لـو قلت لا بـاس
ما نيب من يجري الخبيث بوريده
كم فرجـة مـن خوفها البال محتاس
علـى عيال اليـوم عسـر مديـده
وغيره ليا نامت عن النكر الأنجاس
سجـدت للـي يـدرج الملك بيـده
-------------------------------------------------------------------
من عاشر الطيب يحده على الطيب
الله على اللي عسكرت باللواليب مامونـة والا النجـايب خطيـره
ترفعـت من فـوق خــط الانـابيـب تشد الطخاة اللي بجانب نقيره
يا صاحبي خذ كلمـة مـابهـا ريب من واحد ماكنهـا فـي ضمــيره
من عاشر الطيب يحدة على الطيب ان قل زينة كف شـرة وخيـره
ومن رافق الخايـب تبيـن عذاريب مرت علية الطايـلة والقصيـره
----------------------------------
وحدك ولا خوة مغاريف الا نجاس
يـوم ان خـلان الرخـا هملـوني ركبت واركبت المغربل من الناس
من فوق فرت يوم يرخي المتوني جول القطا اللي وارد عقب مرواس
من ماردة يا منير شابن عيوني ومن مصدرة يا منير شاب اسود الراس
كان الرجال اللي مضو يصدقوني وحدك ولا خوة مغاريف الانجـاس
طوال الظهــور مخيبين الظنونـي جرارة الطرقــة سرابـيل الاكيـاس
والبوم بيت البـوم مايـــفـلـوحنـي ماطلعت سود التنك فض ونحـاس
----------------------------------------------
النفس طير والخطايا محابيل
الله من عيـن ليا عسعس الليل عــافت لذيذ النوم ماتهتنيبه
ياوين ابلقى من يحب التعاليل يبدي بزين القاف والا ابتديبه
خطو الولد يامال قصر التماهيل يشـرح عيوب الناس ماشاف عيبه
يفرح ليا شاف المجالس هراميل يكرة ليا شاف المجـالس منيبه
مـاشـوقنـه طيبـات التمـاثيل مع شايب قد بين الوقـت شيبـه
مـاهـوب شايب شيبنه غرابـيـل عيـد يقـفي بـه وعـيد يجيبـه
انا الذي شفت الوزا يااسماعيل طاوعت نـفسي لين شفت الغليبه
النفس طـير والخطايـا محابيل والناس راوي الحـديث اتحكيبه
وانصحك ياللي تاية بالدواليل ليا تاة فكرك تاة مسرى النجيبه
احذر تصلي بالهدوم المسـابيل واحذر تخاو اللاش تابع نسيـبه
-----------------------------------------------