الليل والملعبة قامت رحاها تدور

[جمل زومان]

سلام رديةً تنصا جميع الحضور=عداد نو المطر عداد نبت الربيع
الليل والملعبة قامت رحاها تدور=والفوز كسب الجمل والخصم قسمه صريع

:D

[مرجح الميزان]

:)



يامرحبا بالآوادم.. عد ما فج نور=ترحيبة من سطاها كل عاصي يطيع
الليله أما سرى بأم الخضاب معقور=ولا تهفه دينه؛؛ فالطريق السريع

[جمل زومان]

:)


ترى الجمل ياوسيع العرف رجل امخبور=معروف بين الاوادم وانت راسك صديع
ياربعنا وازهمو نادو مدير المرور=راع الشفر حادثه فالدرب حادث شنيع

[مرجح الميزان]

كان الجمل رجل.. حام الديك حوم الصقور=ولا عاد نفرق مابين الراهبي والمنيع..؟
يالله أنا طالبك رحمتك ..يوم النشور= في ذنبي اللي قرفته يالغفور ..السميع

[جمل زومان]

ان كان تجهل ذكور الناس فانت معذور=لكن لو شفت مشعاب الجمل ماتضيع
الله يغفر ذنبوك وانت خلك صبور=اصبر علي بلوتك والله رحيمً شفيع

[مرجح الميزان]

;)

ان كان تبخص.. ذكور الناس فأنت مهجور=مالي ومال العميل اللي لراسه قريع
محشور,, محشور,, لين يحين يوم النفور=ومن بعدها فكك الله يابليس اللكيع

[جمل زومان]

انا ابخص الطيب والطيّب وكل الامور=ابيع واشريبها شراوك واشري وابيع
من كلمة وحّدة دمك يفوح يفور=وشلون لو ذقت ظربة من رهيف الذريع

[راع العلطا]

جمل زومان ............. مرجح الميزاان


صحت ألسنتكم


ومتايبعين لأخر حررف.........

[جمل زومان]

من كلمة وحّـدة دمـك يفـوح و يفـور
وشلون لو ذقت ظربة من رهيف الذريع

[جمل زومان]

راعي العلطا مرحبا ومسهلا
صح بدنك ولاهنت علي المتابعه
تحياتي

[مرجح الميزان]

:)



قال المثل كلمة ,, مرت بكل العصور=الزبده ..اليا اشرقت شمس الحقيقه تميع..؟
وختامها ياعسى دنياك دايم سرور=ويعم خير الولي دارك.. ودار الجميع

[مرجح الميزان]

أخوي جمل زومان..الأخير عندك


وصح لسانك مليون

ولا

يسدون

تشرفت باللعب معك

واشكرك على سعة صدرك

وكل عام وأنت والجميع بألف خير

[جمل زومان]

مرجح الميزان صح لسانك واشكرك علي اتاحة الفرصه لخوك والنتجيه لصالحك عشرة صفر

<--- عليمي

ههههههههه

تحياتي لك يالغالي

[مرجح الميزان]

راع العلطا..:eek:

هلا ومرحبا..منور بحضورك


تصدق اني حسيت القاف هذا في صاله مغلقه



لكن حضورك ..أسعدنااااااااااااااااااااااا:):