طاروق

[حمود الحربي]

السلام عليكم ورحمة الله وبركاته


اخواني يسعدني ويشرفني أن اكون بينكم وهذا اول مشاركه لي


واقرب شاعر.........


سلامي على الهيلا من الروح مبداه=شبابي وبسمي افتخر من شبابه

ترى اللي ورد متحيزم أحزامه رشاه=ولا يروي العطشان شوفةسرابه

[زيزوم مدركه]

حياك الله ياحمود

هلا مرحبا ترحيب ياطيب الجاة= شبابي وجا في المنتدى مع عتابة
يبا يشرب الضامي ويروي ضماياة=على حيد هداجاً مصفى شرابة

[علي الثبيتي]

يامرحبا يالحربي وحياك الله بين ربعك شبابه
وصح لسانك
وصح لسانك يازيزوم مدرك
وعلى القوه

[حمود الحربي]

الله يعطيكم العافيه والله يبارك فيكم والله من طيبكم ياعتيبه الترحيب الطيب

وصحت السنتكم جميع ويالربع والله مدري اارد على مين

[زيزوم مدركه]

سامحني يالنشمي يابن العم
وصح بدنك
ولا علاك زود ياحمود

[علي الثبيتي]

واصل انت وزيزوم مدركه
وعلى القوه

[حمود الحربي]

حياك الله ياحمود

هلا مرحبا ترحيب ياطيب الجاة= شبابي وجا في المنتدى مع عتابة
يبا يشرب الضامي ويروي ضماياة=على حيد هداجاً مصفى شرابة

صح لسانك


يدوم البقاء والقرم ماتقَصر خطاه=على أهل الوفاء والطيب متعب ركابه

ترى العد يازيزوم حنا وردناه=نبى ناخذ ونعطي ونلقى إجابه

[زيزوم مدركه]

توكل على الله منت محري بمضماه= ماقدمك ياحربي الا قنيب الذيابه
يبا يتعب الطرقي وتتعب مطاياه= وهو مالقى ياحمود شياً هقابه

[حمود الحربي]

توكل على الله منت محري بمضماه= ماقدمك ياحربي الا قنيب الذيابه
يبا يتعب الطرقي وتتعب مطاياه= وهو مالقى ياحمود شياً هقابه


تقدم على الله يحفظ الدرب من جاه=وأنا مالفيت أهيم وسط الشعابه

يبى يتعب الطرقي ويلقى ما رجاه=ويلقى جوابه كان قدم خطابه

[زيزوم مدركه]

بدانا سوا في كتابنا اللي قريناه= وانا اخيل براقاً يرازم سحابه

من اليوم ادور شي عجزت لاالقاه=وان مانويت بكسر قوس الربابه

[علي الثبيتي]

الله الله
صح لسانك ياحمود
وصح لسانك يازيزوم
والليل الليل عاشو عاشو

[زيزوم مدركه]

صح بدنك يالنشمي

[حمود الحربي]

بدانا سوا في كتابنا اللي قريناه= وانا اخيل براقاً يرازم سحابه

من اليوم ادور شي عجزت لاالقاه=وان مانويت بكسر قوس الربابه


تشوف السحاب اللي سقى الارض من ماه=وتقصر بشوفك لجل مروي ترابه


ترى اللي بنى يالقرم بيعز مبناه=وأنا مابنيت البيت بصك بابه

[حمود الحربي]

اخوي النشمي صح بدنك واشكرك على المرور

[زيزوم مدركه]

تخيل المزون بعيد سيلاً ومنحاه= تعين لقبراً ماوضعله نصابه

عينت الامير اللي طرح جنب شلفاه= عسى ياحمود الشيخ كرم جنابه

[حمود الحربي]

ألا ياعتيبه مالفيت أبحث خفاه=ولكن بعض العلم لا يندرابه
ياليت الزمان يعود ويعود ذكراه=تشوف الفعول وكل ماينجرابه

[زيزوم مدركه]

ولا ياحمود انقدلك اريال وجناه= ولا يمسك سيفاً بليا نصابه

لو اتصيح للي في جبال المسماه=تتسرون والنيران تبقى غرابه

[حمود الحربي]

انا ماني بحاجة نقوده بمخباه=وترى السيف يحفظ ياولد في جرابه
أنا لو زهمت يجيك بحر" من أقصاه=ويثبت لنا التاريخ حرب الحرابه

[زيزوم مدركه]

عساك الشجيع ان قلت قولاً بتحماه= واقدملك الفنجال طيب وذرابه

تعشق المقاتل صبح والعصر تشناه=وتقنع ولا للثار عندك طلابه

[حمود الحربي]

ترى القول ماعدنا يازيزوم وراه=ومشروب فنجالك وعلمك هلابه
ذبحنا الشيوخ اللي يقدون العباه=وعزالله اللي قال هاليبت جابه

[زيزوم مدركه]

ذبحنا الشيوخ اللي يقدون العباهوعزالله اللي قال هاليبت جابـه

اخوي حمود راجع بيتك

[حمود الحربي]

هلا اخوي زيزوم اشفيه البيت كسر

[زيزوم مدركه]

اثر صاحبي بلاه من داه ودواه=ولا ياحمود الشعر ماهو كتابه

ياليتك تذكر كم عقيداً طرحناه=برد البرى والدم باين خضابه

[حمود الحربي]

ترى شعرنا منحوت من فوق الصفاه=ولدري علام القرم ضيع حسابه
عسى القبر يازيزوم يفرج لموتاه=وتوضح لك الصوره فعول الذيابه

[حمود الحربي]

صح لسانك يازيزوم والله يعطيك العافيه تشرفت باللعب معك وختامها عندك واعذرنا على القصور

[زيزوم مدركه]

ترى شعرنا منحوت من فوق الصفاهولا دري علام القرم ضيع حسابـه

ثاني مرة راجع بيتك

[زيزوم مدركه]

الله يشرف مقدارك الشرف لي ياخوي حمود

وختامها السلام عليكم وسامحني وانت الله يبيحك

[حمود الحربي]

اخوي البيت مافيه شي الله يعطيك العافيه وراجع حسابك

[حمود الحربي]

ولا دري صارت ولدري لزوم القراءه