المساجد والصخا والصوم وسمان الجلايب ... والمصاحف والحرم والهيل والطيب وسبيله

[ابو فراس]

قصيدة رثاء للشاعر الكبير نايف صقر العتيبي قالها في وفاة جده مرزوق بن حمدان بن مسعد

المســـــاجد والصخا والصوم وســـمان الجلايب ...... والمصاحف والحرم والهيل والطيب وسبيله

والبنادق والكرم والنوق وارســان الركـــــايب ....... والليــالي والحطب والنار والتمـر ونخيله

والمزاهب والســــفر والخيل وظهــور النجايب ....... والمساري والسهر وسهيل والبيد الطويله

من يعزيــها بعد ما مات حـــــلال النشـــــايب ....... من يســامرها بعد ما مات كساب الجميله

يا لله الوهاب غياث الثـــرى جــــزل الوهايب ....... يا لله المنـــــان يالــرحمن يارب النفيـــله

سق لقبره من بكور الوسـم هتان الســـــحايب ....... ماطـــرٍ تروي به القيعــان والظامـي يخيله

والغصون اللي طعنها البرد بســـيوف الهبايب ...... لاتثنــــى في يدين البــرد ليـن ابرد غليله

ميتٍ يالدمع وجفـــون الزعل قبر و نصـــــايب ...... والبكا بارد وانا روحي على جمر المليله


وسلامتكم

[ابو وعيل]

قصيدة معبرة


يعطيك الف عافيه يابو فراس على نقلها لنا .

[ابو فراس]

حياك الله يا ابو وعيل ومشكور على مرورك الكريم


تحياتي

[نهيان الحمادي]

بارك الله فيك على ها المشاركة

[ابو فراس]

مشكور على مرورك اخوي الكريم

[الخنفري]

لاهنت يابو فراس على هالقصيدة
وبارك الله فيك
لا عدمناك

[ابن مشيب]

الله يعطيك العافيه يابو فراس , على هذة القصيدة المعبرة.

[ابو فراس]

الله لا يهينك يالخنفري

واسعدني مرورك يالطيب

تقبل تحياتي

[ابو فراس]

حياك يا ابن مشيب

ومرورك شرفنا

تقبل تحياتي