سعود العصيمي .. ما يبرّك للثقال الا جملها

[محلل أدبي]

..


مرحبا بالشاعر اللي تشرح الخاطر بيوته بيننا لا من فتلها = عدّ نسناس الشمال وعدّ مالاحت بروق الغيث من بين الخيالي!!
المثل زد قال من قول الاوادم ما يبرّك للثقال الا جملها = وأنت يا سعود العصيمي من جمال اعقيل تبرك ثم تحمّى للثقالي!!

[محمد العتيبي]

يا سلام ياسلام
محلل ادبي طرق رائع جدا
وننتظر سعود العصيمي..

صح لسانك ..

[$ الحــيــران $]

محلل صح لسانك وبانتظار العصيمي عساكم على القوة

[سعود العصيمي]

محلل ادبي

صح لسانك والمعذرة يعلم الله ماشفت ردك اليوم بعد العصر

استلم ولنا لقاء اخر انشاء الله.والله مدري ردي صح والا خطأ


البقاء ياللي ترحب والمواقف مايوقّف فالمواقف غير اهلها=هات علمك يامحلل واخذ علمي والاجابه تاصلك حسب السوالي

المثل زد قال رجلٍ مايخسّر مايفيد ولوبغا ياصل مناته ماوصلها=والعصيمي بالوفاء معروف مابين الرجال الطيبين من الرجالي

[محلل أدبي]

هلا وغلا يا سعود ,, وأبد اخذ راحتك طال عمرك ..

(( الشطر الاول فالبيت الثاني عد النظر فيه ))


والله انّي خابر انّك من رجالٍ فالمواقف ما تهاب ولا تبلها = مير دوك العلم وأحرص علمنا ذالليل لا يجرف مع الجرف الهيالي
المطيّه منهو اللي يالعصيمي من قديم الوقت برّكها وعقلها؟ = فاطرٍ ذاليوم حالت يالعصيمي بين ابن غانم و ابو زيد الهلالي

[معجب العتيبي]

يالمحلل انا اشهد اني عجزت اتنفس هههههههههه
مبدع طال عمرك

والعصيمي مبدع ورائع دائما


بس يبيلي اعرف اللحون الطويله واوريك هههههههه

[محلل أدبي]

..

أبو مشعاب ..

//

هلا وغلا يالغالي , وصح بدنك

/

[محلل أدبي]

//

الحيران ,,, صح بدنك يالغالي ,,
/
مرورك اسعدني .

|

[محلل أدبي]

//
أبك أبك أبك عجزت تتنفس ابووياه ههههههههههه

/
الابداع انتم هله يا سارح البال ,, والله يستر منك بس :)

/

[سعود العصيمي]

كلمة جزله وكلمة مالها الابيت اهلها والعميل اللي نقلها=الله اكبر يازمان الخير كلك خير وعيالك شغاميم العيالي


حافظين شدادها والياجهلت الناس تخبريامحلل من سألها=مار علمني علامك ماعلى راسك معم ولاشماغ ولاعقالي

[محلل أدبي]

والله أنّا ما نبا هرج الردى كان العصيمي كلمتي ضدّه جهلها = والله اعلّم يمكننها تلحقه منها علومٍ ماضيه يا هملالي !!
كلمتك هذي قديمه يا رفيق الخير مير ان طعتني دوّر بدلها = من تورّى حط عذره فالعمامه والعمامه ما تجيب أول وتالي

[محلل أدبي]

الاخ / سعود العصيمي
//
حدد لنا وقت ونجتمع فيه كلانا ونقشط الطاروق بسرعه من حينه :)
والا لا ؟؟

/

[محلل أدبي]

:confused: :confused: :confused: :confused: :confused: :confused: :confused: :confused: :confused: :confused:


:confused:

[النخيش35]

صح السانك ياا محلل ادبي

[محلل أدبي]

//

صح بدنك يالنخيش ,,

ولاهنت على المرور الجميل ,,

/

تقديري

[معجب العتيبي]

الاخ / سعود العصيمي
//
حدد لنا وقت ونجتمع فيه كلانا ونقشط الطاروق بسرعه من حينه :)
والا لا ؟؟

/

ههههههههههههههههههههههههههه
لله درك وش نقشطه ذي؟
انا قلت الطاروق هذا ماينقشط الا على العنايه المركزه هههههه

[محلل أدبي]

ههههههههههههه

//
سارح البال ,, ابك تفائل بالخير تجده هههههههههههههه

/
وان تفائلت بالشر تبا تنقشط هههههههههههه