ابو محمد
19-Sep-2003, 07:38 PM
هذه المرثيه للشاعر هاجد جايد العتيبي في اخيه المرحوم حبيب العتيبي والذي كان يتمتع بخصال الرجال مثل الكرم ومساعدة الغير واحترام الصغير والكبير رحمه الله رحمه واسعه واسكنه فسيح جناته .
البارحه كثرت عليّ الهناديب = ومما يغث البال شفت الغرايب
هجسٍ رمس باقصى الضلوع المحاديب = واركى على كبدي سعير اللهايب
تقول تركا فوق حام اللواهيب = من ضيقةٍ بالصدر شبت شبايب
والفكر يسري معءه شرقٍ وتغريب = واقول يا الهاجوس ويش انت جايب
الهم زاير والمشاعر معازيب = وارواحنا في سوق بقعا جلايب
اونس بقلبي مثل روس المخاليب = واثره خبر فرقا عطيب الضرايب
مرحوم ياللي مامشت رجله العيب = من شبته حتى لفا القبر شايب
حبيب اخويه راح راعَ المواجيب = رِيف الضيوف اليا هبا كل خايب
حلو النبا موفي حقوق الاصاحيب = ماهوب راعي كذب ولاّ طلايب
يبكيه بيتٍ مدهل ٍ للمراكيب = وتبكي معه ُصفر الدلال الربايب
في مجلسه تلقى جماعه واجانيب = وفالطيّبه جزام ماهوب هايب
نفسه معوّدها على العز والطيب = ولا عقًب العلم الردي للقرايب
ساق القدم تحت النجوم المراقيب = ووصل المكان وبركنّ الركايب
واقفا من الدنيا قليل العذاريب = علمي براسه تحت ذيك النصايب
يا موصيٍ للضيف كرمه وترحيب = وانت الكريم ومدك اغلا الوهايب
لعل قبره فيه جنه وترغيب = وتمطر عيه مروّحات السحايب
لا تجعله حفرة عقوبه وتعذيب = وجعله كما عبدٍ من الذنب تايب
وعزاي فيه مكثّرين التراحيب = " علي ونايف " في الامور الصعايب
واطلب من الله " زيد " يوفي المطاليب = ولاخاب من يرجيه حاضر وغايب
الكل منهم يقتلب كنه الذيب = الله يعدّيهم شرور المصايب
ياعلي مافي الصبر شكٍ ولا ريب = اصبر وتلقى خير والحظ طايب
وترى المراجل دربها عسر وصعيب = جعلك وانا عمك تسد النوايب
والعمر يجري والليالي دواليب = والهرج دايم فيه مخطي وصايب
ولا لك عن المقسوم يالعبد تجنيب = والاجل يعلم به مدير الهبايب
وليا وقف يومه يجي له تسابيب = والموت حقٍ والمنايا سبايب
وصلو عدد ماتظهر الشمس وتغيب = على نبيٍ ما بنهجه شوايب
البارحه كثرت عليّ الهناديب = ومما يغث البال شفت الغرايب
هجسٍ رمس باقصى الضلوع المحاديب = واركى على كبدي سعير اللهايب
تقول تركا فوق حام اللواهيب = من ضيقةٍ بالصدر شبت شبايب
والفكر يسري معءه شرقٍ وتغريب = واقول يا الهاجوس ويش انت جايب
الهم زاير والمشاعر معازيب = وارواحنا في سوق بقعا جلايب
اونس بقلبي مثل روس المخاليب = واثره خبر فرقا عطيب الضرايب
مرحوم ياللي مامشت رجله العيب = من شبته حتى لفا القبر شايب
حبيب اخويه راح راعَ المواجيب = رِيف الضيوف اليا هبا كل خايب
حلو النبا موفي حقوق الاصاحيب = ماهوب راعي كذب ولاّ طلايب
يبكيه بيتٍ مدهل ٍ للمراكيب = وتبكي معه ُصفر الدلال الربايب
في مجلسه تلقى جماعه واجانيب = وفالطيّبه جزام ماهوب هايب
نفسه معوّدها على العز والطيب = ولا عقًب العلم الردي للقرايب
ساق القدم تحت النجوم المراقيب = ووصل المكان وبركنّ الركايب
واقفا من الدنيا قليل العذاريب = علمي براسه تحت ذيك النصايب
يا موصيٍ للضيف كرمه وترحيب = وانت الكريم ومدك اغلا الوهايب
لعل قبره فيه جنه وترغيب = وتمطر عيه مروّحات السحايب
لا تجعله حفرة عقوبه وتعذيب = وجعله كما عبدٍ من الذنب تايب
وعزاي فيه مكثّرين التراحيب = " علي ونايف " في الامور الصعايب
واطلب من الله " زيد " يوفي المطاليب = ولاخاب من يرجيه حاضر وغايب
الكل منهم يقتلب كنه الذيب = الله يعدّيهم شرور المصايب
ياعلي مافي الصبر شكٍ ولا ريب = اصبر وتلقى خير والحظ طايب
وترى المراجل دربها عسر وصعيب = جعلك وانا عمك تسد النوايب
والعمر يجري والليالي دواليب = والهرج دايم فيه مخطي وصايب
ولا لك عن المقسوم يالعبد تجنيب = والاجل يعلم به مدير الهبايب
وليا وقف يومه يجي له تسابيب = والموت حقٍ والمنايا سبايب
وصلو عدد ماتظهر الشمس وتغيب = على نبيٍ ما بنهجه شوايب