مااااااااااااااااااااااااجد الهذلــــــــــــــــــــي ...أقررررب [الأرشيف] - الهيـــــــــــــلا *** منتدى قبيلة عتيبة

الشبـــح

13-Dec-2007, 07:14 PM

مساء الخير ياماجد ..

يامرحبا من خاطرٍ دايم وشفه فالثمين = واثر الثمينه ماتحصل غير في دكانها
يالهذلي لك جرّه قديمه ماتغيرها السنين = يوم الفوارس فالمعارك ضايق(ن)ميدانها

ماجد الهذلي

13-Dec-2007, 07:44 PM

طيب طيب

دقيقه وجاك الرد

كنت أنسق محاورة

الشبـــح

13-Dec-2007, 07:51 PM

ابطيت بالحيل ياماجد ..
على انتظارك

ماجد الهذلي

13-Dec-2007, 07:55 PM

دام البقا ياللي ترحب في محل الغانمين = والليله الليله علومك مال بك ميزانها
أنته تبا درب القشر وألا تبا الدرب اليمين = أجمع مكاسب مع خساير والمكاسب عانها

معجب العتيبي

13-Dec-2007, 08:02 PM

الليل الليل

طاروق يلوح في بدايته التميز
وشاعرين لايستهان بشاعريتهما

لابد انها ستوكون من اجمل الليالي

ماجد الهذلي

13-Dec-2007, 08:04 PM

هلا يا ساارح البال

يشرفنا وجودك

الشبـــح

13-Dec-2007, 08:08 PM

ان كان هذي من طبوع هذيل بين المسلمين!! = ربعي عتيبه دايم الترحيب في ضيفانها
انا ليا مني مشيت الدرب لي عقلٍ وعين = متبوع ماني تابعٍ للي تجر ارسانها

الشبـــح

13-Dec-2007, 08:09 PM

سارح البال ..

هلا والله وحييت يالغالي

الشبـــح

13-Dec-2007, 08:23 PM

الليل الليل

ياماجد سرى ؟؟

عجل الله لا يهينك

ماجد الهذلي

13-Dec-2007, 08:28 PM

والنعم بعتابه لكن الله على مثلك يعين = يرفع صقور اجو في جو الفضا جنحانها
أعلمك مرة ولا أعيد السوالف مرتين = نفسك بلاها يوم غنت مقتوي شيطانها

الشبـــح

13-Dec-2007, 08:38 PM

الظاهر إنك ياولد روحّت مثل ام القرين = اللي تدور شفرت السكين في مرحانها
وانته وش اللي تفعله منته مربط فاليدين = اثرك تدس رويسك ان عج السماء دخانها !!

مرزوق حمدان العتيبي

13-Dec-2007, 08:53 PM

.
.
ياسلام ياسلام ...

الشبح والعائد بسلامه ماجد الهذلي ...
صحت السنتكم ....
واصلوا .....

ماجد الهذلي

13-Dec-2007, 08:56 PM

تخطي ولا نقبل خطى والذيب غير ابا الحصين = روح بشانك والعباد مروحه في شانها
راسك مثل راسك النعام وقلت لي قلبك فطين = وين الذهانه والبيوت اللي على سيسانها

ماجد الهذلي

13-Dec-2007, 08:57 PM

هلا يا علم

هلابك يا أستاذي الغالي

وجودك شرف

حمود الحمود

13-Dec-2007, 09:04 PM

ياسلام على الابداع الذي يجبرك على المتابعه
الشبح وماجد الهذلي بيض الله وجهيكما من شاعرين
تقبلو تحياتي .

ماجد الهذلي

13-Dec-2007, 09:08 PM

هلاا يا حمود هلا

وجودك شرف

$ الحــيــران $

13-Dec-2007, 09:25 PM

ياسلام على الجزالة محراف رائع

صح لسانك يالشبح ملايين

صح لسانك يالهذلي ملايين

محب الهيلا

13-Dec-2007, 09:54 PM

مشكورين وماقصرتوا

مرزوق حمدان العتيبي

13-Dec-2007, 10:17 PM

راسك مثل راسك النعام وقلت لي قلبك فطيـن
وين الذهانه والبيـوت اللـي علـى سيسانهـا

..
ياسلام ياسلام ..... واصل واصل وازهل الصف
......

الشبـــح

13-Dec-2007, 10:56 PM

تخطي ولا نقبل خطى والذيب غير ابا الحصين
روح بشانـك والعبـاد مروحـه فـي شانهـا
راسك مثل راسك النعام وقلت لي قلبك فطيـن
وين الذهانه والبيـوت اللـي علـى سيسانهـا

بعض العباد مروّحه ماني بناشد وين وين = ياجعلها روحت مقيط اللي يبى مقطانها

يمكن تعاني من صعوبة فهم يالعقل الذهين! = سجل (صعوبات التعلم ) فتحت بيبانها

الشبـــح

13-Dec-2007, 10:59 PM

مرزوق العتيبي ..

هلا بك هلا بك شرفت نورت الصفحة بتواجدك نفداك ..

الشبـــح

13-Dec-2007, 11:00 PM

ياسلام على الابداع الذي يجبرك على المتابعه
الشبح وماجد الهذلي بيض الله وجهيكما من شاعرين
تقبلو تحياتي .

هلا والله بك ..
ومرورك محل اعتزازي .. ياعزيزي .

الشبـــح

13-Dec-2007, 11:02 PM

الحيران . . صح بدنك ملايين ..
وشرفت ..

.........

محب الهيلا ..
هلابك يالغالي ..

ابــن مـــنـــيـــع

13-Dec-2007, 11:33 PM

صح اللسنتكم ياشعراء وعساكم على القوة

تحياتي لكم

ماجد الهذلي

13-Dec-2007, 11:36 PM

تبا السلامه يالشبح أزبن على الحيد الزبين =أقبل على قوم الوفى يآصلك مد أحسانها
على معين المعرفه أنهل ويكفيك المعين = سدد ديونك يالشبح دور على ديانها

ماجد الهذلي

13-Dec-2007, 11:37 PM

حيا الله الجميع

وجودكم مكسب المحاورة

ماجد الهذلي

13-Dec-2007, 11:40 PM

الشبح النهايه عندك

وصح لسانك

وإلي لقاااء آخر بإذن الله

الشكر للجميع