سارح البال تقدم حياك الله

[نايف بن ملحق الثعلي]

يامرحبا ياهلا ياسارح البال=نبا نسولف معك والعمر فاني

البيع والمشترى من روس الاموال=والسوق دوب احتما يالمودماني

[نواف العصيمي]

الله الله

صح لسانك .. ولسان سارح البال .. :)

وأزهل الصف يانايف

ولكم التقدير والإحترام

[راع العلطا]

يامرحبا ياهلا ياسارح البال=نبا نسولف معك والعمر فاني

البيع والمشترى من روس الاموال=والسوق دوب احتما يالمودماني




الله الله صح لسانك ياناايف على البدع الكايف

وصح لساان سارح البال مقدما ً

متابعين لاخر حرف.

[معجب العتيبي]

دام البقا بك يانايف طيب الفال=سولف واسولف على جزل المعاني
من يدخل السوق بجنيهات وريال=ماترجع العشر في كفه ثماني



الصلاة قربت والليله انكمل طال عمرك

[نايف بن ملحق الثعلي]

بنت الهوى ماعشقها كل رجال=والجدي معروف وسهيل اليماني

حنا نسد الطلب في كل الاحوال=تراك تدري وتسمع بالاذاني

[نايف بن ملحق الثعلي]

نواف العصيمي +راع العلطا

مروركم يسعدنا ويشرفنا لاهنتو

[معجب العتيبي]

بنت الهوى ماعشقها كل رجال=والجدي معروف وسهيل اليماني

حنا نسد الطلب في كل الاحوال=تراك تدري وتسمع بالاذاني



بنت الهوى قلبها بالحيل ميال=ميال الي والهوى يمه رماني
والعشق ماهو سواليفٍ وتنقال=يبغاله اثبات ياذرب اليماني

[معجب العتيبي]

راع العلطا ونواف العصيمي

هلا وغلا ومروركم ينومس

[كبتن عتيبه]

الله الله


طاروق ممتاز


وشعار مايعتاز

[نايف بن ملحق الثعلي]

ودك بها والعلوم الوان واشكال=والوقت يحداك عنها ماحداني

خلك على الهون والله يسترالحال=والمشكله فالزمان القلاباني

[معجب العتيبي]

ياللي تكشّخ لها بشماغ وعقال=لاتتعب النفس في طرد الغواني
اتعتبت روحك واضن الوقت ابك طال=وانا ملكت الكريمه من زماني

[نايف بن ملحق الثعلي]

اثرك تعشق الهوى والحب قتال=وليا نصحناك اظنك ماتداني

ياراعي الكيف يكفي منه فنجال=فزنا بها ياعريبن المجاني

[معجب العتيبي]

اثرك تعشق الهوى والحب قتال=وليا نصحناك اظنك ماتداني

ياراعي الكيف يكفي منه فنجال=فزنا بها ياعريبن المجاني


الحب اله في قلوب الناس منزال=واضنه بحرفك المكتوب باني
واشهر هل الحب تظرب فيه الامثال=ليته مخليه من بين المحاني

[ربح السبيعي]

نايف الروقي و سارح البال


محاوره رائعه وفتل ونقض



صحت السنتكم ولاهنتو

[معجب العتيبي]

نايف الروقي و سارح البال


محاوره رائعه وفتل ونقض



صحت السنتكم ولاهنتو

ياهلا يابو خالد نورت المتصفح بحظورك

[نايف بن ملحق الثعلي]

معاد لك حيلة ٍ فالوقت تحتال=لكنك اسمع كلامي من لساني

انته عطاوي عريب الجد والخال=العلم واحد ولابه علم ثاني

[معجب العتيبي]

ماجبت ياصاحبي مقياس مثقال=عرفت علمك بعد عشرة ثواني
انا عطاوي والي فالمجد مدهال=وعيال عمي لهم قدر ومكاني

نايف الروقي

اسعدني اللعب معك واتحت لي فرصه عظيمه بمجاراتك فشكرا شكرا

وان بغيت تختم وان بغيت تخليها على مبنى الشايب

والا وش رايك؟

[نايف بن ملحق الثعلي]

صح لسانك

شرفتني بااللعب معك يالغالي

والجيات اكثر

[$ الحــيــران $]

صح لسانك يانايف وسارح محراف رائع

[نايف بن ملحق الثعلي]

الحيران صح بدنك

مرورك يشرفنا

[محمد العضياني]

نايف الروقي وسارح البال

صحت السنتكم

سعدت بالمرور واستمتعت بالقراءة

تقبلا التقدير الجم

[نايف بن ملحق الثعلي]

البواردي لاهنت على مرورك

[معجب العتيبي]

لكل من شرفنا بحظور او اطراء او تشجيع


شكرا وعسى عمرك طويل